Oʻzbekiston Respublikasi Prezidenti Sh.M.Mirziyoyev rahbarligida 2024-yil 13-dekabrda oʻtkazilgan videoselektor yigʻilishida berilgan 60-sonli topshiriqning 21-bandi ijrosini taʼminlash maqsadida Hudud markazlarida va aholi gavjum joylarda nogironligi boʻlgan shaxslar tomonidan ishlab chiqarilgan mahsulotlar savdo yarmarkalarini tashkil etish vazifasi belgilangan.

Mazkur vazifani amalga oshirish maqsadida bugun 23 yanvar kuni Sharof Rashidov tumanidagi 6-sonli o'rta maktabda Savdo-sanoat palatasi Jizzax viloyat boshqarmasi, Ijtimoiy agentlik vakillari, Sharof Rashidov tuman hokimligi bilan hamkorlikda nogironligi bor tadbirkorlar o'z maxsulotlari bilan ishtirok etgan holda savdo yarmarkasi tashkil etildi.

Ushbu savdo yarmarkasini tashkil etilishidan asosiy maqsad, Hurmatli Prezidentimiz tomonidan barcha fuqarolarimizga berilayotgan eʼtibor qatorida, nogironligi boʻlgan fuqarolarni ham ruhan, maʼnan va moddiy qoʻllab-quvvatlashga qaratilganligiga urgʻu berish hamda tegishli mehnat sharoitlari va oʻz navbatida ularning daromad manbalari ham mutanosib ravishda oshib borayotgani haqidagi maʼlumotlarni keng xalq ommasiga yetkazishdan iboratdir.