Yangiobod tumani "Inson" ijtimoiy xizmatlar markazida "Inson qadri biz uchun oliy qadriyatdir" shiori ostida Sumalak sayli tshkil etildi.

O'zbekiston Respublikasi ko'zi ojizlar jamiyati tuman bo'linmasi, jamiyat a'zolari, yolg'iz keksalar, nogironligi bor shaxslar va ijtimoiy himoyaga olingan fuqarolar ishtirokidagi bayram tadbiri katta doshqozonda qaynayotgan xalqimizga xos milliy taom sanalgan Sumalak atrofida ko'tarinki ruhda o'tkazildi.

Bayram tadbiriga tuman hokimi Ibrohim Qarshiboyev ham tashrif buyurib, tadbir ishtirokchilarini yaqinlashib kelayotgan milliy va bahoriy bayramlar bilan tabrikladi va barchaga xushkayfiyat tiladi.

Tadbir doirasida yig'ilganlar uchun bayram dasturxoni tashkil etilib, sumalak hamda o'zbek milliy taomlari tortiq qilindi.

Xalqimizning azaliy qadriyatlarini o'zida mujassam etgan sumalak sayli viloyat hamda tumandagi folklor jamoalar va madaniyat bo'limi xonandalari ishtirokida kun davomida katta doshqozon atrofidagi o'yin-kulgu va xursandchilik bilan yuqori kayfiyatda davom etdi


Web-site | Telegram | Facebook | Instagram | X | Youtube | Hokimga_murojaat