Онам қилган дуодан🤲

Бой бўлдинг дейди бири
Эришмадим ҳаводан
Айтаман бунинг сири
Онам қилган дуодан

Душманларим етолмас
Йиқитиб ҳам кетолмас
Бахт омад тарк этолмас
Онам қилган дуодан

Умрим сўрар ўлмадим
Ёки дартдан сўлмадим
Синмадим кам бўлмадим
Онам қилган дуодан

Майли ишлаб толарман
Қасир уйлар соларман
Ҳажга чипта оларман
Онам қилган дуодан

Келган балога паноҳ
Ростмана ўзим гувоҳ
Ол қулим дейди Аллоҳ
Онам қилган дуодан

Кўпдир эшик ёпганим
Камдир мен деб чопганим
Билинг барча топганим
Онам қилган дуодан

Сарвар Мирзо сўз мана
Яхшиликда йўқ тана
Афзалроқ не бор яна
Она қилган дуодан

Яқинларга  улашинг!👇

💝Telegram |kanal💞@Diydor_Shirinl