"HUDUDGAZ XORAZM" gaz ta'minoti filiali

“Hududgaz Xorazm” gaz taʼminoti filiali boshlang‘ich kasaba uyushmasi tashkilotining hisobot-saylov konferensiyasi o‘tkazildi

Yig‘ilishga O‘zbekiston energetika, neft-gaz va geologiya xodimlari kasaba uyushma Respublika Kengashi halqaro ishlar bo‘yicha rais o‘rinbosari S. Egamberdiyev raislik qildi.

Konferensiyada “Hududgaz Xorazm” gaz taʼminoti filialining shahar-tuman bo'limlaridan kelgan delegatlari, “Hududgazta’minot” AJ birlashgan kasaba uyushma qo‘mitasi raisi Sh. Axmedov, O‘zbekiston energetika, neft-gaz va geologiya xodimlari kasaba uyushma Respublika Kengashi ijtimoiy himoya qilish bo‘limi boshlig‘i R. Djo‘rayev, Xorazm viloyati kasaba uyushmalari tashkilotlari Birlashmasi raisi o‘rinbosari K.Bekchanov, “Hududgaz Xorazm” gaz ta’minoti filiali direktori o‘rinbosari T. Xamrayevlar ishtirok etishdi.

Kun tartibidagi birinchi masala – “Hududgaz Xorazm” GTFda 2024-yilda jamoa shartnomasi va uning ilovalarini bajarilishi hamda filial boshlang’ich kasaba uyushmasi qo'mitasining 2020-2024-yillar uchun hisoboti va qo'mita tomonidan ishchi xodimlarga ijtimoiy-iqtisodiy huquq va manfaatlarini himoya qilish borasida kelgusidagi vazifalari to‘g‘risida filial Boshlang’ich kasaba uyushmasi qo'mitasi raisi J.Avezov ma’lumot berib o‘tdi.

Shundan so‘ng O‘zbekiston kasaba uyushmalari federatsiyasining nizomiga asosan delegatlar tomonidan yashirin ovoz berish orqali nomzodlar orasidan Kasaba uyushmasi qo‘mitasi raisini saylash jarayoni bo'lib o'tdi. Sanoq komissiyasining hisoblash natijalariga ko'ra, saylovda Sh.Sabirov “Hududgaz Xorazm” GTF Boshlang’ich kasaba uyushmasi qo‘mitasi raisi lavozimiga saylandi.

Yig‘ilishda Boshlang’ich kasaba uyushmasi qo‘mitasi va taftish komissiyasi tarkiblari ham saylandi.

“Hududgaz Xorazm” GTF matbuot xizmati

“Hududgaz Xorazm” gaz taʼminoti filiali rasmiy munosabati

Ijtimoiy tarmoqlarda eʼlon qilingan murojaat yuzasidan quyidagilar maʼlum qilinadi.

Oʻzbekiston Respublikasi Vazirlar Mahkamasining 319-sonli qarori boʻyicha ob-havo sovib ketishi davrida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzenergoinspeksiya, tabiiy gaz ishlab chiqaruvchi, gaz taʼminoti, gaz uzatish tashkilotlari bilan kelishilgan holda toʻliq oʻchiriladigan, qisman oʻchiriladigan va cheklov kiritiladigan ulgurji isteʼmolchilar roʻyxati shakllantirilgan.

Kuz-qish mavsumida birinchi navbatda aholi xonadonlari va ijtimoiy soha obyektlarini tabiiy gaz bilan taʼminlash ustuvor vazifa ekanligini inobatga olgan holda qayd etilgan roʻyxatdagi isteʼmolchilar oldindan ogohlantirilgan holda tarmoqdan uzilgan.

Roʻyxatdagi isteʼmolchilar gaz taʼminoti korxonasi bilan tuzilgan shartnomada bu borada ogohlantirilgan va zarur miqdorda muqobil yoqilgʻi zaxirasiga ega boʻlishi zarurligi qayd etilgan.

Murojaatdagi isteʼmolchi binoni isitishda foydalanish uchun binoning qozonxonasida gaz taʼminoti toʻxtatilmagan. Ishlab chiqarish (ovqat tayyorlash) uchun moʻljallangan qozonlar bir martalik tamgʻa bilan tamg‘alangan.

Joriy yilning 17-fevral kuni “Hududgaz Xorazm” gaz taʼminoti filiali xodimlari tomonidan olib borilgan nazorat tadbirlari davomida ushbu tadbirkorlik subyektida gaz uskunalariga oʻrnatilgan bir martalik tamgʻalarni oʻzboshimchalik bilan olib tashlab, tabiiy gazdan foydalanish qoidalarini buzish holati yuzasidan dalolatnoma tuzilgan.