Iqro

Muborak Ramazon oyi yaqinlashib qolgani sababli mutolaa faqat roʻza haqida boʻldi... Ushbu asarda Islomning farzlaridan biri boʻlgan roʻza qanday tutilishi, qanday ishlar qilsa tutgan roʻzamiz durust boʻlishi, yoki aksincha durust boʻlmasligi haqida aytib oʻtilgan.

Ushbu kitobda eng koʻp soʻraladigan savollarga javoblar berilgan va albatta manba, Qurʼoni Karim, hadislardan keltirilgan dalillar bilan birgalikda. Oʻqisangiz, albatta, manfaatli boʻladi...

*Garchi bahorda yozilgan sheʼr boʻlsa-da, barcha faslda oʻqisa boʻladi...

Muhammad Yusuf — "Alyorim qolur" — she'r oʻqimaganimga ancha boʻlgan edi, oʻqib chiqib maza qildim... Muhammad Yusufning she'rlari oʻqilmasdan turib yod boʻladi, oʻqimagan odam ham yoddan aytib beroladi. Sodda, sof oʻzbekona, zoʻr yozilgan...

Remark "Uch ogʻayni" — yozuvchining asarlari rostan ham zoʻr, asardagi Patritsa Holman obrazi juda yoqdi. Qiz hasta boʻlishiga qaramay hamma narsani kulib yengadi, soʻnggi nafasigacha... Oxirida vafot etishi yigʻlatadiiii... Tezroq boshqa asarini oʻqigim bor...

Imom Abu Homid Gʻazzoliy — "Qiyomat va oxirat" — har bir inson oʻqishi kerak boʻlgan asar. Kitobdan olgan tasavvurlarimni aytib berish juda qiyin...

Ushbu asar Islom dinini naqadar haq din ekanini Qurʼon oyatlari bilan ochib bergan. Paygʻambarlar tarixi haqida, yahudiylik va nasroniylik dinlarining kelib chiqishi va baʼzi bir muammoli savollarga javob yozilgan. U dinlar ham alohida qabilalar uchun, maʼlum bir millat uchun yaratilganligi, Muso alayhissalom, Iso alayhissalom kabi paygʻambarlar oʻz dinlarini yetkazish uchun yuborilganligi; soʻngida Islom dini butun duyo uchun yaratilgan sof tabiat dini ekanligi aytib oʻtilgan.

Shu kitobni sevib oʻqidim, alohida ixlos bilan... "Albatta, amallar niyatlarga bogʻliqdir..." — islomning yarmi shu hadisda. Qilayotgan har bir ishimiz niyatimizga bogʻliqligi, qanday qilib toʻgʻri niyat qilishimiz, xolis Alloh uchun, uning roziligi uchun niyat qilishimiz zarurligi aytib oʻtilgan. Agar toʻgʻri niyat qila olsak, har bir ish ibodatga aylanishi va ajri ham shunga yarasha berilishi aytib oʻtilgan.

Bu kitobni hammaga tavsiya qilgan boʻlardim. Kitobni oʻqib oʻzim qilayotgan koʻp xatolarni bilib oldim... Islomning besh ustunidan biri boʻlgan namoz eng ulugʻ ibodatdir. Uni toʻla - toʻkis, hush'u va huz'u bilan ado etish har bir musulmonning farzidir. Zero:
Namozni toʻkis ado etinglar. Albatta, namoz moʻminlarga vaqtida farz qilingandir. (Niso surasi, 103-oyat)

Ushbu asar bir qizning sof va samimiy muhabbati bilan boshlanadi. Kechalari bilan duo qilib oʻzi soʻrab olgan taqdiridagi inson yillar oʻtib asl yuzini koʻrsatadi va bir farzandi bilan oʻz ayolini oʻldirmoqchi boʻladi. Ayol esa bunday vaziyatda chet davlatga, Amerikaga qochishga muvaffaq boʻladi, faqat otasining ruxsati boʻlmagan bolasini masjidda tashlab ketishga majbur boʻladi. Asarning ikkinchi qismida esa bir musulmon musofirning jajji qizaloqni qanday oyoqqa turgʻizgani va ularning oilasini islom diniga daʼvat etgani tasvirlangan. Ayol oʻzga yurtda juda qiynaladi oʻgʻli esa umuman boshqa shaharda Xullas oʻgʻlini topadimi, yurtiga qaytadimi yoʻqmi, bilmadiiim:) Oʻqib koʻring, bilasiz.

"Bismillah" deb Shayximizning kitoblarini oʻqishni boshladik, Alloh oʻzi davomli qilsin. Kitob boshidanoq Islomni qanday din ekanligini yortib bergan. Oʻqisangiz kitobdagi barcha ilm Yaratuvchini yanayam chuqurroq tanitadi. Yaratuvchini tanish uchun dalillar keltiriladi, masalan, butun boshli galaktika, bir sekundga ham adashmaydigan sayyoralar aylanishi, yer, suv, hujayradan torib atomgacha hammasi Allohning iznida, hammasining oʻz missiyasi bor. Gʻarb olimlarning 90% ilmiy ishlari davomida Islom dinini tan olganliklari aytib oʻtilgan, oxirgi bobda esa Qurʼoni Karim va uning moʻjizalari haqida yozilgan. Musulmon insonning fazilatlari haqida aytib oʻtilgan... Bu kitob insonning qalbiga nur, hayotiga ma’no va oxiratiga najot olib keladigan yo‘lboshchi hisoblanadi...