“Hududgaztaʼminot” Ajda hamkor tashkilotlar ishtirokida tabiiy va suyultirilgan gaz taʼminotida noqonuniy holatlarni oldini olish masalalariga bagʻishlangan yigʻilish oʻtkazildi

Joriy yilning 26-noyabr kuni “Hududgaztaʼminot” AJda isteʼmolchilarga tabiiy va suyultirilgan gazni bir meʼyorda yetkazib berishda aniqlanayotgan noqonuniy holatlarni oldini olishga bagʻishlangan videoselektor yigʻilish boʻlib oʻtdi.

Mazkur yigʻilishda “Hududgaztaʼminot” AJ Boshqaruv raisi, uning oʻrinbosarlari va tegishli boshqarma boshliqlari, Bosh prokuratura huzuridagi Iqtisodiy jinoyatlarga qarshi kurashish departamenti, Respublika IIV va YHXB mutasaddilari ishtirok etdi.

“Hududgaztaʼminot” AJ Boshqaruv raisi Maʼrufxon Xodjayev yigʻilganlarni kun tartibidagi masalalar bilan tanishtirib oʻtdi. Yigʻilish davomida tabiiy va suyultirilgan gaz taʼminotidagi qonunbuzilish holatlarini oldini olish va bartaraf etish masalalari muhokama qilindi hamda mutasaddilarning fikr-mulohazalari tinglandi.

Yakunda isteʼmolchilarga yoqilgʻi resurslarini bir meʼyorda va uzluksiz yetkazib berish, taʼminotdagi noqonuniy holatlarni butkul bartaraf etish boʻyicha chora-tadbirlar rejasi tuzib chiqildi. Shuningdek, qonunbuzilish holatlariga alohida urgʻu bergan holda hududlarda huquqni muhofaza qiluvchi organ xodimlari va mahalla raislari tomonidan nazoratni kuchaytirish boʻyicha aniq topshiriqlar berildi.

“Hududgaztaʼminot” AJ matbuot xizmati

💬Facebook | 👉Telegram |▶️ YouTube | 📷Instagram | 🌐 hududgaz.uz