O‘zbekiston Respublikasi Transport prokuraturasi hamda "O‘zbekiston temir yo‘llari" AJ hamkorligida "Toshkent MTU" filiali tasarrufidagi Toshkent–Salar stansiyalari oralig‘idagi temir yo‘l bo‘ylab ushbu loyiha doirasida ko‘chat ekish ishlari amalga oshirildi.

Unda Respublika Transport prokurori I. Narimov, Jamiyat boshqaruvi raisi Z. Narzullayev, O‘zbekiston temiryo‘lchilari va transport quruvchilari kasaba uyushmasi Respublika Kengashi raisi K. Sabirov boshchiligida 200 nafar temiryo‘lchilar va prokuratura xodimlari ishtirok etdi.

Tadbirda so‘zga chiqqanlar, "Yashil makon" umummilliy loyihasi doirasida qilinayotgan ezgu ishlarda, Transport prokuraturasi hamda O‘zbekiston temir yo‘llari jamoasi faol qatnashayotganini e’tirof etishdi.

Sohadagi xodimlar tomonidan 1 mln tup daraxt ko‘chati ekish belgilangan bo‘lib, hozirga qadar 400 mingga yaqin ko‘chat ekilgani ta’kidlandi.

Bugun hamkorlikda 1500 metr temir yo‘l yoqasiga manzarali daraxt ko‘chatlari ekildi.


🌐railwayinfra.uz ❤️‍🔥Telegram  ❤️‍🔥Facebook ❤️‍🔥Instagram