Health_aura✨

#kasallik

Migren

Migren (frans. Migraine)— bosh ogʻrigʻining birlamchi shakli boʻlib, toʻsattan paydo boʻluvchi hurujlar ogʻrigʻi davomiyligi bilan farq qiladi:

• 4-72 soat kattalarda
• 2-72 soat bolalarda

Ushbu kasalikning mexanizmi oxirigacha aniqlanmagan. Kelib chiqishiga esa tomirlar tonusini boshqarib turadigan nerv ishining buzilishi, genetika, gormonlar buzilishi va atrof muhitning turli ta’siri boʻlishi mumkin deya taxmin qilinadi.

Migrenning klinik belgilari:

- bir tomonlama ogʻriq (ba’zan ikki tomonlama ham)
- pulsatsiyalovchi ogʻriq
- odatiy fizik aktivlikda ham yomonlashishi
- yorugʻlikka,ovozga, hidga nisbatan sezgirlik oshishi
- ba’zan qusish kabi belgilar paydo boʻladi.

Bizda ushbu termin koʻp ishlatilinadi. Ba’zi kanallarni kommentiga koʻzim tushsa, manda migren borakan deb sarosimaga tushishadi.

Migren bilan bosh ogʻrigʻini bir biridan farqlab olish kerak. Aslida bosh ogʻrigʻining sabablari aksariyat hollarda ichki kasalliklarga tegishli boʻladi.

Masalan jigar kasalliklari, oʻt-tosh kasalliklari, gipertoniya, turli infeksiyalar(gripplarda), onkologik kasalliklar, sinusitlarda, buyrak kasalliklarida bosh ogʻrigʻi koʻp uchraydigan simptomlardan biri.

Shuning uchun boshingiz ogʻrisa migren ekanman degan oʻyga bormasdan, birinchi ichki a’zolaringizni tekshirting deb qoluvchi✨

@health_aura| Furqat qizidan🌱

#tibbiyotdantashqari

Hozirda kòplab ijtimoiy tarmoqlarda va odamlar orasida z- avlod yoki y- avlod kabi terminlar ishlatilayotganiga kòzingiz tushgan bòlsa kerak.

Qaysi yil vakillari ushbu nazariyaga mansub bòla oladi, bilasizmi?

1943-1963- yil vakillari — "Baby boomer"
1963-1980- yil vakillari — X avlod
1981-1996- yil vakillari — Y avlod
1997-2010- yil vakillari — Z avlod
2011-2025- yil vakillari — A avlod

"Baby boomer kim?; Nega bunday ataladi?; Bu avlodlarning xususiyati nima?" kabi savollarga javobni ustozning ushbu videolaridan bilib olishingiz mumkin.

@health_aura| Furqat qizidan

Assalomu alaykum doʻstlar

Bir narsani oʻylayapman, ulgursam
Ramazonga menyu tuzsammi degan fikr kelyapti. Hech boʻlmaganda 2 haftalik. Bugun nima qisam ekan deb, oʻylanib oʻtirmasligim uchun. Salat, ovqat ,ichimliklar va shirinliklar ham

Sizlarga ham foydali boʻladimi? Nima deysiz?

Ba’zi istisno holatlarni etmasa, iloji boricha foydali narsaladan tayyorlangan menyu boʻladi inshaaAlloh

#ajoyib

- Qara, mana shu dori bir dona qop ketibdi, uvol boʻlmasin, ichib yuborsammikin?

- Ana kennoyingni oʻzi “doktr”ku, aptekadan seftraksionmi nima, oʻshani olib kelib, shundey ukol qip qoʻyadi hammamizga. Boʻldi, shu bilan otdaymizda. Doktr-moktrni keragi yoʻq!

- Allergiyangiz bormi, vayy manikiyam bor. Mana shu dorini iching, bu antigistaminiviy. Tuzalib qolasiz bir deganda

- Qorningiz ogʻriyaptimi, meni ukamniki ham ogʻrigandi, shu dorini ichsangiz ogʻriq tezgina qoladi

- Shammollabmanda, darrov antibiotik ichvoldim

-…

Eh oʻzbegim-a, oʻzbegim. Mening dardkash, mehribon oʻzbegim!
Kimgadir gʻamxorlik qilish albatta yaxshi,ammo tibbiyotda oʻqimay turib, dorilarni berish,ularni farmakologik jihatdan oʻrganmay turib, tavsiya qilishning aks ta’siri bor!

Sun’iy ishlab chiqarilayotgan tabletkalar va turli suyuqliklarning nojoʻyi ta’sirlarini va oqibatlarini ham bilganingizda edi, yuqoridagi holatlar kuzatilmasmidi balki?!
Keling sizga 2ta misol keltirsam:

|1| NoSteroid Yalligʻlanishga qarshi dorilar (NSYD)
Aspirin, Kyupen, Parasetamol
🥀: NSYD doimiy ravishda qoʻllanilsa, oshqozon-ichak traktida muammolar– gastrit, oshqozon yara kasalliklarini va qon ivishida ayrim buzilishlarni keltirib chiqarishi mumkin.

|2| Antibiotiklar
Azimak, Seftriakson, Sefazolin
🥀: Antibiotiklar immuntizimiga kuchli ta’sir koʻrsatadi, faoliyatini pasaytiradi. Ichak normal mikroflorasini buzishi natijasida diarreya chaqirishi, jigar va buyraklarga toksik ta’sir koʻrsatishi mumkin. Turli allergik reaksiyalarga, hattoki anafilaktik shok ga ham sabab boʻladi.

Bu ikki guruhga kiruvchi dorilar saralab olganim xolos,bu uchlik bilan cheklanib qolmagan.
Aynan mana shu ikki guruh bizda koproq “moda” boʻlgan qatorlardir. Dunyodagi kasalliklarning soni va turi qanchalik koʻp boʻlsa, ularga bogʻliq ravishda dorilar ham shunchalik koʻp.

Bir guruhga kiruvchi dorilarning yoʻnalishi, ta’sir qilish mexanizmi bir boʻlgani bilan, ularning salbiy effektlari har xil boʻlishi mumkin. Ayrim dorilar borki, ularning salbiy reaksiyalari anchadan keyin namoyon boʻladi va ushbu ta’sir doridan ekanligini unutib yuborishingiz mumkin yoki allergiya uchun antigistamin dorilar beriladi (yuqorida aytganimizdek). Hattoki antigistamin dorilar ham allergik reaksiya berishi mumkin, bilasizmi shuni? Sun’iy dorilar biron organni yaxshilasa ham, notogʻri qoʻllanilishi boshqa organlar masalan jigarni oʻtirgʻizib qoʻyadi.

Iltimos shuning uchun dorilarni qabul qilishda ushbu qoidalarni unutmang:

•Har bir dorini Shifokor nazorati ostida qabul qiling. Shifokor retseptisiz beriladigan boʻlsa, ularning instruksiyasini boshidan oxirigacha oʻqib chiqishingiz shart!
• Hech bir dorini surunkali ravishda va och qoringa ichmang! (Agarki uni Shifokorning oʻzi och qoringa ichilsin deb aytmagan boʻlsa)
• Shifokor koʻrsatmasi bilan ichish vaqti belgilangan boʻlsa, albatta unga rioya qiling.
• Antibiotiklarni hech qachon va hech qachon oʻzingizdan-oʻzingiz davolanish uchun foydalanmaangg!
• Xullas shifokorning koʻrsatmalariga qat’iyan amal qiling!


Bu gaplarim bilan sizlarni qoʻrqitmoqchi emasman. Ammo meni odamlar tushunib tushunmasdan oʻzlarini davolashlari, bu bilan oʻzlariga ziyon yetqazishlari bir tomondan yuragimni ezsa, bir tomondan jahlimni chiqaradi (shunchalik be’etibormi oʻziga degan oʻy boʻlgani uchun)

Dorilar ham pichoqqa oʻxshaydi, togʻri qoʻllasangiz sizning foydangiz,aksi boʻlsa qoʻlingiz kesiladi!


@health_aura | Furqat qizidan🫧

#shunchaki

Tibbiyotda oʻqisangiz, insonning organ-toʻqima-hujayra darajasidagi tuzilishlari, undagi turli biofizik-biokimyoviy jarayonlar, bioritm va sikllar, murakkab moddalar almashinuvlari va shu kabi asoslarni koʻrib dunyoning 7 moʻjizasi hech gap emasligiga ming bora amin boʻlasiz. Tanamizda hech bir narsa, hech bir vintcha bekorga yaratilmagan. Butun boshli organizmning mayda detallarigacha kirib borsangiz hayratingiz anchagacha tarqamaydi ishonavering!


@health_aura|Furqat qizidan✨