#Bolalar

Kichik hajmli bolalar uylari soni yana bittaga ko‘paydi

🧠 Ijtimoiy himoya milliy agentligi tomonidan Toshkent shahrida 30-son Mehribonlik uyi filiali sifatida yetim va ota-ona qaramog‘idan mahrum bo‘lgan bolalarni muqobil joylashtirishning yangi shakli Kichik hajmli bolalar uyi ochildi.

👍 Mazkur Kichik hajmli bolalar uyining ijtimoiy himoyaga muhtoj bolalarni muqobil joylashtirishning boshqa shakllaridan farqi turli ehtiyojlarga ega, jumladan, nogironligi bo‘lgan bolalar oilaga o‘xshash muhitda birgalikda tarbiyalanadi.

Ushbu kichik hajmli bolalar uyi (Small Group Home) modeli rivojlangan davlatlarda uzoq vaqt samarali qo‘llangan.

👫 Hozirda 200-250 nafar bolalar tarbiyalanayotgan Mehribonlik va Muruvvat internat muassasalarida bolalar uchun eng yaxshi sharoitlar yaratilgan bo‘lsa-da har bir bolani individual yondashuv asosida tarbiyalash imkoni yo‘q.

👩‍👩‍👧‍👦 Kichik hajmli bolalar uyida bolalar soni ko‘pi bilan 9-10 nafar bo‘lib, kun davomida tarbiyachilar ular bilan birga bo‘lishadi. Bu yerda har bir bolaga individual yondashish hamda mehr va g‘amxo‘rlik ko‘rsatish bilan birga oila muhitida ulg‘ayish va oilaviy qadriyatlar asosida tarbiyalanish imkoniyati yaratilmoqda.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz