Kodifikatsiya nima ?!

Kodifikatsiya — bu huquqiy normalarni tartibga solish va ularni birlashtirgan holda yagona tizimli qonun hujjati shaklida rasmiylashtirish jarayonidir. Bu jarayon turli huquqiy manbalarni tahlil qilish, ularni muvofiqlashtirish va umumlashtirish orqali amalga oshiriladi. (Jaydari tilda aytadigan boʻlsam kodekslashtirish)

Kodifikatsiya asosan huquqiy tizimni soddalashtirish yaʼni tarqoq huquqiy normalarni birlashtirib, foydalanishni qulaylashtirish maqsadida amalga oshiriladi.

Shuningdek, kodifikatsiya asosan maʼlum bir huquq tarmoqlarini oʻz ichiga oladi.

Masalan: O‘zbekiston Respublikasi Jinoyat kodeksi: Jinoyat huquqi sohasidagi barcha normalarni o‘z ichiga oladi.

Fuqarolik kodeksi: Mulkchilik, shartnomalar va boshqa fuqarolik huquqlarini tartibga soluvchi yagona qonun.

Huquq olamida kodifikatsiyadan tashqari inkorporatsiya ham bor.

Kodifikatsiya va inkorporatsiya o‘rtasidagi farqi:

Kodifikatsiya: Qonunlarni tizimlashtirish va qayta ishlab chiqish, yangi, yaxlit huquqiy hujjat yaratish.

Inkorporatsiya: Mavjud qonunlarni faqat tartibga solish va to‘plash, ularga o‘zgartirishlar kiritmaslik.

© Bekzod Chorshanbiyev

👉 @huquqiyformat