Huqıqıy málimleme QR ️️

#Нызамшылықтағы_жаңалықлар

️❗️Айырым районларда киши логистика орайлары қурылады

✔️Қарарға көре, 2025-жыл 1-мартқа шекем "Uzex Agro" электрон саўда платформасында халықтың қыйтақ жерлери ҳәм дийқан хожалықлары жер майданларында жетистирилген өнимлерди тиккелей сыртқы базарларға сатыў имканияты жаратылады.

🔍 2025-жылы Асака, Китоб, Бахмал, Хатирчи ҳәм Ферғана районларында, 2026-жылы болса аўыл хожалығына қәнигелескен және кеминде 5 районда киши логистика орайлары, соның ишинде, сыйымлылығы 100 тоннадан кем болмаған музлатқышлы сыйымлылықлар, туқым, нәл, химиялық қураллар ҳәм минерал төгинлерди тарқатыў орайлары қурылады.

️🖥 Қыйтақ жер ҳәм узақ мүддетли ижараға берилген жер майданлары ийелерине онлайн мәсләҳәт ҳәм мағлыўмат алыў, финанслық хызметлерден пайдаланыў ҳәм де өнимлерди сатыў бойынша бирден-бир хызмет көрсетиў ҳәм мониторинг қылыў платформасы иске түсириледи.

🌎 Платформада дийқанларға жетистиретуғын өниминиң 70 процентине шекемги муғдарда жеңиллетилген онлайн кредит ажыратыў системасы иске түсириледи.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️"Банклердеги аманатларды қорғаў кепилликлери ҳаққында"ғы Нызам (ӨРН-1031-санлы, 18.02.2025 ж.) қабыл етилди

✔️ Нызам физикалық шахслардың, соның ишинде жеке тәртиптеги исбилерменлердиң, сондай-ақ, юридикалық шахслардың банклердеги аманатларына кепиллик бериў тараўындағы қатнасықларды тәртипке салады.

🏢 Аманатларға кепиллик бериў агентлиги банклердеги аманатлардың қорғалыўын кепиллеў тараўындағы ўәкилликли уйым есапланады.

✔️ Аманатларды кепиллеў системасы кепиллеў ҳәдийсеси жүзеге келгенде Агентлик тәрепинен аманатшыларға компенсацияларды төлеў арқалы аманатшылардың ҳуқықларын ҳәм нызамлы мәплерин мәмлекет тәрепинен қорғаўға қаратылған илажлар комплекси болып есапланады.

️✍️ Банк, соның ишинде, микроқаржы банки ҳәм нызамшылыққа муўапық шөлкемлестирилген аралық банк лицензия берилген ўақыттан баслап кепиллик системасының қатнасыўшысына айланады.

️📁 Бир банкте бир аманатшыға төленетуғын компенсация төмендеги муғдарды қурайды:

🔹кепиллик бериў объекти қалдығының толық көлемин, егер оның муғдары 200 миллион сўм ямаса оннан кем болса;

🔹200 миллион сўмды, егер кепиллик объектиниң қалдығы 200 миллион сўмнан көп болса.

️ 🗓 Агентлик сапластырылып атырған банк аманатшыларының кеминде төрттен үш бөлегине компенсацияларды алыў имканиятын төмендеги мүддетлерде тәмийинлеўи шәрт:

▪️2025-жыл 1-январьдан баслап - кепиллик ҳәдийсеси жүзеге келген сәнеден баслап 20 жумыс күни ишинде;
▪️2026-жыл 1-январьдан баслап - кепиллик ҳәдийсеси жүзеге келген сәнеден баслап 15 жумыс күни ишинде;
▪️2027-жыл 1-январьдан баслап - кепиллик бериў ҳәдийсеси жүзеге келген сәнеден баслап 7 жумыс күнинде.

📌Усы Нызам рәсмий жәрияланған күннен баслап күшке киреди.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️Бирден-бир жеткерип бериўшилер реестрине киргизиў бойынша мәмлекетлик хызметлерди көрсетиў тәртиби белгиленди

Ҳүкимет қарары менен (102 санлы, 18.02.2025 ж.) "Мәмлекетлик сатып алыўларда Бирден-бир жеткерип бериўшилер реестрине киргизиў бойынша мәмлекетлик хызметлерди көрсетиўдиң ҳәкимшилик регламенти" тастыйықланды.

️ 🔰Ҳәкимшилик регламент мәмлекетлик сатып алыўларда Бирден-бир жеткерип бериўшилер реестрине киргизиў бойынша мәмлекетлик хызметти көрсетиў тәртибин белгилейди.

🗓 2025-жыл 1-апрельден юридикалық ҳәм физикалық шахсларды Бирден-бир жеткерип бериўшилер реестрине киргизиў ушын арзалар Мәмлекетлик хызметлер орайы ҳәм Бирден-бир интерактив мәмлекетлик хызметлер порталы (my.gov.uz) арқалы қабыл етиледи.

⏰ Арзалар БИМХП арқалы дем алыс ҳәм байрам күнлерине қарамастан, ҳәр күни 24 саат даўамында жиберилиўи мүмкин.

️🚫 Мәмлекетлик хызметти көрсеткенлик ушын төлем өндирилмейди.

📣️ Ўәкилликли уйым арза түскен күннен баслап 15 жумыс күнинде Реестрге бирден-бир жеткерип бериўши сыпатында киргизиў ҳаққындағы арзаны көрип шығады.

🌎Талапкердиң Реестрге киргизиў ҳаққындағы арзасы ҳәм оған қосымша етилген мағлыўматлар ўәкилликли уйым тәрепинен арза келип түскен күннен баслап 2 жумыс күни ишинде Порталға мәжбүрий жәмийетлик додалаў ушын жайластырылады.

🖥 Ўәкилликли уйым арза бериўши тәрепинен усынылған мағлыўматлар, республикалық атқарыўшы ҳәкимият уйымлары ҳәм хожалық бирлеспелери тәрепинен усынылған жуўмақлар ҳәм арзаны көрип шығыў даўамында топланған басқа да мағлыўматлар тийкарында арзаны қанаатландырады ямаса қанаатландырыўдан бас тартады.

️📜 Егер арза қанаатландырылса, бул ҳаққында талапкерге QR-код қойылған жуўмақ, талапкер өзи келип мүрәжат еткен жағдайда - Мәмлекетлик хызметлер орайына, БИМХП арқалы мүрәжат етилгенде - талапкердиң жеке кабинетине жибериледи.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️Айырым дийқанларға 100 миллион сўмға шекем субсидия ажыратылады

✔️Пәрманға көре, Дийқан хожалықлары ҳәм қыйтақ жер ийелери жумысын қоллап-қуўатлаў қоры қаржылары есабынан төмендеги финанслық қоллап-қуўатлаў тәртиплери енгизиледи:

▪️ҳәр жылы 500 мәҳәлледе биреўден халық қыйтақ жеринде әмелге асырылған ең үлгили ҳәм инновациялық жойбар ушын БЕМның 100 есесинен аспаған муғдарда грантлар ажыратылады;

▪️уста дийқанлар тәрепинен қысқа мүддетли оқыў курсларын шөлкемлестириў менен байланыслы қәрежетлерди қаплаў ушын ҳәр бир курс ушын БЕМның 15 есесине шекемги муғдарда субсидия ажыратылады;

▪️белгили бир мәҳәлледеги 50 процент шаңарақлардың қыйтақ жеринде экспортқа жарамлы өним жетистириўди жолға қойып берген шебер дийқанларға 100 миллион сўмға шекем субсидия ажыратылады;

▪️қыйтақ жер ийелери ҳәм дийқан хожалықлары ҳәм оларға хызмет көрсетиўши субъектлерге коммерциялық банклер арқалы аўыл хожалығы өнимлерин жетистириў, оларды қайта ислеў, кептириў, сақлаў ҳәм қадақлаў жойбарлары ушын 2 жылға шекем жеңиллетилген дәўир менен 7 жылға шекемги мүддетке Орайлық банк тийкарғы ставкасынан 4 процентлик пункт жоқары ставкада (соннан 5 процент банк маржасы) кредитлер ажыратылады;

▪️халық қыйтақ жерлери ҳәм ижара жерлеринде ықшам музлатқышлы қоймаханалар, қадақлаў, кептириў ҳәм қайта ислеў үскенелери, таяр болған ыссыханалар 24 айлық жеңиллетилген дәўир менен 5 жылда бөлип төлеў шәрти менен лизингке бериледи.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️Жаңа түрдеги финанслық жәрдемлер енгизиледи

🔰 Қарарға көре, "Кәмбағаллықтан абаданлыққа қарай" бағдарламасында белгиленген ўазыйпаларды әмелге асырыў ушын төмендеги жаңа түрдеги финанслық жәрдемлер енгизиледи:

🔹еркинен айырыў жазасын өтеп болған пуқараларға олар тәрепинен исбилерменлик, архитектура, өнерментшилик сыяқлы бағдарлардағы анық жойбарлар әмелге асырылыўы ушын мийнетке ҳақы төлеўдиң кем муғдарының 10 есесине шекемги муғдардағы субсидиялар;

🔹өзин-өзи бәнт етпекши болған жумыссыз пуқараларды ямаса кәмбағал шаңарақлардың ағзаларын жумысты үйге бөлип алып ислеўши сыпатында жумысқа алған исбилерменлерге олардың айланыс қаржыларын толтырыў ушын ҳәр бир тартылған жумысты үйге бөлип алып ислеўши ушын БЕМның 10 есесине шекемги муғдардағы 3 жылға шекемги мүддетке процентсиз ссудалар;

🔹кәмбағал шаңарақ ағзаларына өз жумысын баслаўы ушын зәрүр болған әсбап-үскенелерди сатып алыўға БЕМның 50 есесине шекемги муғдардағы 6 айдан 3 жылға шекемги мүддетке процентсиз ссудалар;

🔹кәмбағал шаңарақларға дийқаншылық ҳәм бағманшылықты шөлкемлестириў ушын дийқан хожалықларына суў қудықларын бураўлаў, насос агрегатларын сатып алыў, тамшылатып суўғарыў системасын орнатыў ҳәм электр тармақларын тартыў ушын 6 айлық жеңиллетилген дәўир менен БЕМның 200 есесине шекемги муғдардағы 5 жылға шекемги мүддетке процентсиз ссудалар;

🔹мәҳәллелердиң қәнигелесиўи ҳәм драйвер бағдарларынан келип шығып, өз тәжирийбесин 10 ға шекем кәмбағал шаңарақларға үйреткен ҳәм оларға турақлы дәрамат дерегине ийе болыўына жәрдем берген исбилерменлерге ҳәр бир кәмбағал шаңарақ ушын БЕМның 3 есеси, бирақ БЕМның 30 есесинен аспаған муғдардағы грантлар.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️Ҳәпте даўамында қабыл етилген нызамшылықтағы жаңалықлар менен танысың:

✔️Норматив-ҳуқықый ҳүжжетлер орынланыўын мониторингтен өткериў тәртиби белгиленди ➖Дерек: (дизим саны 3605, 07.02.2025-ж.);

✔️Энергия ресурсларынан нызамсыз пайдаланыў жағдайларына қарсы гүресиў тараўында нәтийжели мәмлекетлик қадағалаў әмелге асырылады ➖Дерек: (ПП-20-санлы, 10.02.2025-ж.);

✔️Айырым кәсиплик аўқамларының бөлимшелерин есапқа қойыў тәртиби белгиленди ➖ Дерек: (МКҚ 72-санлы, 10.02.2025 ж.);

✔️Ағартыўшылық жумысын әмелге асырыў тәртиби белгиленди ➖ Дерек: (МКҚ 76-санлы, 11.02.2025 ж.);

✔️Халықты социаллық қорғаў системасы және де жетилистириледи ➖Дерек: (ПП-17-санлы, 30.01.2025 ж.);

✔️Микроқаржы банклерин шөлкемлестириўге рухсат бериледи ➖ Дерек: (ӨРН-1026-санлы, 11.02.2025 ж.);

✔️Пуқаралар жыйыны баслықларының ўәкиллик мүддети 5 жылға созылды➖Дерек: (ӨРН-1027-санлы, 11.02.2025 ж.);

✔️Инвестиция жойбарларын әмелге асырыў механизмлери жетилистириледи ➖ Дерек: (ПҚ-51-санлы, 11.02.2025 ж.);

✔️Изертлеўлерди қоллап-қуўатлаў қоры шөлкемлестириледи ➖Дерек: (ПҚ-48-санлы, 10.02.2025 ж.);

✔️Мектеп оқыўшыларын кәсип-өнерге оқытыўда исбилерменлерди тартыў тәртиби белгиленди ➖Дерек: (МКҚ 78-санлы, 11.02.2025 ж.).

📱T/m 📱F/b 📱I/m 📱T/m 📱Y/T

️#Нызамшылықтағы_жаңалықлар

❗️Айырым кәсиплик аўқамларының бөлимлерин есапқа қойыў тәртиби белгиленди

Ҳүкимет қарары (72-санлы, 10.02.2025 ж.) менен "Юридикалық шахс статусына ийе болмаған кәсиплик аўқамларының бөлимлерин ҳәм басланғыш кәсиплик аўқамлары шөлкемлерин есапқа қойыў тәртиби ҳаққында"ғы реже тастыйықланды

🔰Реже юридикалық шахс статусына ийе болмаған кәсиплик аўқамларының бөлимшелерин ҳәм басланғыш кәсиплик аўқамлары шөлкемлерин есапқа қойыў тәртибин белгилейди.

️📝Юридикалық шахс статусына ийе болған кәсиплик аўқамларының бөлимшелери өз алдына нызамшылық ҳүжжетлеринде белгиленген тәртипте мәмлекетлик дизимнен өткериледи.

️🖥Бөлим ҳәм басланғыш шөлкемди есапқа қойыў бойынша мәмлекетлик хызмети Мәмлекетлик хызметлер орайлары, Мәмлекетлик емес коммерциялық емес шөлкемлердиң электрон платформасы ҳәм Бирден-бир интерактив мәмлекетлик хызметлер порталы (my.gov.uz) арқалы көрсетиледи.

️ 🚫Бөлимшени ҳәм басланғыш шөлкемди есапқа қойыў ушын жыйым өндирилмейди.

️🗓Бөлим ямаса басланғыш шөлкемди есапқа қойыў ҳаққындағы сораўнама дизимнен өткериўши уйымға келип түскен күннен баслап 10 жумыс күнинде көрип шығылады.

📜Сораўнаманы көрип шығыў нәтийжелери бойынша дизимнен өткериўши уйым тәрепинен бирлеспени ямаса басланғыш шөлкемди есапқа қойыў ямаса есапқа қойыўды бийкарлаў ҳаққында қарар қабыл етиледи.

📋 Дизимнен өткериўши уйым тәрепинен есапқа қойылған бөлимлер ҳәм басланғыш шөлкемлер реестри жүргизиледи.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️Инсан өмири ҳәм денсаўлығына жоқары қәўип салыўшы факторлар реестри ашық түрде жүргизиледи

Ҳүкимет қарары (66-сан, 06.02.2025 ж.) менен "Инсан өмири ҳәм денсаўлығына жоқары қәўип туўдырыўшы факторлар реестрин қәлиплестириў ҳәм жүргизиў тәртиби ҳаққында"ғы реже тастыйықланды

🔰 Нызам Инсан өмири ҳәм денсаўлығына жоқары қәўип салыўшы факторлар реестрин қәлиплестириў ҳәм жүргизиў тәртибин белгилейди.

🏢Бул реестр Әдиллик министрлиги тәрепинен "Бирден-бир мәмлекетлик қадағалаў" мәлимлеме системасында ҳәмме ушын ашық түрде белгиленген формада жүргизиледи.

✔️ Реестрди қәлиплестириў ҳәм жүргизиў қадағалаўшы уйымлар тәрепинен инсан өмири ҳәм денсаўлығына жоқары қәўип салыўшы факторлар дизимин дүзиў ҳәм тастыйықлаў, оларды қайта көрип шығыў ҳәм жаңалап барыўды өз ишине алады.

▶️ Сондай-ақ, инсан өмири ҳәм денсаўлығына жоқары қәўип салыўшы тәкирарланатуғын ҳәм актуаллығын жойтқан факторларды бийкарлаў ҳәм жәриялап барыў процесслерин қамтып алады.

📌 Реестрди жүргизиўдиң тийкарғы мақсетлери төмендегилер есапланады:

▪️қадағалаўшы уйымлар жумысында нызамлылық ҳәм ашықлықты тәмийинлеў;
▪️исбилерменлердиң ҳуқықлары ҳәм нызамлы мәплерин қорғаў;
▪️исбилерменлердиң жумысын нызамсыз тоқтатыў жағдайларының алдын алыў;
▪️мәмлекет тәрепинен қадағалаў системасының есап бериўшилиги ҳәм ашықлықты тәмийинлеў.

📱T/m 📱F/b 📱I/m 📱T/m 📱Y/T