HUQUQ INFO || HUQUQIY BLOG

#Qonunchilikdagi_yangiliklar

🔰 “Davlat sirlari to'g'risida”gi Qonun qabul qilindi

♻️ Qonun O'zbekiston manfaatlarini ko'zlab ma'lumotlarni davlat sirlari jumlasiga kiritishning huquqiy va tashkiliy asoslarini belgilaydi.

✅ Shuningdek, davlat sirlaridan foydalanish va ularni himoya qilish, davlat sirlari bilan bog'lik boshqa faoliyatni amalga oshirish chog'ida yuzaga keladigan munosabatlarni tartibga soladi.

✳️ Davlat sirlari sohasidagi yagona davlat siyosati Prezident tomonidan belgilanadi. DXX davlat sirlari sohasidagi maxsus vakolatli davlat organidir. Ma'lumotlarni davlat sirlari jumlasiga kiritish va ularni maxfiylashtirish O'zbekistonda maxfiylashtirilishi lozim bo'lgan ma'lumotlar ro'yxatiga asosan amalga oshiriladi.

❇️ Davlat sirlaridan foydalanuvchi tashkilotlar rahbarlari ma'lumotlarni davlat sirlari jumlasiga kiritish to'g'risidagi o'z qarorlari uchun shaxsan javobgar bo'ladi.
Davlat sirlarini tashkil etuvchi ma'lumotlar maxfiyligining quyidagi uchta darajasi va ushbu darajalarga muvofiq bo'lgan mazkur ma'lumotlarni tashuvchilar uchun maxfiylik griflari belgilanadi:

• maxfiylikning birinchi darajasi – “Alohida ahamiyatli”;

• maxfiylikning ikkinchi darajasi – “Mutlaqo maxfiy”;

• maxfiylikning uchinchi darajasi – “Maxfiy”.

❕ Davlat sirlarini tashkil etuvchi ma'lumotlarni maxfiylashtirish muddati davlat ahamiyatiga ega bo'lgan sir uchun - 30 yildan va xizmat siri uchun - 10 yildan oshmasligi kerak.

Manba: O‘RQ-1016-son, 27.12.2024-y.


Kanalga ulanish 👇
https://t.me/huquqiy_info

⚡️MUHIM

❗️YANGI OILA QURGAN YOSHLARGA XONADONIDA QO‘SHIMCHA UY-JOY QURISH UCHUN 33 000 000 SO‘MGACHA GAROVSIZ KREDIT BERILISHIDAN XABARDORMISIZ ?

📃 Hukumatning 637-son qarori bilan tasdiqlangan nizomda, “Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan yangi turmush qurgan yoshlarning yakka tartibdagi xonadonida qo‘shimcha uy-joy qurish uchun 33 million so‘mgacha garovsiz kredit ajratish tartibi va shartlar belgilangan.

➖ Unga ko‘ra mazkur kreditlar:

✅ bozor stavkasida mijoz xohishiga ko‘ra 6 oy imtiyozli davr bilan;

✅ 20 yildan ko‘p bo‘lmagan muddatga;

✅ boshlang‘ich badali yakka tartibdagi xonadonda qo‘shimcha qurilayotgan uy-joy qiymatining 15 foizidan kam bo‘lmagan qiymatda;

✅ bir qarz oluvchiga beriladigan kreditlar 33 million so‘mdan oshmaydigan miqdorda beriladi.

❗️Ushbu kreditni olish uchun talabgor:

✅ kredit olish uchun murojaat qilgan kunida 18 yoshga to‘lgan va 30 yoshdan oshmagan bo‘lishi;

✅ “Temir daftar” va “Ayollar daftari”ga kiritilgan oilalarning farzandlari yoki “Yoshlar daftari”ga kiritilgan va qonuniy nikohdan o‘tganiga 3 yildan oshmagan bo‘lishi va yuqoridagi nizomning boshqa mezonlariga to‘g‘ri kelishi lozim.


Kanalga ulanish 👇
https://t.me/huquqiy_info

#savol

⁉️ O‘rindosh o‘qituvchilarga lavozim maoshlariga nisbatan necha foiz haq to‘lanadi?

‼️ Mehnat kodeksining 432-moddasiga muvofiq shaxsning asosiy ish joyida ish vaqtidan bo‘sh bo‘lgan holatda boshqa joyda ishlashi o‘rindoshlik hisoblanadi.

Bunda xodim asosiy ishini bajarishidan tashqari asosiy ishidan bo‘sh vaqtidagina o‘rindoshlikda ishlashingiz mumkin.

☝️Mana shu qoidaga ko‘ra sizning holatingizda ham xodim asosiy ish joyidan tashqari boshqa tashkilotda yoki shu tashkilotning o‘zida ishlashi o‘rindoshlik sanaladi.

Ushbu kodeks 438-moddasiga ko‘ra o‘rindoshlik asosida ishlovchi shaxslarning mehnatiga haq to‘lash ishlab berilgan vaqtga mutanosib ravishda, ishlab chiqarish natijasiga yoxud mehnat shartnomasida belgilangan boshqa shartlarga qarab amalga oshiriladi.

Bunda o‘rindoshlarga dars soatlari tarifikatsiya asosida berilgan bo‘lsa, unda Vazirlar Mahkamasining 275-sonli qarori bilan tasdiqlangan “Xalq ta’limi xodimlari mehnatiga haq to‘lash to‘g‘risida”gi nizomga muvofiq bazaviy tarif stavkasi asosida haq to‘lanadi. Boshqacha aytganda 100 foiz.

❗️Agar o‘rindoshga tarifikatsiya asosida emas, soatbay asosda darslar biriktirilsa, unda yuqoridagi nizom va quv mashg‘ulotlarini o‘tkazganlik uchun mehnatga soatbay haq to‘lash miqdorlarini tasdiqlash to‘g‘risida qarorga (ro‘yxat raqami 3157) muvofiq umumta’lim maktablarining boshlang‘ich va yuqori sinflari o‘qituvchilari, o‘qituvchi-logopedi, logopediya shoxobchasi mudiri Mehnatga soatbay haq to‘lash miqdori bazaviy lavozim maoshlariga nisbatan 1.20 foizda haq to‘lanadi.


Kanalga ulanish 👇
https://t.me/huquqiy_info

⚡️ DIQQAT

❗️ELEKTR ENERGIYASI VA TABIIY GAZDAN LIMITDAN ORTIQ FOYDALANGAN EHTIYOJMAND OILALAR KOMPENSATSIYA OLISH UCHUN QAYERGA MUROJAAT QILISHI KERAK ?

✏️ Ko‘pchilik ehtiyojmand oilalar, men kam ta’minlangan oilalar ro‘yxatida turaman va agar elektr energiyasi xamda tabiiy gazdan limitdan ortiq foydalansam menga avtomatik ravishda kompensatsiya to‘lab beriladi deb o‘ylashadi, lekin yo‘q.

📄 Vazirlar Mahkamasining 2024 yildagi 204-son qaroriga 3-ilova qilib keltirilgan sxemada,

➖ elektr energiyasi va tabiiy gazdan belgilangan bazaviy meyyordan ortiq foydalangan ehtiyojmand oilalar noyabr—mart oylari uchun har oyning 15 sanasiga qadar "Inson" ijtimoiy xizmatlar markaziga yoki mahallalardagi ijtimoiy hodimlarga murojaat qilishi kerakligi ko‘rsatilgan.

✏️ Tushungan bo‘lsangiz kerak, gap ehtiyojmand oilalar uchun noyabr oyidagi 270 000 so‘mlik kompensatsiya haqida ketmayapti. Bu yerda elektr energiyasi va tabiiy gazdan limitdan ortiq foydalanilgan iste’mol uchun har oylik kompensatsiyalar haqida gap bormoqda.


Kanalga ulanish 👇
https://t.me/huquqiy_info

#Bilasizmi

📌Kadastr pasportini shakllantirish qaysi holatlarda bepul rasmiylashtirilishi haqida bilasizmi?

✅Hukumatning 535-son qaroriga asosan quyidagi hollarda kadastr pasportini rasmiylashtirish bepul amalga oshiriladi:

🏢Ko‘chmas mulk obyekti bo‘yicha birlamchi kadastr yig‘majildi (pasporti) mavjud bo‘lib, begonalashtirilganda yoki obyektda o‘zgarishlar (rekonstruksiya, qo‘shimcha va alohida qurilish) mavjud bo‘lmaganda;

🏘Ko‘chmas mulk obyektining bir qismi begonalashtirilganda obyektning qolgan qismiga yoki rekonstruksiyasiz toifasi o‘zgarganda;

📋Kadastr yig‘majildi (pasporti) yo‘qolganda (yaroqsiz holga kelganda va ko‘chmas mulk obyekti ko‘rsatkichlari o‘zgartirilmasdan).

❇️Mazkur davlat xizmatidan Davlat xizmatlari markaziga borgan holda yoki YIDXP (my.gov.uz) orqali elektron tarzda foydalanishingiz mumkin.


Kanalga ulanish 👇
https://t.me/huquqiy_info

🏡 Imtiyozli ipoteka kreditiga tavsiyanoma berish boshlandi!

Aytishlaricha, Mahalla yettiligi tomonidan uy-joy sharoitini yaxshilash bo‘yicha imtiyozli kredit uchun tavsiyanoma berish jarayoni boshlandi.

🔹 Ipoteka kreditini o‘rtacha 13 kunda olishingiz mumkin!

☑️ Kredit ajratish tartibi:
▪️2 ish kuni – "Mahalla yettiligi" arizani ko‘rib chiqib, fuqaroni dasturga kiritadi.
▪️1 kunda – Fuqaro hujjatlarini bankka topshiradi.
▪️3 ish kuni – Tijorat banki arizani o‘rganib, kredit berish yoki rad etish bo‘yicha qaror qabul qiladi.
▪️2 ish kuni – Bank ariza beruvchi bilan shartnoma imzolaydi.
▪️5 ish kuni – Iqtisodiyot va moliya vazirligi boshlang‘ich badalni to‘lab beradi.
▪️Ta’mirlash ishlariga qarab – Bank kredit summasini fuqaroning plastik kartasiga yoki pudrat tashkiloti hisob raqamiga o‘tkazadi.

💡 Ipoteka krediti olish uchun birinchi navbatda mahallangizdagi hokim yordamchisiga murojaat qiling.


Kanalga ulanish 👇
https://t.me/huquqiy_info

❗️

NOGIRONLIGI BO‘LGAN BOLALARNING ONALARI BOSHQALARDAN 5 YIL OLDIN PENSIYAGA CHIQISHI MUMKIN

⁉️ Bolalikdan nogironligi bo‘lgan bolalarni tarbiyalagan onalar pensiyaga 50 yoshdan chiqishi mumkinligini eshitdim. Shu rostmi ?

‼️ Bunday norma qonunchilikda mavjud. "Fuqarolarning davlat pensiya ta’minoti to‘g‘risida"gi qonunning 12-moddasida, bolalikdan nogironligi bo‘lgan farzandlarning onalari ularni sakkiz yoshgacha tarbiyalagan bo‘lsa — ish staji kamida 20 yil bo‘lgan taqdirda umumiy belgilangan 55 yoshdan emas, boshqalarga qaraganda imtiyozliroq ya’ni, 50 yoshdan pensiyaga chiqishi mumkinligi ko‘rsatilgan.

✅ Demak, bolalikdan nogironligi bo‘lgan bolalarni kamida 8 yil tarbiyalagan onalar pensiyaga boshqalardan 5 yil oldin chiqishi mumkin. Faqat, yuqorida ko‘rsatilgan ish stajiga ega bo‘lishlari kerak.


Kanalga ulanish 👇
https://t.me/huquqiy_info

#Bilasizmi

❗️Ta'lim kreditini my.gov.uz orqali olish mumkin

🔰Qonunchilikka ko'ra, 2024/2025 o'quv yilidan oliy va professional ta'lim tashkilotlarining talaba va o'quvchilariga ta'lim kreditlari quyidagilarni nazarda tutgan holda ajratiladi:

🔹oliy va professional ta'lim tashkilotlarida tahsil olish uchun ta'lim krediti faqat kunduzgi ta'lim shaklida o'qiyotgan talaba va o'quvchilarga ajratiladi;

🔹ta'lim krediti:

▫️oliy ta'lim tashkilotlarining birinchi bosqich talabalari hamda professional ta'lim tashkilotlari o'quvchilari uchun to'lov-kontrakt summasi miqdorida;

▫️oliy ta'lim tashkilotlarining ikkinchi va undan yuqori kurs talabalari uchun fanlarni o'zlashtirishning o'rtacha ko'rsatkichi “3” dan past bo'lgan taqdirda to'lov-kontrakt summasining ko'pi bilan 80 foizi miqdorida ajratiladi.

✔️Bunda ta'lim krediti:

🔸OTM talabalari uchun – talabalar to'g'risidagi ma'lumotlar “Talabalarga shartnoma asosida ko'rsatiladigan xizmatlar hisobini yuritish” (kontrakt.edu.uz) axborot tizimi va “Oliy ta'lim jarayonlarini boshqarish” (HEMIS) axborot tizimida mavjud bo'lganda;

🔸professional ta'lim tashkilotlari o'quvchilari uchun – o'quvchilar to'g'risidagi ma'lumotlar “Professional ta'lim jarayonlarini boshqarish” (prof.edu.uz) axborot tizimida mavjud bo'lganda ajratiladi.


Kanalga ulanish👇
https://t.me/huquqiy_info

❗️IJARADA YASHAYDIGAN YOSH OILALARNING IJARA TO‘LOVI TO‘LAB BERILADI

📃 Vazirlar Mahkamasining 07.06.2022 yil kungi 312-son qarori bilan tasdiqlangan Nizomga asosan,

➖ "yoshlar daftari"ga kiritilgan yoshlarga bir-qator yengilliklar berilgan.

❗️Jumladan:

✅  Mazkur nizomga asosan «Yoshlar daftari» jamg‘armalari xisobidan ijtimoiy himoyaga muhtoj yosh oilalarga har oyda bazaviy xisoblash miqdori (hozirgi kunda 375 000 so‘m)ning 3 baravari (1 125 000 so‘m)dan oshmagan miqdorda 12 oygacha turar joy ijarasi uchun subsidiya ajratilishi belgilangan.



Kanalga ulanish 👇
https://t.me/huquqiy_info

⚡️Maktabgacha va maktab ta’limi vaziri jamg‘armasi hisobidan bog‘chalar rahbar va pedagoglarini rag‘batlantirishga ruxsat etiladi — Prezident farmoni

2025 yil 1 yanvardan:

➖ maktabgacha ta’lim tashkilotining direktori o‘rinbosari lavozimi joriy etiladi;

➖ respublikaning barcha tuman (shahar)larida kamida bittadan tayanch maktabgacha ta’lim tashkilotlari faoliyati yo‘lga qo‘yiladi;

➖ barcha maktabgacha ta’lim tashkilotlarida malaka oshirishning “Metodik mahorat soati”, tayanch maktabgacha ta’lim tashkilotlarida esa “Metodik mahorat kuni” kabi shakllari bosqichma-bosqich joriy etiladi;

➖ trener sifatida faoliyat yuritayotgan direktor o‘rinbosarlariga lavozim maoshining 20 foizi miqdorida qo‘shimcha har oylik ustama haq to‘lanadi.

2025 yil 1 martdan tajriba-sinov tariqasida respublikaning uzoq va chekka hududlarida joylashgan maktabgacha ta’lim tashkilotlari pedagog kadrlari uchun mobil malaka oshirish xizmatlari joriy etiladi.

Maktabgacha va maktab ta’limi vaziri jamg‘armasi hisobidan maktabgacha ta’lim tashkilotlari rahbar va pedagog kadrlarini ham rag‘batlantirishga ruxsat etiladi.

2025 yil 1 yanvardan tajriba-sinov tariqasida har bir tuman (shahar)dagi bittadan umumiy turdagi davlat maktabgacha ta’lim tashkilotlarida inklyuziv ta’lim guruhlari ochiladi.


Kanalga ulanish 👇
https://t.me/huquqiy_info

❗️Endilikda sertifikati yo‘q chet tili o‘qituvchilari ishdan bo‘shatiladimi?

Vazirlar Mahkamasining 2021 yil 19 maydagi "Xorijiy tillarni o‘rganishni ommalashtirishni samarali tashkil etish chora-tadbirlari to‘g‘risida"gi qaroriga muvofiq, 2025/2026-o‘quv yiliga qadar umumiy o‘rta, o‘rta maxsus va professional ta’lim muassasalarida faoliyat yuritayotgan barcha xorijiy tillar o‘qituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi lozimligi belgilangan.

Demak 2025/2026-o‘quv yiliga qadar maktablarning chet tili o‘qituvchilari o‘z fanlari bo‘yicha kamida B2 darajadagi milliy yoki unga tenglashtirilgan mos darajadagi xalqaro sertifikat olishlari talab etiladi.

Shunga ko‘ra, agar chet tili o‘qituvchilari 2025/2026-o‘quv yili boshlangunicha chet tili sertifikatini olmasa, ular bilan tuzilgan mehnat shartnomasi bekor qilinishi mumkin.

Bunda ish beruvchi ular bilan tuzilgan mehnat shartnomasini Mehnat kodeksining 161-moddasi ikkinchi qismi bilan (xodimning malakasi yetarli bo‘lmaganligi sababli egallab turgan lavozimiga yoki bajarayotgan ishiga muvofiq emasligi) bekor qilishi mumkin bo‘ladi.


Kanalga ulanish 👇
https://t.me/huquqiy_info

⚡️DIQQAT

❗️AVTOMASHINASIDA TIBBIYOT QUTISI BO‘LMAGAN HAYDOVCHILAR JARIMAGA TORTILADI !!!

📃 Ma’muriy javobgarlik to‘g‘risidagi kodeksning 125-moddasiga asosan,

➖ Haydovchilar tomonidan tibbiyot qutisi bo‘lmagan holda transport vositasini boshqarishi ularga nisbatan bazaviy hisoblash miqdori (Hozirgi kunda 375 000 so‘m)ning ikkidan bir qismi miqdorida jarima solishga sabab bo‘ladi .


Kanalga ulanish 👇
https://t.me/huquqiy_info

❗️AYRIM YOSHLARGA TIL O‘RGANGANLIGI UCHUN PUL BERILADI

📄 Prezidentning 27.06.2024 yil kungi PQ-239-son qaroriga asosan,

➖imtihon topshirish xarajati qoplanadigan xalqaro imtihon tizimlari bo‘yicha ingliz, nemis, fransuz, koreys, xitoy va yapon tillaridan kamida C1 yoki unga tenglashtirilgan mos darajadagi sertifikat olgan yoshlarni imtihon topshirish xarajatlarini kompensatsiya qilishga qo‘shimcha ravishda o‘qish xarajatlarini qoplash uchun BHMning 3 baravari (1 mln 125 ming so‘m) miqdorida bir martalik moddiy rag‘batlantirish tizimi joriy etilishi belgilangan.

➖2024 yil 1 sentyabrdan 2027 yil 1 yanvargacha yoshlarning nemis, fransuz, koreys, xitoy va yapon tillari bo‘yicha xalqaro imtihon tizimlarida imtihon topshirish xarajatlari qoplab berilishi uchun ular tomonidan to‘planishi lozim bo‘lgan ballning (sertifikat darajasining) minimal ko‘rsatkichi bir pog‘ona pasaytiriladi.

✅ Shuningdek, umumiy o‘rta ta’lim muassasalarining sinf xonalarini ta’lim jarayonidan bo‘sh vaqtda kasb-hunar va xorijiy tillarni o‘qitish faoliyatini amalga oshirish uchun to‘g‘ridan-to‘g‘ri shartnomalar asosida tekin foydalanish huquqi bilan xususiy o‘quv markazlariga berishga ruxsat etiladi.

➖ Bunda tegishli umumiy o‘rta ta’lim muassasalarining ro‘yxati Maktabgacha va maktab ta’limi vazirligi tomonidan tasdiqlanadi.


Kanalga ulanish 👇
https://t.me/huquqiy_info

❗️OTA-ONA FARZANDLARINING KONTRAKT TO‘LOVI UCHUN TO‘LAGAN PULLARIDAN DAROMAD SOLIGʻI USHLANMAYDI

📄 Soliq kodeksining 378-moddasiga asosan,

✅ Ota-ona O‘zbekistondagi professional va oliy ta’lim muassasalarida tahsil olayotgan farzandlarining kontrakti uchun to‘lagan pullaridan daromad solig‘i undirilmaydi

❗️Bundan tashqari, ushbu imtiyozdan quyidagilar xam foydalanishi mumkin:

✔️ fuqaro o‘zining kontraktini to‘laganida;

✔️ er-xotinlar 26 yoshga to‘lmagan turmush o‘rtog‘i kontraktini to‘laganida.

❗️Shuningdek, mazkur imtiyoz soliq to‘lovchining professional va oliy ta’lim tashkilotlarida o‘qish uchun tijorat banklari tomonidan ajratilgan ta’lim kreditlarini (foizlari bilan qo‘shgan holda) qoplashga yo‘naltirilgan daromadlariga nisbatan ham qoʻllaniladi.


Kanalga ulanish 👇
https://t.me/huquqiy_info

❗️ER-XOTIN NIKOHDAN AJRATILAYOTGANIDA SUD TOMONIDAN QANDAY MASALALAR HAL ETILISHI KERAK ?

📄Oila kodeksining 44-moddasiga asosan,

⚡️ Er-xotin nikohdan sud tartibida ajratilayotganda sud:

▪️nikohdan ajratilgandan keyin voyaga yetmagan bolalar ota-onasining qaysi biri bilan yashashini aniqlashi;

▪️voyaga yetmagan bolalarga ta’minot berish uchun ota-onaning qaysi biridan va qancha miqdorda aliment undirilishini aniqlashi;

▪️er va xotinning (ulardan birining) talabiga ko‘ra ularning birgalikdagi mulki bo‘lgan mol-mulkni bo‘lishi;

▪️er (xotin)dan ta’minot olishga haqli bo‘lgan xotin (er)ning talabiga ko‘ra ana shu ta’minot miqdorini belgilashi shart.

✔️ Mol-mulkni bo‘lish uchinchi shaxslarning manfaatiga daxldor bo‘lgan hollarda sud mol-mulkni bo‘lish talabini alohida ish yuritish uchun ajratadi.

❗️Nikohdan ajratish to‘g‘risidagi ish ko‘rib chiqilayotganida to‘yni o‘tkazishga ketgan sarf-xarajatlarni undirish haqidagi talablar qanoatlantirilmaydi.


Kanalga ulanish 👇
https://t.me/huquqiy_info

#bilasizmi

Qisqarishga tushib mehnat shartnomasini bekor qilish muddati kelgan xodimlarga eslatma!

Ko‘plab hududlarda qisqarishga tushgan xodimlarning mehnat shartnomalari bekor qilinish vaqti kelgan. Shu sababli ish beruvchilar ular bilan mehnat shartnomalarini bekor qilishni boshlab yuborishgan. Shunday bo‘lsa-da, sizlarga mehnat kodeksida belgilangan huquqlaringizni eslatib o‘tmoqchiman.

Mehnat kodeksining 173-moddasida 2-qismi 1-bandga asosan ish beruvchining tashabbusiga ko‘ra, bekor qilinganda ishdan bo‘shatish nafaqasi to‘lanishi belgilangan.

Ishdan bo‘shatish nafaqasining miqdori mazkur ish beruvchidagi ish stajiga bog‘liq bo‘ladi va u:
👉 uch yilgacha ish stajiga ega bo‘lgan xodimlar uchun — o‘rtacha oylik ish haqining ellik foizidan;
👉 uch yildan besh yilgacha ish stajiga ega bo‘lgan xodimlar uchun — o‘rtacha oylik ish haqining yetmish besh foizidan;
👉 besh yildan o‘n yilgacha ish stajiga ega bo‘lgan xodimlar uchun — o‘rtacha oylik ish haqining yuz foizidan;
👉o‘n yildan o‘n besh yilgacha ish stajiga ega bo‘lgan xodimlar uchun — o‘rtacha oylik ish haqining bir yuz ellik foizidan;
👉 o‘n besh yildan ortiq ish stajiga ega bo‘lgan xodimlar uchun — o‘rtacha oylik ish haqining ikki yuz foizidan kam bo‘lishi mumkin emas.

Yana bir muhim qoida agar siz mehnat shartnomasi bekor qilinganidan keyin o‘ttiz kalendar kun ichida mahalliy mehnat organida ish qidirayotgan shaxslar sifatida ro‘yxatdan o‘tsangiz mahalliy mehnat organi tomonidan berilgan ma’lumotnoma bo‘yicha uchinchi oy uchun ham avvalgi ish joyidan o‘rtacha oylik ish haqini olish huquqiga ega bo‘lasiz. (MK 100-modda 4-qism)


Kanalga ulanish 👇
https://t.me/huquqiy_info

#Bilasizmi

❗️Intizomiy jazoning amal qilish muddati u qo‘llanilgan kundan e’tiboran 1 yildan oshmasligi kerak.

Agar intizomiy jazo berilgan kundan e’tiboran 1 yil ichida xodimga yangi intizomiy jazo qo‘llanilmasa, u intizomiy jazoga tortilmagan deb hisoblanadi. Bunda intizomiy jazo ish beruvchining buyrug‘i chiqmasidan avtomatik tarzda tugallanadi.

Ish beruvchi intizomiy jazoni o‘z tashabbusiga ko‘ra, xodimning bevosita rahbarining, kasaba uyushmasi qo‘mitasining iltimosnomasiga, shuningdek xodimning iltimosiga ko‘ra, 1 yil o‘tguniga qadar muddatidan oldin olib tashlash huquqiga ega.

✅Intizomiy jazoni muddatidan oldin olib tashlash ish beruvchining buyrug‘i bilan rasmiylashtiriladi.


Kanalga ulanish 👇
https://t.me/huquqiy_info

❗️VIDJON ERKINLIGI NIMA?

📃 O‘zbekiston Respublikasining "Vijdon erkinligi va diniy tashkilotlar to‘g‘risida"gi Qonuniga asosan,

✔️ Vijdon erkinligi — bu fuqarolarning xohlagan dinga e’tiqod qilish yoki hech qaysi dinga e’tiqod qilmaslik bo‘yicha kafolatlangan konstitutsiyaviy huquqidir.

➖ Fuqaro dinga, dinga e’tiqod qilishga yoki e’tiqod qilmaslikka, ibodatlarda, diniy rasm-rusumlar va marosimlarda ishtirok etishga yoki ishtirok etmaslikka, diniy ta’lim olishga nisbatan o‘z munosabatini belgilayotganda uni u yoki bu tarzda majburlashga yo‘l qo‘yilmaydi.

➖ Voyaga yetmaganlarni ularning xohish-irodasiga, ota-onasining yoki qonuniy vakillarining xohish-irodasiga zid tarzda diniy tashkilotlarga jalb etishga yo‘l qo‘yilmaydi.


Kanalga ulanish 👇
https://t.me/huquqiy_info

❗️BUGUNGI KUN HOLATIGA BOLALAR NAFAQASI VA MODDIY YORDAMNING ANIQ MIQDORLARI

📃 Prezidentning  11.08.2021 yil kungi PF–6277-son farmoniga ko‘ra,

❗️ Bolalar nafaqasi va moddiy yordamning har oylik miqdori:

🟢 250 000 so‘m – 3 yoshdan 18 yoshgacha bo‘lgan bitta farzand uchun,

🟢 325 000 so‘m – yoshi 3 yoshgacha bo‘lgan bitta kichik farzand uchun;

🟢 150 000 so‘m – oilaning ikkinchi farzandi uchun qo‘shimcha;

🟢 100 000 so‘mdan – oilaning uchinchi va undan keyingi har bir farzandi uchun;

❗️ Kam ta’minlangan oilalar uchun moddiy yordamning oylik miqdori – 380 000 so‘m.


Kanalga ulanish 👇
https://t.me/huquqiy_info

✅Nogironligi bor shaxslarning aliment tulovlari sud tomonidan kamaytirilishi mumkin!

❗️Oila kodeksining 105-moddasiga asosan, Aliment to‘layotgan ota-onaning boshqa voyaga yetmagan bolalari bo‘lib, undan qonunda belgilangan miqdorda aliment undirilganda o‘sha bolalar aliment olayotgan bolalarga nisbatan moddiy jihatdan kamroq ta’minlanib qoladigan bo‘lsa, shuningdek aliment to‘layotgan ota (ona) nogironligi bo‘lgan shaxs bo‘lib, moddiy jihatdan qiynalib kelayotgan bo‘lsa yoki aliment olayotgan shaxs mustaqil daromadga ega bo‘lgan taqdirda, aliment miqdori sud tomonidan kamaytirilishi mumkin.


Kanalga ulanish 👇
https://t.me/huquqiy_info