Ҳозиргина муҳтарам Президентимиз Шавкат Мирзиёевнинг шахмат бўйича чемпионларимизга йўллаган табрикларида: “Сизлар каби азму шижоатли, ватанпарвар ёшлар энг катта бойлигимиз, миллатимизнинг “олтин фонди”, десам, ўйлайманки, бутун халқимизнинг фикрини ифода этган бўламан” - дея бежизга таькидламадилар.
Жорий йилда математика бўйича бўлиб ўтган халқаро олимпиадада олтин ва кумуш медалларни қўлга киритган ёш математикларимизни, таэквондо бўйича Осиё чемпионлари бўлган талабаларимизни фахр билан эътироф этамиз. Уларнинг бу ютуқларида устозларининг ўрни беқиёс. ЎзМУ илмда, изланишда, янгиликлар яратишда альмаматер бўлиб келган. Бундан кейин ҳам ёшларимиз юрт байроғини шараф билан баланд кўтарадилар.
Яна бир хушхабар келди.
29-Халқаро Математика мусобақаси (IMC) умумий натижаларини эълон қилди. Унда ҳам ЎзМУ талабалари олтин, кумуш ва бронза медалларини қўлга киритишгани эътироф этилган. Ёшларимизни жаҳон ареналаридаги бундай кетма-кет қўлга киритаётган ютуқлари сўнгги йилларда ёшларга берилаётган эътибор ва имкониятларнинг мевасидир. Талаба-ёшларимизнинг бу улкан ғалабалари Ватанимиз мустақиллигининг 31 йиллик шонли байрамига муносиб совға бўлди.
Фурсатдан фойдаланиб, Ўзбекистон Миллий университети жамоасини шогирдларнинг юксак марралар билан табриклаймиз.

Ўзбекистон Миллий университети ректори проф. Ином Маджидов