Бухоро. Ёзувчилар уюшмаси

@ijod_bustoni

Гео и язык канала: Узбекистан, Узбекский

Категория: не указана

Похожие каналы

Гео и язык канала

Узбекистан, Узбекский

Категория

не указана

Статистика

Избранное

Фильтр публикаций

Скрывать удаленные

Скрывать репосты

Бухоро. Ёзувчилар уюшмаси

28 Jan, 20:21

Intizor — Bahrom Nazarov

04:10

Келгил, эй оромижон, олди қарорим интизор,
Йўлим узра туфроқ этди жисму зорим интизор...

Баҳром Назаров ижросида

Уланиш учун: https://t.me/ijod_bustoni

69 0 3

* Сиз соғинган сатрлар

ОЛДИ ҚАРОРИМ ИНТИЗОР...

Келгил, эй оромижон, олди қарорим интизор,
Йўлим узра туфроғ этди жисми зорим интизор.

Тун-кун афғонлар чекиб, эл ичра расво бўлмишам,
Қўймамиш ишқинг аро номусу орим интизор.

Интизоринг торта-торта, бўлмишам зору заиф,
Оҳким, охир менинг кетди мадорим, интизор.

Неча алвон ваъда бирла то манга бердинг фириб,
Тийр аро оҳи дил этдинг, рўзғорим интизор.

Огаҳийни илтифотингдин агар шод этмасанг,
Бегумон ўлтургай они, эй нигорим, интизор.

ОГАҲИЙ

Уланиш учун: https://t.me/ijod_bustoni

69 0 1

Бухоро. Ёзувчилар уюшмаси

28 Jan, 20:21

Mushkuldur yangi+ — Zamira Suyunova

05:18

Агарчи сенсизин сабр айламак, эй ёр, мушкулдур,
Сенинг бирла чиқишмоғлик доғи бисёр мушкулдур...

🎤 Замира Суюнова

Уланиш учун: https://t.me/ijod_bustoni

62 0 2

Бухоро. Ёзувчилар уюшмаси

28 Jan, 20:21

* Сиз соғинган сатрлар

***
Агарчи сенсизин сабр айламак, эй ёр, мушкулдур,
Сенинг бирла чиқишмоғлиқ доғи бисёр мушкулдур.

Мизожинг нозику сен — тунду, мен — бир беадаб телба,
Санга ҳолимни қилмоқ, эй пари, изҳор мушкулдур.

Не осиғ нолаю фарёд хоболуд бахтимдин,
Бу унлар бирла чун қилмоқ ани бедор мушкулдур.

Манга осондурур бўлса агар юз минг туман душман,
Вале бўлмоқ жаҳонда, эй кўнгул, беёр мушкулдур.

Висолинким тиларсен, нозини хуш тортғил, Бобур —
Ки, олам боғида топмоқ гули бехор мушкулдур.

Заҳириддин Муҳаммад Бобур

Уланиш учун: https://t.me/ijod_bustoni

62 0 2

Бухоро. Ёзувчилар уюшмаси

28 Jan, 20:20

Mubtalo Bo'ldim Sango (2017) (UzHits.Net) — Ulug'bek Rahmatullayev

04:23

https://t.me/ijod_bustoni

54 0 2

Бухоро. Ёзувчилар уюшмаси

28 Jan, 20:20

* Марварид

МУБТАЛО БЎЛДИМ САНГО

Кўргали ҳуснунгни зору мубтало бўлдум санго,
Не балолиғ кун эдиким, ошно бўлдум санго.

Ҳар неча дедимки кун-кундин узай сендин кўнгул,
Ваҳки, кун-кундин батаррак мубтало бўлдум санго.

Мен қачон дедим: "Вафо қилғил манга", зулм айладинг,
Сен қачон дединг: "Фидо бўлғил манга", бўлдим санго.

Қай пари пайкарга дерсен телба бўлдунг бу сифат,
Эй пари пайкар, не қилсанг қил манга, бўлдум санго.

Эй кўнгул, тарки насиҳат айладинг овора бўл,
Юз бало етмаски, мен ҳам бир бало бўлдум санго.

Жоми Жам бирла Хизр суйи насибимдур мудом,
Соқиё, то тарки жоҳ айлаб гадо бўлдум санго.

Ғусса чангидин навое топмадим ушшоқ аро,
То Навоийдек асиру бенаво бўлдум санго.
Уланиш учун: https://t.me/ijod_bustoni

59 0 1

Бухоро. Ёзувчилар уюшмаси

28 Jan, 19:29

* * *
Азалдан то абад кўнглум қутулмас ишқ балосидин,
Юроким раҳналар бўлди бу ишқнинг можаросидин.

Хаёлимда сенинг васлинг, тополмасман мани ҳайрон,
Магар васлингга етсам пири комилнинг дуосидин.

Эшит арзимни, эй дилбар, юрак-бағрим кабоб ўлди,
Рақиблар шодмон бўлди нигоримнинг жафосидин.

Санам, сенсиз бу дунёда тириклик қилмоғим мушкул,
Кел, эй кўнгул, кечоли бу тирикликнинг бақосидин.

Санам, ишқинг ўти охир мени бехонумон этти,
Куярман дам-бадам тинмай бу дарди бедавосидин.

Хароб ўлди менинг кўнглум, кишим йўқтурки, роз айтсам,
Сўнгоклар раҳналар бўлди дилимнинг оҳи босидин.

Сени ишқинг била йиғлаб, агар маҳшарда оҳ урсам,
Куярлар мўмину кофир бу Машрабнинг навосидин.

Бобораҳим МАШРАБ

Уланиш учун: https://t.me/ijod_bustoni

117 0 5

Бухоро. Ёзувчилар уюшмаси

28 Jan, 19:10

БУ КЕЧА...
1
Ўзингга сиғмайин турган чоғингда,
Кўзингга кўринар дунё жуда тор.
Қоврулиб хаёлан дил чироғингда,
Негадир чекасан ич-ичдан озор.

Қалбингнинг ноласин пайқамас, ахир,
Кечанинг кўзлари қоп-қора юмуқ.
Еру кўк зим-зиё, унга барибир,
Йилт этган мадад ҳам атрофингда йўқ.

Бу борлиқ талқонни оғзида ушлаб,
Танҳо қолганингни англамас ҳатто.
Қайсидир армонлар кўзингни ёшлаб,
Ашкини юракка этаверар жо...

Кундузни ухлатиб қоронғуликда,
Қувончу ғамларни яширдими тун?
Тонггача кўринмай у биргаликда,
Кеча-ла умрини ўтказар уйғун...

Қоп-қора соч каби сочилган кокил,
Борлиқни ёпганча топган хобини.
Эзилиб-ўртаниб ёлғизликда дил,
Кимга ҳам айтарди изтиробини...

Оҳ тортиб оҳингнинг қучоғида жим,
Эшикка тикилиб умидинг уйғоқ.
Негадир очмоққа бормайди қўлим,
Не қилай, тонг йўли ҳали кўп йироқ...

2
Танҳолик дардини кечириб бошдан,
Ортига қарамай кетгандир Ой ҳам.
Асрлар кўтарган метин бардошдан
Куч олиб ҳамроҳлик қилган чирой ҳам.

Юлдузлар сочилиб кўкда тураркан,
Тўкилиб кетгудек титроқда гўё.
Кимларни, билмадим, улар кутаркан,
Сирларин ошкор ҳам этмайди дунё.

Сукунат ҳозирча бунда ҳукмрон,
Мавҳ этган борлиқни оқшом уйқуси.
Қайдадир сарсондир йўл қараб ҳижрон,
Қайдадир ҳажрнинг ғаму қайғуси...

Қайдасан, овоз бер, дил истар малҳам,
Марҳамат сўрагин юз очса шафақ.
Сен менга кераксан, билсанг, жуда ҳам,
Аяма меҳрингни ва айла шафқат...

Ўткир РАҲМАТ

Уланиш учун: https://t.me/ijod_bustoni

103 0 0

Бухоро. Ёзувчилар уюшмаси

28 Jan, 17:36

13:10

Видео недоступно для предпросмотра

Смотреть в Telegram

"O‘zbekiston tarixi" telekanalida taniqli adib, olim va tarjimon, O‘zbekiston san’at arbobi, O‘zbekiston Qahramoni Ibrohim G‘ofurov tavalludining 88 yilligi munosabati bilan “Ibrohim G’ofurov – adib, munaqqid, tarjimon” mavzusida bo‘lib o‘tgan ilmiy-adabiy anjuman haqida ko‘rsaruv efirga uzatildi.

O‘zbekiston Yozuvchilar uyushmasi Axborot xizmati

Уланиш учун: https://t.me/ijod_bustoni

177 0 2

Бухоро. Ёзувчилар уюшмаси

28 Jan, 11:39

* * *
Бу кунларнинг нидосидан
Ой бўлмайин ҳилол йиғлар.
Бу куннинг минг хатосидан
Кун кўрмайин иқбол йиғлар.

Ўзимга сиғмайин ўзим,
На тополмай бирор тўзим,
Айтолмайин айтар сўзим,
Руҳимда бир малол йиғлар!

Қай бурчакда тумшайганча
Мени кутиб висол йиғлар.
Кундан-кунга ошар ғуссам,
Толиққан тўрт девол йиғлар!

Ўз уйимда ўзим зорман,
Пойингдаман, лекин қорман,
Ўз умримга ўзим дорман,
Кўнглимда бир савол йиғлар!

Йўлга чиқсам, соям йўқдир,
Тик боқмоққа қоям йўқдир,
Ночорликдан чорам йўқдир,
Бошим силаб шамол йиғлар!

Нима бордир қўлларимда,
Ортимга ҳеч чўзолмасман?
Ўзи туғиб, йўлларимда
Муштипар бир аёл йиғлар!

Бошдан учиб ақли-ҳушим,
Мендан қочган камол йиғлар.
Ўнгдан келмай сира тушим,
Мендан кечган хаёл йиғлар!

1989

Тилак ЖЎРА

Уланиш учун: https://t.me/ijod_bustoni

196 0 5

Бухоро. Ёзувчилар уюшмаси

28 Jan, 11:37

Диққат, челленж!

Муҳтарам устозларимиз, фарзандининг маънавий дунёсидан бохабар ота-оналаримиз, меҳрибон бобожон ва бувижонларимиз!

Ўзбекистон Ёзувчилар уюшмаси вилоят бўлими томонидан улуғ бобокалонларимиз ҳазрат Алишер Навоий ҳамда Заҳириддин Муҳаммад Бобур таваллуд саналари муносабати билан “Даҳоларимизга эҳтиром кўрсатамиз!” шиори остида челленж эълон қилинаётганлигини билдирамиз.
Челленжда иштирок этишни истаган азизларимиз икки буюк аждодимизга бағишланган шеърларини, улар ижодидан намуналар асосида тайёрланган аудио ҳамда видеолавҳаларни (99) 709-95-14 телеграм рақами орқали бизга юборишлари мумкин.

Тақдим этилган ишлар бўлим телеграм каналида эълон қилиб борилади.

Уланиш учун: https://t.me/ijod_bustoni

238 1 6

Бухоро. Ёзувчилар уюшмаси

28 Jan, 11:36

Diqqat, tanlov!

O‘ZBEKISTON YOZUVCHILAR UYUSHMASI,
IMOM BUXORIY XALQARO ILMIY-TADQIQOT MARKAZI,
O‘ZBEKISTON MUSULMONLARI IDORASI,
O‘ZBEKISTON RESPUBLIKASI VAZIRLAR MAHKAMASI HUZURIDAGI DIN ISHLARI BUYICHA QO‘MITA

Islom dinining ilm-maʼrifat, maʼnaviy poklik, axloqiy komillik, tinchlik-osoyishtalik, taraqqiyot va bunyodkorlikka chaqiruvchi g‘oyalarini xalqqa, ayniqsa, yoshlarga yetkazish maqsadida “Jaholatga qarshi maʼrifat” g‘oyasi asosida buyuk mutafakkir Imom Dorimiy va allomaning ilmiy merosi davomchilari haqida badiiy asarlar yaratish bo‘yicha tanlov eʼlon qiladi.
Tanlovda Yozuvchilar uyushmasi aʼzolari bilan bir qatorda barcha ijodkorlar ishtirok etishi mumkin.
Asarlar O‘zbekiston Yozuvchilar uyushmasiga taqdim etiladi.
Taqdim etiladigan asarlar (elektron varianti bilan) kompyuterda 1,5 interval, 14 shriftda ko‘chirilgan bo‘lishi zarur.
Belgilangan tartib bo‘yicha taqdim etilmagan asarlar ko‘rib chiqilmaydi.
Taqdim etilgan asarlar mualliflarga qaytarilmaydi.
Taniqli ijodkorlardan iborat hakamlar hayʼati tanlovga taqdim etilgan asarlarni o‘qib, baholab boradi. G‘olib deb topilgan asarlar Yozuvchilar uyushmasi muassisligidagi adabiy nashrlarda hamda kitob holida chop etiladi. Mualliflar tashkilotchilar tomonidan rag‘batlantiriladi.
Tanlovga ijodiy ishlar 2025-yilning 1-iyuniga qadar qabul qilinadi.
Murojaat uchun manzil: Toshkent shahri, Bunyodkor ko‘chasi, Adiblar xiyoboni, O‘zbekiston Yozuvchilar uyushmasi. Telefon: 71. 231-83-67.
Elektron manzil: badiiy_adabiyot@mail.ru

175 1 4

Бухоро. Ёзувчилар уюшмаси

28 Jan, 09:27

* Изҳор

ИЛИНЖ

Қароғинг сирингдан берар гувоҳлик,
Юрагим симирар чиройинг – бода.
Мендаги ошиқлик, сендаги кўҳлик,
Анқонинг уруғи каби – дунёда.

Дилафрўз ёдингдан топсам гар паноҳ,
Дилда дард унутар хасратлигини.
Сочларинг бўйига чайилса ногоҳ,
Ҳис этар бу дунё жаннатлигини.

Қалбимнинг қулфларин абадий очган
Сўзингда ҳайратим синиқлари бор.
Ризвондан чечаклар ифори кўчган
Чеҳрангдан нигоҳим ўмарар ашъор.

Дилимга ҳижронинг айтмоқда ўлан,
Кўнглингга етгайми ишқимнинг ҳиди?
Қайрилган қошларинг қиличи билан
Тинчимни кесгайдир васлинг умиди.

Қулоғим туш кўрар кулгинг жарангин,
Йўлимга танишдир мангу изларинг.
Армонлар ўчирса ҳаётим рангин,
Яшашга чорлайди соҳир кўзларинг.

Телбадай севишим сира этма ман,
Майли-да азобла, майли-да қарға.
Умидим ипларин узиб тамоман,
Васлингдан айлама мени бадарға.

Жасурбек ЭСАНОВ

Уланиш учун: https://t.me/ijod_bustoni

138 0 4

Бухоро. Ёзувчилар уюшмаси

28 Jan, 09:26

07:52

Видео недоступно для предпросмотра

Смотреть в Telegram

* Тилимиз фидойилари

Туркистон жадидчилик ҳаракатининг асосчиси, атоқли адиб ва жамоат арбоби, ношир ва педагог Маҳмудхўжа Беҳбудий ҳақида 10 та факт.

Уланиш учун: https://t.me/ijod_bustoni

131 0 5

Бухоро. Ёзувчилар уюшмаси

28 Jan, 09:26

* Лаҳза сурати

Анна АХМАТОВА

МУҲАББАТИНГ ЭТМАСМАН ТАЛАБ...

Муҳаббатинг этмасман талаб,
Хотиржамман – қўймасман шартлар.
Ё қизғанчиқ қизларга ўхшаб,
Қайлиғингга ёзмасман хатлар.

Маслаҳатим қабул қил аммо:
Шеърларимни эт унга сийлов.
Суратларим асрасин ҳатто –
Сахий бўлар, ахир, ҳар куёв.

Аҳмоқ қизлар курашар тинмай,
Бўлмоқ учун буткул ғолиб, шоҳ.
Чин дўстликни назарга илмай,
Унутиб илк лаҳзаларни, оҳ...

Бўлмаса гар бахтнинг қизиғи,
Йўлдошинг-ла кечгайсан довон.
Ва тингайдир қалбинг қўшиғи,
Нафрат унда қургайдир макон –

Келма менинг базмимга бу дам,
Кутмам интиқ, нигоҳим тўқдир.
Сенга қандай беролгум ёрдам?
Менда бахтинг давоси йўқдир!

1914

Рус тилидан Суҳроб ҲАМРОЕВ таржимаси

Уланиш учун: https://t.me/ijod_bustoni

145 0 4

Бухоро. Ёзувчилар уюшмаси

28 Jan, 09:26

* Кун ҳикмати

Бирлашса чумоли иттифоқ бўлиб,
Арслон терисини олажак шилиб.

Саъдий ШЕРОЗИЙ

Уланиш учун: https://t.me/ijod_bustoni

211 0 7

Бухоро. Ёзувчилар уюшмаси

27 Jan, 18:03

00:21

Видео недоступно для предпросмотра

Смотреть в Telegram

У дунё ҳам...

Уланиш учун: https://t.me/ijod_bustoni

206 0 7

Бухоро. Ёзувчилар уюшмаси

27 Jan, 17:31

* Дунё бу...

Кексалар уйқуга ётадилар, аммо ухлолмайдилар. Овқатланадилар, бироқ ҳазм қила олмайдилар. Куладилар, лекин хурсанд бўла олмайдилар. Табассумлари ортида кўз ёшларини яшираётган бўладилар.

Кексалар шундай инсонларки, улардан узоқ бўлишингиз, ёнларида тескарига қараб ўтиришингиз, ҳузурларида телефон билан овора бўлишингиз уларга азият беради.

Кексалар шундай инсонларки, уйнинг марказий кишиси, оиланинг файзи, дуогўйларидир. Агар уларнинг қадрини жойига қўя олмасангиз, дунё ва охиратда бахтсиз бўлишингиз мумкин.

Кексалар шундай инсонларки, уларнинг эҳтиёжлари таом, ичимлик, кийим-кечак, дори-дармонга бўлган эҳтиёждан кўра юксакроқдир. Бу ҳам бўлса меҳр, эътибордир.

Кексалар шундай инсонларки, улар Аллоҳга яқин зотлардир. Уларнинг дуолари қабул бўлишга яқиндир. Шундай экан, уларни борида ғанимат билайлик.

Кексалар шундай инсонларки, улар ота-оналарини йўқотган, кўплаб дўстларидан айрилган, қалблари жароҳатланган, кўнгиллари кўп маҳзунликни кўтариб юрган зотлардир. Кексалар шундай инсонларки, сизнинг аввал айтган гапларингизни шунчаки ёқтирмаган бўлсалар, ёшлари улғайгач ўша гапингиз уларнинг қалбларини жароҳатлаган. Ҳозир эса уларни пичоқсиз сўяди.

Кексалар шундай инсонларки, бугун уларда бўш вақт бор. Улар бу вақтларини оқиллар ва меҳрибонларнинг суҳбати билан тўлдиришни истайдилар.

Кексалар шундай инсонларки, сўзларини тинглайдиган, гапларини маъқуллайдиган, уларни ёнида ўзини бахтиёр ҳис қиладиган кишига эҳтиёж сезадилар.

Кексалар шундай инсонларки, ҳаёт паровозлари уларни лаззат бекатидан аллақачон олиб ўтган бўлиб, улар ҳаёт билан видолашиш бекати сари бораётган зотлардир.

Кексалар шундай инсонларки, улар оталар, оналар, боболар, бувилардир ва улардан бошқа кекса қариндошлардир. Уларнинг сезгилари кексайган, ҳис-туйғулари қуруқшаб бораётгандир.

Ҳой фарзандлар, ҳой набиралар, ота-боболаримиз, она ва момоларимизга бахтиёр ҳаётда яшашлари, порлоқ кечаларда ором олишлари, ҳаёт дафтарларини гўзал қиссалар билан якунлашлари учун қулай шароит қилиб берайлик. Акс ҳолда, уларни йўқотиб, афсус-надомат қилиб қолмайлик.

Ҳой фарзандлар, ҳой набиралар, ота-онангиз, бобо-бувингиз йўқотган нарсаларнинг ўрнини тўлдирувчи бўлинглар. Улар учун умрларининг куз фаслида сизлар баҳор бўлиб хизмат қилинглар. Уларнинг ёнларида самимий дўст бўлиб яшанглар.

Кексаларга саломлар бўлсин! Кексаларнинг кексалигига риоя қилиб хизмат қилаётганларга ҳам саломлар бўлсин!

Уйингиздаги кексалар бугун хонадонингизнинг файзи, дуогўйи бўлиб ўтирибдилар. Кўп ўтмай улар бу дунёни тарк этганларидан сўнг, сиз уларнинг мақомларига кўтариласиз. Шундай экан, бугун улар учун нима қиляпсиз, эртага ўриб олиш учун бугун қандай уруғ экяпсиз?

Аллоҳ таоло кексаларимизни паноҳида асрасин! Тоат-ибодатда бизларга ибрат ва намуна қилиб қўйсин.
Вафот этганларини эса раҳмат ва мағфиратига буркаб, жаннатлардан манзил-макон ато этсин!

Ёшларга эса катталарга ҳурмат, кичикларга иззат муносабатида бўлишимизни насиб айласин!

Уланиш учун: https://t.me/ijod_bustoni

1.4k 0 27

Бухоро. Ёзувчилар уюшмаси

27 Jan, 15:30

Алданма. Саробдир жимирлаб ётган,
Савдогар дунё бу, лойларга ботган.
Қора терга тушиб, лунжлари шишиб,
Яхшини ёмонга сотгани сотган.

Ҳалима Хубойбердиева
Уланиш учун: https://t.me/ijod_bustoni

297 0 6

Бухоро. Ёзувчилар уюшмаси

27 Jan, 13:58

03:26

Видео недоступно для предпросмотра

Смотреть в Telegram

* Изтироб

Ўзбекистон халқ шоири Омон Матжоннинг “Нега мен?” достонидан парча

Ўзбекистон халқ артисти Эркин Комилов ижросида

Уланиш учун: https://t.me/ijod_bustoni

237 0 6

Показано 20 последних публикаций.

970

подписчиков

Статистика канала

Язык сайта

Доход с телеграм-канала

Заработок с телеграм-канала

Деньги с телеграм-канала

Бухоро. Ёзувчилар уюшмаси

Гео и язык канала

Категория

970

Популярное в канале