МАКТАБДА ЎИБДЎ ВА ММИБДЎ ЎЗ МУТАХАССИСЛИГИ БЎЙИЧА ДАРС БЕРИШИ МУМКИНМИ?
@Yurist_Xizmati 3223-савол:
Savol. Assalamu aleykum bir savolim bor edi. Maktabimizda o’quv ishlari bo’yicha direktor o’rinbosari 0,5 shtatta 2 ta odam bor. Manaviy va marifiy ishlari bo’yicha direktor o’rinbosari 0,5 shtatta 2 ta odam bor. Hozirda shu odamda qoshimcha 20-soat, 14-soat, 18-soat, 18-soat dars oqitadi. Shu kungacha shtatta ishlab turib yuqoridagi soatlarni oqitib keldi. Endi 2022-jili Yanvar oyida Tarifni tastiyiqlashda tuman Xalq ta’limi bo’limi ekonomisti 0,5 shtatga 10 soattan ortiq oqitishga ruxsat etilmaydi deyishdi shu togrimi yoki notogrimi?
ЮРИСТ ЖАВОБИ:
✅ Мактабда директор ўринбосари лавозимида ишлаётган ходим
бир вақтнинг ўзида ўз мутахасислиги бўйича дарс ўтиши ҳам мумкин.
Бу ҳақда Вазирлар Маҳкамасининг 2005 йил 21 декабрдаги 275-сон қарори билан тасдиқланган низомнинг 14-бандида халқ таълими муассасасининг раҳбар ходими томонидан асосий лавозимнинг
бир ҳафтада 10 соатгача ҳажмда ўқитувчи лавозими билан қўшиб олиб борилишига йўл қўйилади дейилган. Фақат бу ерда 0.5 ставкада ишлайдиган раҳбар ходимлар назарда тутилмаган.
Шунинг учун ҳам 14-бандда қайд этилган
“асосий лавозим” деган жумлага эътибор бериш лозим.
💁♂️
Янада тушунарлироқ қилиб айтадиган бўлсак, 0.5 ставкада ишлаётган раҳбар ходимларнинг асосий иши ўқитувчилик бўлиб, раҳбарлик қилиш уларга қўшимча иш сифатида юклатилади. Тўлиқ бир ставка ишлаётган раҳбар ходимлар учун эса аксинча, дарс ўтиш қўшимча иш ҳисобланади.
Вазирлар Маҳкамасининг 2012 йил 18 октябрдаги 297-сон қарори билан тасдиқланган низомга мувофиқ, ходим томонидан меҳнат шартномасида кўрсатилган ўзининг асосий иши билан бир қаторда айни шу ташкилотда асосий касб ва лавозим бўйича қонун ҳужжатларида белгиланган иш вақти давомида бошқа касб ва лавозимдаги қўшимча ишни бажариш бир неча касбда ва лавозимда ишлаш ҳисобланади.
Таълим муассасалари раҳбарларининг эса ўқитувчи лавозими бўйича йиллик иш режасида (иш вақти нормаси билан) назарда тутилган жами иш вақтининг 50 фоизидан ортиқ бўлмаган ҳажмда ўқитувчилик иши билан шуғилланишларига йўл қўйилади.
Яъни, тўлиқ бир ставкада ишлаётган директор ўринбосари фақат
10 соатгача дарс олиши мумкин, агар ўша ходимга 0.5 ставка ўринбосарлик қўшимча вазифа сифатида юклатилган бўлса, унда
20 соатгача дарс олиши мумкин бўлади. Ана ўша ҳолатда ходим жами иш вақтининг
50 фоизидан ортиқ бўлмаган ҳажмда ўқитувчилик иши билан шуғилланаётган ҳисобланади.
Хулоса шуки, таълим муассасасида фаолият юритаётган педагог ходимлар, у оддий ўқитувчи бўладими ёки раҳбар ходим бўладими, қонунчиликда белгилаб берилган нормаларга амал қилган ҳолда
бемалол 1.5 ставкагача ишлаши мумкин.
Бунда иш берувчилар ходимга 0.5 ставка ўринбосарлик лавозимини вақтинча юклатадиган бўлса, яъни ходимнинг асосий лавозимини ўқитувчи деб, ўриндошлик асосида ёки ички буйруқ билан вақтинча 0.5 ставка ўринбосарлик лавозими юклатилсин деб буйруқ чиқарса, шунда
ўша ўринбосар 20 соатгача дарс олиш хуқуқига қонуний равишда эга бўлади. Чунки, иш юритишда чиқарилаётган буйруқлар ҳам муҳим роль ўйнайди.
Агарда иш берувчи, ўқитувчини 0.5 ставка раҳбарлик лавозимига ишга олаётиб, буйруқни нотўғри чиқариб, асосий лавозим сифатида директор ўринбосарликни кўрсатиб қўйган бўлса, унда ўша раҳбар ходим фақат 10 соатдан ортмаган ҳолда дарс олишга мажбур бўлиб қолади.
❗️Шу сабабли
буйруқ чиқаришда ўта ҳушёр бўлиш талаб этилади.
Эслатиб ўтамиз, педагог ходимларга (раҳбар ходимларга ҳам) дарс соатлари “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низомида белгиланган тартибда тақсимланади.
❗️Шуни алоҳида қайд этиб ўтиш жоизки, мазкур савол жавобини Халқ таълими вазири ўринбосари Темур Комилов ҳам тўғри эканлигини тасдиқлади. Шу сабали мазкур масалани
ҳудудий халқ таълими бўлими иқтисодчилари ортиқча муҳокама этишларига ҳожат йўқ.
