Insaf.Aliev Blog

Bir narsaga har doim hayron bo’lganman. Inson ma’lum darajada muvaffaqiyatga erishgandan so’ng atrofidagi insonlarni tozalashni boshlaydi.

Oyiga 1000$ topsa “Endi faqat oyiga 2000$ topadigan insonlar bilan muloqot qilishim kerak” deb kam pul topadigan do’stlaridan uzoqroq yuradi.

Fikrimcha bu unchalik to’g’ri emas. To’g’ri, tadqiqotlar sizni atrofingizda sizdan ko’proq pul topadigan insonlar bo’lishi, sizni daromadingizni o’sishiga ta’sir qilishini ko’rsatadi.

Lekin shu bilan birga boshqa tadqiqotlar atrofingizda hamma sizdan yaxshi natijaga erishishi sizni hech qachon baxtli qilmasligini ham ko’rsatadi.

Eng yaqin do’stlaringiz oyiga 600$ topgan bir vaqtda, sizni 300$ oylik baxtliroq qilishi juda ham qiyin.

Atrofingizda sizdan daromadi kamroq insonlarni bo’lishi “Oyog’ingiz yerdan uzulmasligiga” yordam beradi.

Ko’p pul topishim kerak deb o’zingizni “Boylar” ichiga urushingiz esa, baxt tushunchasini sizdan olib qo’yadi)

Yaqin 3 yilda qanday holatda bo’lishingizni katta ehtimol bilan hozir sizda mavjud bo’lgan savollar belgilab beradi.

Sababi savollar ilm olish vaqtida yuzaga keladi. Savollar qancha ko’p bo’lsa, bilim ham shuncha ko’p bo’ladi.

Hozir sizda umuman savol bo’lmasa, yaqin 3 yilda hayotingizda deyarli hech narsa o’zgarmasligi mumkin.

Savollarni ko’paytiring…

Ustozdan ilhomlanib

Bu maqolani o’qiganingizdan so’ng boshqalar kabi fikrlashni to’xtatasiz!

- Boshqacha fikrlash nega kerak?
- Boshqalar kabi fikrlamaslik uchun nima qilish kerak?
- Shaxsiy fikr qanday paydo bo’ladi?

Batafsil maqolada o’qishingiz mumkin 👇

https://telegra.ph/Bunday-bolmasa-chi-yoxud-fikrlashni-ozgartirish-haqida-04-13

Blog yozishning “Oltin qoidasi”

Telegram kanal ochib, o’z fikrlarini yozib boradiganlar uchun maxsus maslahat. Maqolani o’qing 👇

https://telegra.ph/Blog-yozishning-OLTIN-qoidasi-04-10

Ba'zan kitob o'qimaslik, kitob o'qishdan foydaliroq. Nega? Bunga asosiy sabab…

https://telegra.ph/Kitob-oqish-Illuziyasi-03-31

Maqolani o’qing 👆

Inson necha soat uxlashi kerak? Umuman uxlamasa nima bo’ladi?

Uyqu haqida bilganlarimni maqola qilib yozishga harakat qildim. Foydali bo’ladi deb umid qilaman, o’qib ko’ring 👇

https://telegra.ph/Qancha-vaqt-uxlash-kerak-Inson-umuman-uxlamasa-nima-boladi-02-20

P.s va videoni uyg’otmasa asrgacha uxlaydigan tanishingizga yuborib qo’ying))

Vaqtni boshqarish mumkinmi? Hayot siz kutgan tomonga o’zgarishi uchun vaqtni taqsimlashning o’zi yetarlimi? Shu savollarga batafsil javobni quyidagi maqolada olishingiz mumkin 👇

Maqolani o’qish

XXI asrda yashayotgan har bir insonga murojaat. Juda muhim mavzuda maqola yozishga qaror qildim. Maqolani o’qish uchun pastdagi yozuv ustiga bosing 👇

Maqolani o’qish

Agar yaqin 2-3 yilda ma’lumotlarni filtrlash ko’nikmasini inson o’zida immunitet sifatida shakllantirmasa, shunchaki o’zidan keyingi avlodlarni oyog’iga bolta urib qo’yadi.

Atrof to’la propaganda. Ijtimoiy tarmoqlarni faqat o’zini haq deb o’ylaydigan va vaziyatni bitta tomoninigina ko’rsatadigan, o’z fikrlari orasida o’zi adashib qoladigan blogerlar egallab olgan.

Keyingi maqola aynan shu haqida bo’lsa kerak katta ehtimol bilan.

Boshqalardan xafa bo’lmaslik uchun nima qilish kerak? Ustozim mani hayron qoldirganlari haqida

Foydali bo’ladi deb o’ylayman, o’qib ko’rib, o’z fikringizni izohlarda yozib qo’ysangiz xursand bo’laman 👇

https://telegra.ph/Qanday-qilib-umuman-xafa-bolmaslik-mumkin-01-31

Ko’p xotinlik yomon(mi?) yoxud Propaganda qanday ishlaydi?

Birinchi maqolamni shu mavzuda yozishga qaror qildim. Foydali bo’ladi degan umiddaman

Maqolani o’qish

Kichik va hech kimga deyarli foyda bermaydigan maqolalar yozishdan zerikdim to’g’risi. Endi uzun va bitta mavzu juda keng yoritib berilgan, o’qigan odam o’ziga yaxshi ilm olishi mumkin bo’lgan maqolalar yozishga qaror qildim. Hozircha 1 haftada 1 ta reja qilganman. Kanalga ham joylab boraman nasb bo’lsa.

Mustaqil biror narsani bepul o’rganmoqchi bo’lsang “How to…” so’zini to’g’ri ishlatishni o’rgan

Bu so’zni to’g’ri ishlata olgan odam YouTube va Google’da har qanday sohani boshlang’ich darajada o’rgana oladi

#eslatma

Anomal sovuqqa qanday tayyorgarlik ko’rish kerak?

Kitob xarid qilish. Katta ehtimol bilan uyda bo’lasiz. 2-3 ta kitobni o’qib tugatib tashlash uchun ayni zo’r sharoit. Kitob o’qishni boshlay olmayapgan insonlar uchun ham ayni muddao. O’zim 2 ta yangi kitob oldim. Siz ham kitob sotib oling.

Har bir kuningizni reja qiling. Miya bajarishdan ko’ra, o’ylashga ko’proq energiya sarflaydi. Shunday ekan, har bir kunni avvaldan rejalashtirib qo’ysangiz qisqa ta’til siz uchun manfaatli bo’lish ehtimoli yuqori.

Online kurs xarid qilish. Agar 1 hafta uyda bo’lsak, biror yangi ilm yoki kasb o’rganish uchun vaqtimiz bemalol bo’ladi. Anchadan beri rejalashtirib qo’ygan online kursingizni xarid qiling yoki bepul dars linklarini internetdan topib qo’ying.

Ibodatni boshlash. Boshlay olmayapkanlar, nimanidir kutayotganlar bor bilaman. Uyda bo’lish sizga o’ylash uchun yetarlicha ko’p vaqt beradi. Bu vaqtdan ko’proq foydalaning. Boshlamagan bo’lsangiz boshlang. Boshlagan bo’lsangiz ko’paytiring.

Ota-ona bilan gaplashish uchun mavzular tayyorlab qo’ying. Shaxsan o’zim ham bugun shu narsani harakatini qilaman. Har kuni ota-ona bilan biror mavzuda gaplashish farzand va ota-ona munosabatlarini sezilarli darajada yaxshilaydi deb o’ylayman.

P.s Kartoshka, Piyoz, Sabzini qop-qop qilib g’amlab qo’yish shart emas. Nasb qilgan bo’lsa ular sizda bo’lmasa ham qorningiz to’yadi. Nasb bo’lmasa qop-qop tomoqdan o’tmay qoladi. O’zingizni ehtiyot qiling.

@Insaf_Aliev_Blog

Nega (uyat bo’lsa ham yozaman) hojatxona va dushda insonga zo’r-zo’r idealar keladi?

Rad etib bo’lmaydigan haqiqat. Lekin qiziq tomoni shundaki, sizga idea kelishiga qayerda ekaningizdan ko’ra, holatingiz ko’proq ta’sir qiladi.

Hojatxona va dushda inson yolg’iz bo’ladi. Zo’r-zo’r idealar kelishi uchun o’zi bilan o’zi qolish ayni muddao.

Undan tashqari u yerlarda siz fokusda bo’lasiz (to’g’ri ma’noda faqat). Idea kelish uchun ham siz aynan bir narsaga fokus qaratgan bo’lishingiz muhim.

U yerda o’zingiz bilan o’zingiz bo’ldingiz degani, o’zingizga hayolan savol bera olasiz degani. O’zingizga savol berish, avvalo o’zingiz nimani xohlayotganingizni anglashga yordam beradi va bu ham idea bosqichida juda muhim.

Aslida yaxshi-yaxshi g’oyalar namoz vaqtida ham kelishi sir emas. Buni ham yozmoqchi edim, lekin bu faxrlanadigan narsa deb o’ylamayman. Balki ko’proq namozda hushu yo’qligini anglatsa kerak.

Umuman olganda idea kelishi uchun aynan Hojatxona yoki dush bo’lishi shart emas. Balki odam o’zi bilan o’zi bo’lishi, fikrlarni jamlashi va bitta narsaga fokus qaratishi muhim.

@Insaf_Aliev_LiFe

Subyektiv yangi ko’rsatuvni zo’r chiqaribdi. Haqiqatdan ham jamiyatdagi og’riq. Lekin bu ko’rsatuv o’z ta’sirini 20-25 yillardan keyin ko’rsatadi deb o’ylayman. Juda uzoqqa tashlangan qarmoq bo’ldi.

Hozirgi yosh avlod katta ehtimol bilan ota-onasini fikriga ta’sir qila olmaydi. Ota-ona orzu havas bilan qilaman desa farzand uni o’zgartirishi qiyin. Chunki ota-ona nazdida farzandi 22 ga kirib ham hech narsani qoyillatmagan.

“Yaqindagina burnini oqizib yurgandi, endi katta bo’lib qolibdimi?” deb o’z bilganidan qolmaydi. Lekin o’sha 22 ga kirgan farzand bu ko’rsatuvdan keyin o’z farzandlari uchun to’yni kam xarj qilish ehtimoli yuqori.

Barakalla akalar, Ummat dardida yonib kuyayotgan insonlardan Alloh rozi bo’lsin

@Insaf_Aliev_Blog

Oxiri yozishga qaror qilgan va o’ta subyektiv fikrimga asoslangan mavzu:

- Shuncha xarajat qilib dasturxon yasatganda ko’ra yetimni qornini to’yg’izsa bo’lardi…
- Salyut o’rnida nochorlarni haqqi osmonda portlamoqda

Akalar, opalar osmonda yoki sizning dasturxoningizda yetimni haqqi yo’q. U sizning haqqingiz. Agar yetimniki bo’lganida sizning emas, uning dasturxonida bo’lardi.

Bitta pozitsiyada turib qarash umuman xato. Miya fikrlash uchun, ma’lumotlarni tahlil qilish uchun berilgan. Miyani shu funksiyasidan bir marta bo’lsa ham foydalanishga harakat qilib ko’ring.

- Stol yasatish kerak emas. Nega? O’sha stol atrofida butun oila jam bo’ladi, samimiy suhbat va munosabatlarni qayta tiklashga imkon bo’lganida nega bu imkondan foydalanmaslik kerak?

Niyatni to’g’rilab oling bo’ldi. Niyatingiz oilaviy o’tirish ular bilan taom ustida miriqib suhbatlashish bo’lsin. Amalingiz niyatlarga bog’liq bo’ladi.

- 8-martni bayram qilmaslik kerak. Qo’shilaman. Lekin shu sana Onamni xursand qilish uchun bir sabab bo’lsa buni qo’ldan bermayman.

- Tug’ilgan kunni nishonlamaslik kerak. 3 yildan beri o’zim ham nishonlamayman. Lekin yaqinlarim tug’ilgan kunida ularga sovg’alar beraman. Ularni xursand qilishga sabab bo’lganda nega bu sababdan foydalanmasligim kerak?

Bu sanalar bo’lmasa onalar gulsiz, shirin so’zsiz qolardi. Tan oling. Shu sanalar sabab ularni xursand qilishga imkon bo’lsa bundan albatta foydalanam. Niyatimni to’g’rilayman va ularni xursand qilishga urinaman.

Hamma vaziyatlarga ham o’zingizni pozitsiyangizda qaramasdan, boshqa pozitsiyada qarashga urinib ko’ring. Zero, fikrlash va fikr yuritish sizga faqat foyda beradi.

P.s Fikrim o’ta subyektiv. Qo’shilmasligingiz mumkin va tabiiy. O’zingiz to’g’ri deb bilgan yo’lingizni qilavering. Rahmat

@Insaf_Aliev_Blog