Hodiy_uz | Расмий канал

Жумъа куни

Абу Ҳурайра (розияллоҳу анҳу)дан ривоят қилинади, Расулуллоҳ соллаллоҳу алайҳи ва саллам:
- “Ким жума куни ғусл қилиб, масжидга эрта борса, битта туя сўйгандек бўлади. Ким иккинчи вақтда борса, худди битта сигир сўйгандек, ким учинчи вақтда борса, худди битта шохдор қўчқор сўйгандек, ким тўртинчи вақтда борса, худди битта товуқ сўйгандек, ким бешинчи вақтда борса, худди бир тухум атагандек бўлади. Имом (минбарга) чиққанда эса фаришталар хутбани эшитишга ҳозир бўладилар” - дедилар.
(Имом Абу Довуд, Ибн Можа)


@hodiy_uz

#ҳадиси

ДУНЁДА ГЎЁКИ ҒАРИБ ЁКИ ЙЎЛОВЧИ МУСОФИР КАБИ БЎЛГИН

Ибн Умар розияллоҳу анҳумодан ривоят қилинади:

Расулуллоҳ соллаллоҳу алайҳи васаллам менинг елкамдан ушлаб:

«Дунёда гўёки ғариб ёки йўловчи мусофир каби бўлгин», дедилар. Ибн Умар розияллоҳу анҳумо (мана шу сўзни эшитганларидан кейин): «Қачон кечлатсанг, тонг бўлишини кутма! Қачон тонг оттирсанг, кеч киришини кутма! Соғ пайтингда касал пайтинг учун ҳам (тайёргарлик қилиб) ол. Ҳамда тириклик пайтингда ўлиминг учун ҳам (тайёргарлик қилиб) ол», дедилар.

Имом Бухорий ривоятлари.

@hodiy_uz

Шаъбон ойига киришда ўқиладиган дуо:

Аллоҳим бизларнинг бирорта ҳам гуноҳимизни қолдирмай мағфират қил, бирорта ҳам беморимизни қолдирмай шифо бер, бирорта ҳам мусибат етганимизни қолдирмай офият бер, бирорта ҳам адашганимизни қолдирмай ҳидоят қил, бирорта ҳам қарздоримизни қолдирмай қарзини адо эт, бирорта ҳам мусулмон маййитни қолдирмай раҳматингга ол.

Омин.

@hodiy_uz

#КУН_ҲАДИСИ

Ҳорис ибн Муслим Тамимий розияллоҳу анҳудан ривоят қилинади:

«Набий соллаллоҳу алайҳи васаллам менга шундай дедилар: «Бомдод намозини ўқиб бўлганингдан кейин ҳеч нарса гапирмай туриб етти марта

«Аллоҳумма, ажирний минан-наар»

(Аллоҳим, мени дўзахдан сақлагин), дегин. Агар ўша куни вафот этсанг, Аллоҳ сенга дўзахдан паноҳ топишингни битиб қўяди.
Шомни ўқиб бўлганингда кейин ҳам ҳеч нарса гапирмай туриб етти марта «Аллоҳумма, ажирний минан-наар», дегин. Агар ўша кеча вафот этсанг, Аллоҳ сенга дўзахдан паноҳ топишингни битиб қўяди», дедилар».

@hodiy_uz

#КУН_ОЯТИ

وَقَالَ ٱلَّذِينَ كَفَرُواْ لَا تَأۡتِينَا ٱلسَّاعَةُۖ قُلۡ بَلَىٰ وَرَبِّي لَتَأۡتِيَنَّكُمۡ عَٰلِمِ ٱلۡغَيۡبِۖ لَا يَعۡزُبُ عَنۡهُ مِثۡقَالُ ذَرَّةٖ فِي ٱلسَّمَٰوَٰتِ وَلَا فِي ٱلۡأَرۡضِ وَلَآ أَصۡغَرُ مِن ذَٰلِكَ وَلَآ أَكۡبَرُ إِلَّا فِي كِتَٰبٖ مُّبِينٖ

Куфр келтирганлар: «Бизга (қиёмат) соати келмас», дедилар. Сен: «Йўқ! Ғойибни билгувчи Роббим ила қасамки, у сизларга албатта келур. У зотдан осмонлару ердаги зарра вазнича, ундан кичик нарса ҳам, катта нарса ҳам ғойиб бўлмас. Илло, ҳаммаси очиқ китобдадир», деб айт.

Сабаъ сураси 3 оят

Дўстларингизга ҳам улашинг

@hodiy_uz

Абу Ҳурайра разияллоҳу анҳу айтадилар: Киши олтмиш йил намоз ўқийди аммо, унинг бирорта намози қабул бўлмаган бўлади.
Бунинг сабаби нимада?-деб сўрадилар.
Абу Ҳурайра: Рукуъ, сажда, қиём ва хушуъси мукаммал бўлмагани учун, деб жавоб бердилар.
Умар ибн Хаттоб разияллоҳу анҳу айтадилар: Бир кишининг соч соқоли исломда оқаради-ю, аммо намозларидаги бирорта ракъатни ҳам мукаммал адо этмаган бўлади.
Қандай қилиб, эй амирул муъминийн?-деб сўрадилар.
Умар ибн Хаттоб: рукуъ ва саждасини тўлиқ қилмагани учун, деб жавоб бердилар.
Имом Аҳмад ибн Ҳанбал раҳимаҳуллоҳ айтадилар: инсонларга шундай замон келадики, намоз ўқийдилар аммо, намоз ўқимаган бўладилар.
Имом Ғаззолий раҳимаҳуллоҳ айтадилар: Бир киши сажда қилади ва у бу саждаси билан Аллоҳга яқинлашаяпман деб ўйлайди. Аллоҳга қасамки, агар ушбу саждадаги гуноҳи ўз юртидаги одамларга бўлиб берилса, ҳаммалари ҳалок бўлган бўлар эди.
Қандай қилиб?-деб сўрадилар.
Имом Ғаззолий: Раббисининг ҳузурида боши билан сажда қилади-ю, қалби гуноҳ-маъсият, дунёга муҳаббат билан машғул бўлади, деб жавоб бердилар.

Пайғамбаримиз саллаллоҳу алайҳи васаллам: “Менинг кўз қувончим намоздадир”, деганлар.
Энди ўзимизга бир савол берайликчи, қачон ўқиган намозимиздан ҳузур топдик, ҳаловат туйдик, кўзимиз қувнади???
Бирор марта бўлса ҳам икки ракат намоз ўқиш учун уйга шошган вақтимиз бўлдими? Бирор кечада туриб Раббимиз билан ёлғиз қолиш иштиёқини қалбимизда туйдикми?

Аллоҳ таоло шундай деган: “Имон келтирган зотлар учун диллари Аллоҳнинг зикрига ва нозил бўлган ҳақ (Қуръон)га мойил бўлиш (вақти) келмадими?!” (Ҳадид сураси, 16-оят).
Абдуллоҳ ибн Масъуд разияллоҳу анҳу айтадилар: Ушбу оят нозил бўлганида Исломга кирганимизга тўрт йил бўлган эди. Аллоҳ таоло бизни ушбу оят билан қаттиқ тергади. Шунда биз намозларимизда хушуъмиз оз бўлгани учун қаттиқ йиғлаган эдик. Шундан кейин бир-биримизни ҳам бу борада тергайдиган бўлдик. Баъзилар Аллоҳнинг бу тергашидан қаттиқ изтиробга тушиб, йиғлаб хушидан ҳам кетиб қолган эди.

Биз ҳам Аллоҳнинг бу тергашидан четда эмасмиз. Маъсиятнинг кичиклигига эмас, Кимга осий бўлаётганимизга қарайлик.

Аллоҳим бизларга Ўзингни зикр қилишимизга, неъматларинга шукр қилишимизга ва Сенга чиройли ибодат қилишимизга Ўзинг ёрдам бергин.

Ҳомиджон домла Ишматбеков

Ўзбекистон мусулмонлари идораси раисининг ўринбосари

@hodiy_uz

ТЎЙДАН ОЛДИН ҚИЗНИ КЎРИШ 🧖🏻‍♀️🧖🏻‍♂️

Уйланмоқчи бўлган йигит бўлажак қайлиғини кўриши – совчилик нияти билан – жоиз. Машҳур саҳоба Абу Ҳурайра розияллоҳу анҳу ривоят қилади: “Расулуллоҳ соллаллоҳу алайҳи ва саллам бир аёлга уйланмоқчи бўлган кишидан:

“Уни кўрдингми?” деб сўрадилар. У: “Йўқ”, деди. “Бориб, уни кўр”, дедилар” (Имом Муслим ривоят қилган).

Бошқа ҳадисда шундай дейилган: “Агар сизлардан бирингиз бирон аёлга совчи юбормоқчи бўлса, у аёлнинг никоҳига боис жойларини кўра олса, кўрсин”.

Уйланмоқчи бўлган йигит қизнинг фақат юзини, икки кафтини кўриши мумкин. Ундан бошқа жойларни кўрмайди. Зеро, юз гўзалликни, икки кафт бадан салоҳиятини кўрсатади. Йигит қизнинг оғзи, баданининг ҳидини, сочининг гўзаллигини онаси ёки синглиси орқали билиши мумкин.
Энг яхшиси, йигит қизни совчи юбормасдан олдин кўрсин. Агар ёқмаса, қизга озор етказмайди, совчи юбормайди. Қизни кўриш учун унинг розилиги ёки билиши шарт эмас. Йигит қизга билдирмай уни кўриши мумкин. Шуниси яхши. Имом Аҳмад ва Табароний Абу Ҳумайд Содий розияллоҳу анҳудан ривоят қилишича, Расулуллоҳ соллаллоҳу алайҳи ва саллам:
“Агар сизлардан бирингиз аёлга совчи юборган бўлса, у аёл билмаса-да, уйланиш ниятида уни кўриши гуноҳ эмас”, деганлар.

Совчилар бир битимга келишганидан сўнг йигит-қиз яқинлари розилигини билдириш учун фотиҳа ўқиш маъқул. Аммо фотиҳа никоҳ ҳисобланмайди. Уйланажак йигит бўлажак келин билан танҳо қолиши, у билан саёҳатга чиқиши, бир-бирлариникига бориб-келиб туришлари, тунларни бирга бедор ўтказишлари кўп мусулмонлар ўрганаётган бузуқ одатлардандир. Бунга эргашаётган баъзи мусулмонлар:
“Шу йўл билан йигит-қиз бир-бирининг феъл-атворини ўрганади, танишади”, дейдилар. Бу нарса воқеликка асосланмаган хаёлдир. Чунки у пайтда йигит ҳам, қиз ҳам аслида ўзларида йўқ яхши хислатларни бордек қилиб кўрсатишга уринади. Ҳақиқат эса жимжималар, ҳийлалар кўтариладиган, улардаги ҳақиқий феъл-атвор бир-бирига ошкор бўладиган тўйдан кейин намоён бўлади. Тез орада уларнинг бир-биридан кўнгли совийди.
Тадқиқотлар шуни кўрсатади, йигит-қиз оила қуришнинг ҳамма босқичларида, яъни совчилик, тўй, қўшилиш чоғларида шаръий ҳукмларга риоя этишлари – Аллоҳ таолонинг изни билан – уларга бахтли оилавий ҳаётни кафолатлайди. Шуни ҳам унутмаслик лозим: ғайридинлар одатини тутганлар кўп ҳолларда бахтсиз бўлади .

📚Бахтли ҳаѐт cари китобидан

@hodiy_uz