IHMA Xorazm viloyati

#yoshlarga_hamrohlik

2024-yil 14-noyabrda O‘zbekiston Respublikasi Prezidentining “Bolalarni ijtimoiy himoya qilish tizimini yanada takomillashtirish chora-tadbirlari to‘g‘risida”gi Farmoni qabul qilingan edi.

🖋 Ushbu farmonga ko'ra, Ijtimoiy himoya milliy agentligining muqobil joylashtirish shakllari bo‘yicha joylashtirilgan (bundan farzandlikka olingan bolalar mustasno) 14 yoshdan 23 yoshgacha bo‘lgan yetim va ota-ona qaramog‘idan mahrum bo‘lgan yoshlar uchun “Yoshlarga hamrohlik” dasturini amalga oshirish belgilangan.

☺️ Bunda “Yoshlarga hamrohlik” dasturi doirasida “Inson” markazlari tomonidan:

➖ yetim va ota-ona qaramog‘idan mahrum bo‘lgan yoshlarga ijtimoiy xodim biriktiriladi;

➖ davlat organlari va tashkilotlari tomonidan ijro etilishi majburiy bo‘lgan individual integratsiya rejasi tasdiqlanadi va ijrosi monitoring qilib boriladi;

➖ oliy ta’lim muassasalarini tamomlagan yetim va ota-ona qaramog‘idan mahrum bo‘lgan yoshlar davlat fuqarolik xizmatiga tanlovsiz qabul qilinadi;

➖ 2025-yil 1-yanvardan boshlab yetim va ota-ona qaramog‘idan mahrum bo‘lgan yoshlarga Ijtimoiy himoya davlat jamg‘armasi mablag‘lari hisobidan ta’lim olish, bandligini ta’minlash, davolanish hamda uy-joy sharoitlarini yaxshilash uchun ijtimoiy yordam ko‘rsatiladi.

Joriy yilning 30-yanvar kuni ijtimoiy tarmoqlarda “Gurlan tumani Inson markazi direktoriga gap bor”mazmunida bildirilgan murojaatga javoban, Ijtimoiy himoya milliy agentligining Xorazm viloyati boshqarmasi quyidagilarni ma'lum qiladi.

Haqiqatdan ham murojaatda ismi keltirilgan fuqaro Y.J Gurlan tumani "Nurli yo'l" mahallasida doimiy ro'yxatda turadi. Hozirda "Navbahor" mahallasida vaqtincha tanishining uyida yashab kelmoqda. 2017-yilda turmush o'rtog'i bilan ajrashgan (2 nafar farzandi bilan). Sobiq turmush o'rtog'i 2024-yilning iyun oyidan beri farzandlari uchun aliment to'lamasdan kelgan. Bu yuzasidan hozirgi kunda Majburiy ijro byurosi Gurlan tumani bo'limi ish olib borayotganini ma'lum qilamiz.

Fuqaro Y.J ga "Inson" ijtimoiy xizmatlar markazi tomonidan 2024-yilning oktabr oyidan beri 3 nafar farzandi uchun bolalar nafaqasi berib kelinmoqda. Hozirda o'zi 4 oylik bola parvarishida.

Shuningdek fuqaro asosiy masala sifatida tumandagi tomorqa xizmati bilan shug’ullanuvchi mas’uliyati cheklangan jamiyatda ma'lum muddat ishlagani va oxirgi bir nechta oy uchun maoshlarini olmagani yuzasidan Gurlan tumani prokuraturasiga murojaat qilgan.

Fuqaro Y.J bilan Ijtimoiy himoya milliy agentligining Xorazm viloyati boshqarmasi mas'ullari bog'landi. Yuqorida keltirilgan ma'lumotlar ushbu suhbatga asosan ham tasdiqlanganini ma'lum qilamiz.

💻 instagram 🎞 youtube
📝 telegram 🎖 www.ihma.uz
📝 facebook

#bolalar

Bolalar uyida oilalarni qo‘llab-quvvatlash xizmati kuchaytiriladi

2025-yil 1-fevraldan boshlab og‘ir hayotiy vaziyatda va yaqin qarindoshlari ko‘magisiz qolganligi natijasida farzandini tarbiyalashdan voz kechmoqchi bo‘lgan onalar, shu jumladan, homilador ayollar uchun Bolalar uylarida "Onalar maskani" xizmati yo‘lga qo‘yiladi.

Ushbu xizmatning asosiy maqsadi: bolalarning oiladan ajralib qolishining oldini olish hamda onalarning farzandlarini mustaqil parvarish qilish qobiliyatini rivojlantirishga ko‘maklashishdir.

Bunda:

- og‘ir hayotiy vaziyatga tushib qolgan onalar va ularning bolalari (4 yoshga to‘lmagan) 1-yilgacha bo‘lgan muddatga ijtimoiy shartnoma asosida vaqtincha boshpana bilan ta’minlanadi;

- og‘ir hayotiy vaziyatga tushib qolgan onalarga ijtimoiy, huquqiy, psixologik va tibbiy xizmatlar ko‘rsatiladi, ularda onalik va kasbiy ko‘nikmalar shakllantiriladi;

- «Inson» ijtimoiy xizmatlar markazlari og‘ir hayotiy vaziyatga tushib qolgan onalarning kasb-hunar egallashi va bandligini ta’minlashga ko‘maklashadi.

Ijtimoiy himoya milliy agentligining tuman (shahar)lardagi “Inson” ijtimoiy xizmatlar markazi – ushbu xizmat faoliyatini muvofiqlashtiruvchi vakolatli organ hisoblanadi.

📝 telegram    💻 instagram  
📝 facebook   🐧 xcom
🎞 youtube

😲 Onkologik kasallikka chalingan ayollar bepul davolanadi

“Ayollar orasida onkologik kasalliklarni nazorat qilish tizimini takomillashtirish chora-tadbirlari to‘g‘risida”gi Prezident qarori (PQ-402-son, 22.11.2024) qabul qilingan.

🖋 Qarorga ko‘ra, tibbiyotning birlamchi bo‘g‘inida 30–65 yoshdagi ayollarning elektron bazasi (ro‘yxati) shakllantiriladi, ularni tibbiy ko‘rikka taklif qilish tizimi yaratiladi.

🔮Har yili 30–50 yoshdagi ayollarda bachadon bo‘yni saratoni skriningi odam papillomasi virusini polimeraza zanjirli reaksiya tekshiruvi usuli orqali aniqlash hamda suyuqlik sitologiyasi usulida tekshirish yo‘li bilan amalga oshiriladi.

✅ 30–65 yoshdagi ayollar har 2 yilda bir marotaba tibbiyot xodimlari tomonidan birlamchi saralashdan o‘tkaziladi.

❗️ Skrining natijasida onkologik kasallikka chalinganligi aniqlangan bemorlarni tashxislash va davolash bilan bog‘liq xarajatlar budjet hisobidan moliyalashtiriladi.

📅 2025-yil 1-yanvardan boshlab:

➖ onkonazorat xonalari uchun akusher-ginekolog shifokor hamda mobil va stasionar mammograflar ishini 2 ta smenada tashkil etish uchun rentgen-laborantlar shtatlari joriy etiladi;

➖ Mammografiya tasvirini o‘qish markazi tashkil etiladi;

➖ odam papilloma virusi diagnostikasi uchun qo‘llanadigan test tizimlari sifatini nazorat qilish bo‘yicha referens-laboratoriya faoliyati yo‘lga qo‘yiladi;

➖ bachadon bo‘yni va ko‘krak bezi saratoni skriningiga nodavlat tibbiyot tashkilotlari jalb qilinadi.

✅ 2025-yil 1-mayga qadar:

😮 bachadon bo‘yni saratoni skriningi va ko‘krak bezi saratonini erta aniqlash sifatini baholash va monitoring qilib borish tizimi;
😮 skrining dasturiga kiritilgan ayollar bilan qayta aloqa qilish tizimi joriy etiladi.

Bugun, Ijtimoiy himoya milliy agentligi huzuridagi Ijtimoiy inspeksiya Xorazm viloyati boshqarmasi boshlig'ining Xiva shahrida SAYYOR QABULI o'tkazildi.

👥 Aholi bilan doimiy muloqot qilish, ularni qiynayotgan muammolarni hal etishning yangi mexanizm va samarali usullarini joriy etish mamlakatimizda amalga oshirilayotgan islohotlarning ustuvor yo‘nalishiga aylanmoqda. Sayyor qabullar esa odamlarning dardini eshitish, ular bilan ochiq muloqotda bo‘lish, og‘irini yengil qilish fuqarolarning davlat va jamiyatga bo‘lgan ishonchini mustahkamlashga xizmat qilmoqda.

🟢 Qabul Xiva shahri hamda Xiva tumanida istiqomat qiluvchi ijtimoiy himoyaga muhtoj fuqarolar uchun tashkil etildi. Ushbu sayyor qabulda nogironlik belgilash, moddiy yordam va bolalar nafaqasi olish hamda uy-joyga ehtiyoji bo'lgan fuqarolarning murojaatlari tinglandi. Vasiylik va homiylik to‘g‘risida ham masalalar aytildi. Murojaatchilar shu yerning o'zida tumandagi "Inson" ijtimoiy xizmatlar markazining tegishli mutaxassislariga biriktirilib, aytilgan masalalarning yechimi yuzasidan ishlarni boshlashga kirishildi. 1 nafar fuqaro elektron nogironlik aravachasi zarurligi yuzasidan qabulga kelganligini bildirdi. Bu yuzadan ham ishlar tashkil etildi.

Har oyda Ijtimoiy himoya milliy agentligi huzuridagi Ijtimoiy inspeksiya Xorazm viloyati boshqarmasi boshlig'ining sayyor qabullari davom etishini ma'lum qilamiz.

💻 instagram 🎞 youtube
📝 telegram 🎖 www.ihma.uz
📝 facebook