Huquqiy axborot | Lotin

#Qonunchilikdagi_yangiliklar

❗️Kurashni rivojlantirish va ommalashtirish
yangi bosqichga olib chiqiladi

“Kurash milliy sport turini rivojlantirish va ommalashtirishni yangi bosqichga olib chiqish chora-tadbirlari to'g'risida”gi Prezident qarori (PQ-450-son, 20.12.2024 y.) qabul qilindi

🔰 Qarorga ko'ra, Xalqaro kurash institutining kurash milliy sport turini rivojlantirish va ommalashtirish bo'yicha faoliyati yanada kengaytiriladi hamda unga quyidagi qo'shimcha vazifalar yuklanadi:

🔹kurash bo'yicha xalqaro darajadagi malakali trenerlar va hakamlarni tayyorlashni yo'lga qo'yish, ularni qayta tayyorlash va malakasini oshirib borish tizimini joriy etish;

🔹kurash bo'yicha ilmiy-tadqiqot loyihalarini amalga oshirib borish, shuningdek, zarur o'quv-uslubiy va ilmiy-amaliy qo'llanmalarni ishlab chiqishni tashkil qilish;

🔹kurashning yangi yo'nalishlarini joriy qilishda ishtirok etish, ularni ommalashtirish choralarini ko'rish;

🔹kurash trenerlari va hakamlarini xorijiy davlatlarga “eksport” qilishni yo'lga qo'yish;

🔹kurashni ommalashtirish, rivojlantirish va dunyoga tanitish hamda ushbu milliy sport turini umumjahon miqyosidagi sport turiga aylantirish bo'yicha tizimli ishlarni amalga oshirib borish.

💼 Xorijdagi diplomatik vakolatxonalar zimmasiga Kurash xalqaro assotsiatsiyasi va Xalqaro kurash institutining kurashni xalqaro miqyosda rivojlantirish va ommalashtirish bo'yicha faoliyatiga ko'maklashish vazifasi yuklandi.

✅ Mahalliy yirik tadbirkorlarni Kurash xalqaro assotsiatsiyasiga rasmiy homiy sifatida jalb qilib borish yo'lga qo'yiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Chet el valyutasidagi operatsiyalarni buxgalteriya hisobida aks ettirish tartibi belgilandi

O'zbekiston Respublikasi buxgalteriya hisobining milliy standarti (22-sonli BHMS) “Chet el valyutasida ifodalangan aktivlar va majburiyatlarning hisobi” Adliya vazirligida davlat ro'yxatidan o'tkazildi (ro'yxat raqami 3587, 19.12.2024 y.)

✅ Mazkur BHMS byudjet, banklar va nobank kredit tashkilotlaridan tashqari mulkchilik shaklidan qat'iy nazar O'zbekistonda faoliyat yuritayotgan yuridik shaxslarning chet el valyutasidagi operatsiyalarini va chet eldagi bo'linmalarning ma'lumotlarini buxgalteriya hisobida aks ettirish hamda ularni moliyaviy hisobotda yoritib berish tartibini belgilaydi.

📋 Quyidagi operatsiyalar chet el valyutasidagi operatsiyalar hisoblanadi:

▪️tovarlar, ishlar va xizmatlarni chet el valyutasida xarid yoki realizatsiya qilish;

▪️to'lanadigan yoki olinadigan summalari chet el valyutasidagi pul mablag'larini qarzga olish yoki qarzga berish;

▪️chet el valyutasida aktivlarni xarid yoki realizatsiya qilish yoxud chet el valyutasida majburiyatlarni qabul qilish yoki so'ndirish.

⚠️ Chet el valyutasidagi operatsiyani tan olishda uni amalga oshirish sanasidagi chet el valyutasining so'mga nisbatan Markaziy bankning kursi bo'yicha tan olinadi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️ X.Sulaymonova nomidagi Respublika sud ekspertiza markazining Toshkent viloyati hududiy bo'limi tashkil etiladi

“O'zbekiston Respublikasi Adliya vazirligi huzuridagi X. Sulaymonova nomidagi Respublika sud ekspertiza markazi faoliyatini yanada takomillashtirish to'g'risida”gi Hukumat qarori (849-son, 18.12.2024 y.) qabul qilingan.

⚡️ Qarorga ko'ra, X. Sulaymonova nomidagi Respublika sud ekspertiza markazining Toshkent viloyati hududiy bo'limi tashkil etiladi.

🗓 2026-yil 1-iyungacha Sud ekspertiza markazining Toshkent viloyati bo'limini xalqaro standartlar bilan uyg'unlashgan davlat standarti talablariga javob beradigan binoga joylashtirish hamda maxsus mebel, kompyuterlar, boshqa zarur texnika va inventarlar, shuningdek, yuqori malakali professional kadrlar bilan ta'minlash choralari ko'riladi.

🔍 Sud ekspertiza markazida iste'mol mahsulotlari tarkibida genetik modifikatsiyalangan organizmlar (GMO) mavjudligi va ichimlik suvining tarkibini aniqlashga qaratilgan tadqiqotlarni amalga oshiruvchi Iste'mol mahsulotlari va ichimlik suvi tarkibini tahlil qilish laboratoriyasi tashkil qilinadi.

✅ Sud ekspertiza markazining hududiy bo'limlarida quyidagi ekspertiza va tadqiqot turlari bosqichma-bosqich joriy etiladi:

🔹2025-yil 1-oktabrgacha Sud ekspertiza markazining Navoiy viloyati bo'limida Materiallar, ashyolar va buyumlar kriminalistik ekspertizasi laboratoriyasi hamda Sud-xatshunoslik va hujjatlarning sud-texnikaviy ekspertizalari;

🔹2026-yil 1-noyabrgacha Sud ekspertiza markazining Qoraqalpog'iston Respublikasi bo'limida Sud-fonografiya, sud-yong'in texnika va elektrotexnika ekspertizalari;

🔹2026-yil 1-dekabrgacha Sud ekspertiza markazining Qashqadaryo viloyati hududiy bo'limida Materiallar, ashyolar va buyumlar kriminalistik ekspertizasi laboratoriyasi hamda Sud-xatshunoslik va hujjatlarning sud-texnikaviy ekspertizalari.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️“Xalqaro shartnomani tasdiqlash to'g'risida”gi Prezident qarori (PQ-448-son, 18.12.2024 y.)

🔰 Qarorga ko'ra, O'zbekiston va Belarus Respublikasi Hukumatlari o'rtasida tovarlarning kelib chiqishini sertifikatlashtirishning elektron tizimlarini o'zaro qo'llash to'g'risidagi bitim tasdiqlandi.

🗓 Bitim 2024-yil 8-fevralda Toshkent shahrida imzolangan.

🏢 Investitsiyalar, sanoat va savdo vazirligi hamda Bojxona qo'mitasi ushbu xalqaro shartnomani amalga oshirish uchun mas'ul bo'lgan vakolatli organlar etib belgilandi.

✔️ Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin belgilangan tartibda uning qoidalarining amalga oshirilishi ustidan nazoratni ta'minlaydi.

Kanalga ulanish👇👇👇
https://t.me/huquqiyaxborot_lotin