Ijtimoiy himoya milliy agentligi

“Xalqaro nogironlar kuni” munosabati bilan inklyuziv jamiyatni qo‘llab-quvvatlashga qaratilgan tadbir bo‘lib o‘tdi

Bugun, 3-dekabr kuni Toshkent shahridagi “Tashkent City Mall” savdo markazida Ijtimoiy himoya milliy agentligi, O‘zbekiston Respublikasi Paralimpiya qo‘mitasi va Matonat maktabi bilan hamkorlikda " Xalqaro nogironlar kuni"ga bag‘ishlangan tadbir o‘tkazildi.

Tadbirda O‘zbekiston Respublikasi Qonunchilik Palatasi deputati Jasur Jumayev nutq so‘zlab, ushbu kunning ahamiyatiga alohida urg‘u berdi.

Biz bugun bir narsani ochiq aytishimiz kerak: imkoniyatlarni kutib o‘tirmaymiz, biz ularni o‘zimiz yaratamiz. Nogironligi bo‘lgan insonlar o‘z fikrini aytishi, o‘z ehtiyojlarini ifoda etishi va jamiyatda to‘laqonli ishtirok etishi uchun barcha sharoit mavjud. Ammo bu sharoitlardan to‘liq foydalanish uchun biz yanada faolroq bo‘lishimiz, o‘z huquqlarimiz va imkoniyatlarimizni amalga oshirishda qat’iyatli bo‘lishimiz zarur.

Tadbir doirasida hunarmandlik mahsulotlari va muvaffaqiyatli yoshlar hamda parasportchilarning foto ko‘rgazmasi o‘tkazildi. Shuningdek, bolalar uchun mahorat darslari va interaktiv o‘yinlar tashkil etildi.

Shuningdek, tadbirda Parij-2024 Paralimpiya chempioni, Agentlikning Nogironligi bo‘lgan shaxslar huquqlarini himoya qilish bo‘yicha maxsus vakili Asila Mirzayorova ham nutq so‘zlab, O‘zbekistonda nogironligi bo‘lgan shaxslarga yaratilayotgan imkoniyatlar haqida fikr yuritdi.

“Parij-2024 Paralimpiya o‘yinlaridagi muvaffaqiyatim – nafaqat shaxsiy g‘alaba, balki imkoniyatlar cheksiz ekanining yorqin namunasidir. Bu natijaga O‘zbekistonda yaratilgan sharoitlar va imkoniyatlar tufayli erishdim. Prezidentimiz va hukumatimiz nogironligi bo‘lgan shaxslarning hayot sifatini oshirish va ularni jamiyatning faol a’zolariga aylantirishga qaratilgan ko‘plab islohotlarni amalga oshirmoqda.

Tadbir ko‘ngilochar chiqishlar, madaniyat va san'at vakillari ishtirokida ko'tarinki ruhda yakunlandi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

"Inson" ijtimoiy xizmatlar markazlari psixologlari qanday xizmatlar ko‘rsatadi?

☺️ "Inson" markazlari psixologlari insonlarga stress va depressiya holatlaridan chiqishda ko‘maklashadi, salbiy his-tuyg‘ularni ijobiy holatga o‘zgartirishga yordam beradi.

🏃 Shuningdek, ichki resurslarini aniqlab, o‘ziga bo‘lgan ishonchni mustahkamlash, shaxsiy rivojlanishni qo‘llab-quvvatlash va iroda ko‘nikmalarini shakllantirishda yordam beradi.

🇺🇿 Bugungi kunda psixologlar tomonidan Respublika bo'ylab 32 723 nafar ijtimoiy himoyaga muhtoj aholiga xizmat ko'rsatildi.

👍Psixologik yordam olish uchun tumaningizdagi "Inson" ijtimoiy xizmatlar markaziga yoki ijtimoiy xodimga murojaat qilishingiz mumkin. Sizning murojaatingiz maxfiyligi ta’minlanadi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

🌎 3-dekabr – Xalqaro Nogironlar kuni

❗️ Bugungi kunda dunyo miqyosida bir milliarddan ortiq nogironligi bo‘lgan insonlar yashaydi. Ularning aksariyati ta’lim olish, ishga joylashish, sog‘liqni saqlash xizmatlaridan foydalanishda qiyinchiliklarga duch kelmoqda.

🦽 Xalqaro Nogironlar kuni - bu bayram emas, balki jamiyatni inklyuziv qilish, har bir insonni teng huquq va imkoniyatlar bilan ta’minlash yo‘lida global chaqiriq kunidir.

💚 Bu kun – nogironligi bo‘lgan insonlarning hayoti, muammolari va imkoniyatlariga jiddiy e’tibor qaratish, ularga bo‘lgan ijtimoiy munosabatni qayta ko‘rib chiqish uchun muhim bir imkoniyatdir.

🇺🇿 O‘zbekiston ijtimoiy himoya sohasida amalga oshirilayotgan islohotlar orqali nogironligi bo‘lgan insonlarning huquqlarini himoya qilish va ularni jamiyat hayotiga jalb etishda muhim qadamlar tashlamoqda.

🤝 Inklyuziv jamiyat qurishda har birimiz mas’ulmiz. Ushbu kunni nogironligi bo‘lgan insonlar uchun teng imkoniyatlar yaratish yo‘lidagi harakatlarimizga turtki sifatida qabul qilaylik.

Zero, harakat – o‘zgarishning boshlanishidir!

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#cooperation

🇺🇿🇨🇳O‘zbekiston va Xitoy: Ijtimoiy himoya sohasida hamkorlik istiqbollari

Joriy yilning yozida Xitoy Xalq Respublikasiga amalga oshirilgan tashrif O‘zbekiston va XXR o‘rtasida ijtimoiy sohadagi hamkorlikni rivojlantirish uchun mustahkam asos yaratdi. Ushbu kelishuvlarning mantiqiy davomi sifatida bugun, 2-dekabr kuni Ijtimoiy himoya milliy agentligida Xitoy nogironlar federatsiyasi raisi o‘rinbosari Yu Lyan boshchiligidagi delegatsiya bilan uchrashuv o‘tkazildi.

Uchrashuv davomida Federatsiya vakillari nogironligi bo‘lgan shaxslarning huquqlarini himoya qilish bo‘yicha qonunchilik asoslari va davlat tizimini batafsil tushuntirib berdi. Shuningdek, bandlikni ta’minlash, parasportni rivojlantirish va nogironligi bo‘lgan shaxslarga qulay muhit yaratishga oid samarali dasturlar ham taqdim etdi.

Agentlik rahbariyati Xitoy tajribasini o‘rganishga alohida qiziqish bildirib, ijtimoiy himoya tizimi bo‘yicha bir qator takliflarni ilgari surdi.

Uchrashuv natijasida tomonlar ijtimoiy himoya, reabilitatsiya, parasport va qonunchilik sohalarida kelgusidagi hamkorlikni yo‘lga qo‘yishga kelishib olishdi.

Xitoy tajribasini O‘zbekiston sharoitiga moslashtirgan holda, bu yo‘nalishlarda aniq yo‘l xaritasi ishlab chiqilishi, bunda nogironligi bo‘lgan shaxslarni ijtimoiy integratsiya qilish, ularning bandligini ta’minlash va huquqlarini himoya qilishga oid loyihalar alohida ahamiyat kasb etishi ta’kidlandi.

____

🇺🇿🇨🇳Узбекистан и Китай: перспективы сотрудничества в сфере социальной защиты

Летний визит делегации Национального агентства социальной защиты в Китай заложил прочный фундамент для развития партнерских отношений в социальной сфере. В продолжение достигнутых договоренностей, сегодня, 2 декабря, в Национальном агентстве социальной защиты состоялась встреча с делегацией во главе с заместителем председателя Китайской федерации инвалидов Ю Ляном.

В ходе встречи представители Федерации подробно разъяснили законодательные основы и государственную систему защиты прав лиц с инвалидностью. Также были представлены эффективные программы по обеспечению занятости, развитию параспорта и созданию благоприятной среды для лиц с инвалидностью.

Руководство агентства проявило особый интерес к изучению китайского опыта и выдвинуло ряд предложений по системе социальной защиты.

По итогам встречи стороны договорились о дальнейшем сотрудничестве в сферах социальной защиты, реабилитации, параспорта и законодательства.

Было подчеркнуто, что будет разработана конкретная дорожная карта в этих направлениях с адаптацией китайского опыта к условиям Узбекистана, при этом особое значение приобретут проекты по социальной интеграции лиц с инвалидностью, обеспечению их занятости и защите их прав.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

🧠1-dekabrdan boshlab ijtimoiy sohada qanday o'zgarishlar bo'ladi?

💵 Ijtimoiy to‘lovlar – «Ijtimoiy karta» orqali amalga oshiriladi

Yangi tayinlanadigan ijtimoiy to‘lovlar, xizmatlar va imtiyozlar, shu jumladan protez-ortopedik buyumlar va reabilitatsiya texnik vositalarini xarid qilish «Ijtimoiy karta» axborot tizimidan foydalangan holda ijtimoiy karta orqali amalga oshiriladi.

🦽 Nogironligi bo‘lgan shaxslar uchun sport bilan bepul shug‘ullanish tizimi yo'lga qo'yiladi

2024-yil 15-dekabrdan boshlab sport bilan shug‘ullanishni istagan nogironligi bo‘lgan shaxslarning murojaatiga ko‘ra, «Inson» ijtimoiy xizmatlar markazlari tomonidan davlat mulkida bo‘lgan jismoniy tarbiya-sog‘lomlashtirish va sport inshootlarida bepul sport bilan shug‘ullanish uchun yo‘llanma berilishi belgilandi.

👨‍🦯 Ko‘chalar nogironligi bo‘lgan shaxslar uchun moslashtiriladi

Ko‘chalar (ro‘yxat bo‘yicha) shaharsozlik normalari va qoidalari talablaridan kelib chiqib, nogironligi bo‘lgan shaxslarning to‘siqsiz harakatlanishiga moslashtiriladi.

🖋 Kambag‘al oilalar reyestri shakllantiriladi

«Mahalla yettiligi» tomonidan kambag‘al oilalarning ijtimoiy sharoiti va kambag‘allikka tushish sabablarini o‘rganish natijasida Ijtimoiy himoya milliy agentligi tomonidan Kambag‘al oilalar reyestri shakllantiriladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz