O’zbekistonda tibbiyot tizimini raqamlashtirish borasida katta o’zgarishlar ro’y bermoqda. Ushbu jarayonni amalga oshirishda Turkiyaning tajribasi juda katta ahamiyatga ega. Turkiya so’nggi yillarda tibbiyot sohasida innovatsion texnologiyalarni keng qo’llab-quvvatlash orqali sog’liqni saqlash tizimini sezilarli darajada takomillashtirilmoqda. Endi bu tajriba O’zbekistonda ham joriy etiladi.

Bir necha kundan buyon O'zbekiston Respublikasi Sog'liqni saqlash vazirligi va "Sağlik Group" tashkiloti turk mutaxassislari Toshkent viloyati Yuqori Chirchiq tumanida namuna sifatida tibbiyotni raqamlashtirish borasida pilot loyihasi amalga oshirilmoqda.

Turkiya o’zining “Elektron Sog’liq” tizimi orqali bemorlar va shifokorlar o’rtasidagi aloqalarni sezilarli darajada yaxshiladi. Bu tizimga bemorlar haqidagi ma’lumotlarni raqamli tarzda saqlash, masofaviy konsultatsiyalar o’tkazish, va tibbiy muolajalarni monitoring qilish kabi imkoniyatlar kiradi. O’zbekistonda ham shu kabi raqamli tizimlar yaratish, bemorlarni ro’yxatdan o’tkazish va ularning tarixini raqamli tarzda saqlash imkoniyatlarini joriy etish rejalashtirilgan.

O’zbekistonda tibbiyotni raqamlashtirish jarayonida Turkiyaning bu muvaffaqiyatli tajribasini qo’llash, sog’liqni saqlash tizimini yangi bosqichga olib chiqishi va aholi salomatligini yaxshilashda katta ahamiyatga ega bo’ladi.

🌐Telegram | 🌐Instagram 📺You Tube |📱Facebook 🐦Twitter 📱linkedin