Ҳасан ибн Собит Жоме Масжиди

Рўзанинг тарбиявий аҳамияти

Рўзанинг арконларини ҳаммамиз яхши биламиз, бу – саҳардан то шомгача еб-ичиш ва жимодан тийилишдир. Банда бу ибодатни холис ният билан бажаради, саҳар вақти Аллоҳга сўз беради: «Раббим, саҳардан шомгача Сен учун емайман, ичмайман, жимо қилмайман», дейди ва шу сўзида кечгача туриб беради.
Ифторликка борсангиз, дастурхонда сувни кўриб, тамшаниб қоласиз. Аммо рўзадор, мўмин-мусулмон инсон дастурхондаги сувга эмас, қўлидаги соатига қарайди ва сабр қилади. Чунки у саҳар вақти Аллоҳга сўз берган, ўша сўзида туриши керак. Мусулмон одам ваъдасига хилоф қилмайди, ўттиз кун давомида шу лафзида мустаҳкам туради. Шу тариқа инсон айтган ҳар бир сўзининг масъулиятини ҳис қилишга, айтганининг устидан чиқишга одатланиб қолади. Рўзанинг ушбу тарбиявий аҳамияти, айниқса, бугунги кунимизда жуда долзарбдир. Чунки замонамизда сабот, сўзида туриш каби фазилатлар нодир, камёб, ноёб нарса бўлиб қолди.
Бугунги кунда содир қилинаётган аксар жиноятлар, аксар гуноҳлар, аксар адоватлар айнан лафзсизлик, субутсизлик туфайли юз беряпти. Оқибатда жамиятда, одамлар орасида ўзаро ишонч йўқоляпти. Ўзаро ишонч кўтарилса, одамгарчилик, меҳр-оқибат йўқолади. Одамлар бир-бирига, биродарига ишонмай қўяди, ишонмагандан кейин кўчада мусофирни кўрса, уйига олиб кириб меҳмон қилмайди. Ҳолбуки меҳмонни икром қилиш ҳазрати Иброҳим алайҳиссаломдан буён давом этиб келаётган инсоний фазилатдир. Аммо юқоридаги иллатлар туфайли одам ҳаммадан хавфсираб қолади ва табиийки, нафақат мусофирни, қўшнисини ҳам уйига киргизмайдиган бўлиб қолади. Шунинг учун ҳозирги кунда бирор жойга борган одам бир биродарининг уйига эмас, меҳмонхонада тунаб қоляпти.
Ўзаро ишончнинг йўқолгани, айниқса, қарз олди-берди муносабатларига яққол кўринмоқда. Қарз сўраш, қарз бериш йўқолиб боряпти. Ҳолбуки шариатимизда бировга қарз бериб туриш ёки олган қарзини ўз вақтида қайтариш мақталган амаллардандир. Ишончсизлик оқибатида гувоҳлик бериш ҳам йўқолиб боради. Бир одам ҳақида суриштирсангиз, ҳеч ким ростини айтмай қўяди. Мусулмон мусулмонга ишонмаса, меҳмон қилмаса, алдаса, омонатга хиёнат қилса, қиёмат қоим бўлади. Шунинг учун Рамазоннинг маънавий, тарбиявий жиҳати биз учун жуда муҳимдир.

Др. Шайх Саййид Раҳматуллоҳ ТЕРМИЗИЙ
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

⚡️РЎЗАГА ОИД КЎП ТАКРОРЛАНАЁТГАН САВОЛ-ЖАВОБЛАР (6-қисм)

❓Фитр садақасини аёллар ҳам бериши керакми?
💬 ЖАВОБ: Бу ерда

❓Жароҳатга дори қўйсам рўзам очилмайдими?
💬 ЖАВОБ: Бу ерда

❓Лаб бўёғини еб юборса рўза бузилмайдими?
💬 ЖАВОБ: Бу ерда

❓Оғиз очиш ва ёпишдаги дуолар суннатда келганми?
💬 ЖАВОБ: Бу ерда

❓Бурун қонаса рўза бузиладими?
💬 ЖАВОБ: Бу ерда

❓Саҳарлик дуосини ўқигандан сўнг ҳали вақт бўлса, еб-ичиш мумкинми?
💬 ЖАВОБ: Бу ерда

❓Ният қилиб саҳарликка турмаса бўладими?
💬 ЖАВОБ: Бу ерда

❓Рўза тутган ҳолда атир сепса ёки мушк-анбар суртса бўладими?
💬 ЖАВОБ: Бу ерда

❓Исириқ тутатсак, рўзага зарар етмайдими?
💬 ЖАВОБ: Бу ерда

❓Рўзадор инсон сақич чайнаса бўладими?
💬 ЖАВОБ: Бу ерда

❓Фидя миқдори қанчани ташкил этади?
💬 ЖАВОБ: Бу ерда

❓Мусофирнинг рўзаси
💬 ЖАВОБ: Бу ерда

❓Рўзадор одам мисвок ишлатса рўзаси очиладими?
💬 ЖАВОБ: Бу ерда

❓Рўзадор таҳоратда оғиз чайиши мумкинми?
💬 ЖАВОБ: Бу ерда

❓Шифокорнинг рўзаси қабул бўладими?
💬 ЖАВОБ: Бу ерда

❓Оғиз ёпиш дуосини қачон айтиш керак?
💬 ЖАВОБ: Бу ерда

❓Рўзадор одам балғамини ютиши мумкинми?
💬 ЖАВОБ: Бу ерда

❓Ҳайитдан бир кун аввал рўзадорларни чақириб ифторлик қилиш мумкинми?
💬 ЖАВОБ: Бу ерда

❓Ҳайит куни рўза тутиб кейин очиб юбориладими?
💬 ЖАВОБ: Бу ерда

❓Рўзасини очса бахти очиладими?
💬 ЖАВОБ: Бу ерда

Fatvo.uz GA OBUNA BO'LING ✅

YouTube | Instagram | Facebook | Ummalife

Каффорат вожиб бўладими?

❓Савол: Рўзадор киши тамаки чекса рўзаси очиладими? Агар очилса, қазосини тутиб бериши кифоями ёки каффорат рўзасини ҳам тутиб бериши керакми?

📥Жавоб: Бисмиллаҳир Роҳманир Роҳим. Рўзадор одам тамаки чекса рўзаси очилади ва қазо билан биргаликда каффорат (яъни, кетма-кет 60 кун рўза тутиш) ҳам лозим бўлади.
Чунки тамаки маҳсулоти инсон табиати хоҳлайдиган, шаҳват хоҳиши бўлган нарсадир. Қолаверса, уни чекишда қасддан тутунни ичга ютиш бор.
Шунга кўра тамаки чекиш рўзани бузади ва каффоратни вожиб қилади. Бу ҳақда ҳижрий XI асрда яшаб ўтган машҳур ҳанафий олим Имом Шурунбулолий раҳимаҳуллоҳ шундай деганлар:
“... Ҳозирги пайтда пайдо бўлган одат – тамаки чекиш масаласи ҳам шундай, (рўзадор) уни чекканда каффорат лозим бўлади. Аллоҳ Ўзи афв этсин ва офият берсин” (“Мароқил фалоҳ” китоби).
Имом Абдулҳай Лакнавий ҳам ушбу нақлни келтириб, унинг ҳанафий мазҳаби қоидаларига тўла мувофиқ эканини таъкидлаганлар (“Зажру арбабир-ройян ан шурбид-духон” китоби). Валлоҳу аълам.

“Фатволар тўплами”дан.
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

Улуғлар Рамазонда

Имом Абу Ҳанифа раҳимаҳуллоҳ Рамазон ойида ўттиз марта, бир ривоятда олтмиш марта хатм қилар эди.
* * *
Ибн Ҳакам айтади: “Имом Молик раҳматуллоҳи алайҳ Рамазон келса, ҳадис ўқиш ва илм аҳли билан мажлис қуришдан қочар, Қуръонга берилиб кетар эди”.
* * *
Абдурраззоқ айтади: “Суфён Саврий Рамазон кирса, барча ибодатларни тўхтатиб, Қуръон қироатига киришар эди”.
* * *
Суфён айтади: “Зубайд Ёмий Рамазон келса, мусҳафларни келтириб, асҳобларини тўплар эди”.
* * *
Асвад раҳимаҳуллоҳ Рамазондан бошқа пайт Қуръонни олти кечада бир марта хатм қилар, Рамазонда эса ҳар икки кечада бир марта хатм қилар эди.
* * *
Қатода раҳимаҳуллоҳ одатда етти кунда бир марта хатм қилар, Рамазон ойида уч кунда бир, охирги ўн кунликда эса, ҳар кеча бир марта хатм қилар эди.
* * *
Имом Нахаъий ҳам Рамазон ойида ҳар уч кунда, охирги ўн кунликда эса ҳар кеча Қуръонни хатм қилар эди.
* * *
Рабиъ ибн Сулаймон айтади: «Муҳаммад ибн Идрис Шофеъий Рамазон ойида олтмиш марта хатм қилар, уларнинг бирортаси намоздан ташқарида бўлмас эди», дейди.
* * *
Имом Мужоҳид раҳимаҳуллоҳ Рамазонда ҳар куни шом билан хуфтон орасида Қуръони каримни хатм қилар эди. Улар хуфтонни кечанинг тўртдан бири ўтгунча ортга суришар эди.
* * *
Алий Аздий ҳам Рамазонда ҳар куни шом билан хуфтон орасида Қуръони каримни хатм қилар эди.
* * *
Имом Молик айтади: «Рамазонда Умар ибн Ҳусайннинг ёнида намоз ўқийдиган одам менга хабар қилдики, у киши ҳар кеча Қуръонни янгидан бошлар экан».
* * *
Ҳофиз ибн Асокирнинг ўғли отаси ҳақида: “Ҳар жума хатм қилар эди, Рамазонда эса ҳар куни хатм қилар эди”, деган.

@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

🌙ВАФОТ ЭТИШЛАРИ

Расулуллоҳ соллаллоҳу алайҳи васалламнинг хасталиги ортди. Муборак бошлари Оиша онамизнинг тиззаларида.
Шу орада Абдураҳмон ибн Абу Бакр розияллоҳу анҳумо кириб келди. Қўлида мисвок бор эди. Расулуллоҳ соллаллоҳу алайҳи васаллам мисвокни яхши кўрар, доим ишлатардилар.
Мисвокка қарадилар. Оиша онамиз: «Сизга олиб берайми?» деди. Расулуллоҳ соллаллоҳу алайҳи васаллам бошлари билан: «Ҳа», деб ишора қилдилар. Оиша онамиз укасининг қўлидан мисвокни олиб, юмшатди ва Расулуллоҳ алайҳиссаломга берди. Пайғамбар алайҳиссалом уни ишлатди. Бир идишда сув бор эди. Қўлларини сувга тиқиб, юзларига сурардилар. Кейин: «Ла илаҳа иллаллоҳ! Ўлимнинг шиддати бор. Аллоҳим ўлимнинг қийинчилигида ёрдам бер!» дедилар.
Кейин чап қўлларининг бармоғини тик қилиб: «Рафиқул аълога! (Яъни «Олий Дўстнинг ҳузурига».) Рафиқул аълога», дедилар.
Сўнгра оҳиста жонлари узилди. Фаришталар Ҳабибуллоҳнинг руҳларини раҳмат ва розилик нурига ўраб Ҳақ таолонинг ҳузурига олиб кетишди. Инна лиллаҳи ва инна илайҳи рожиун. Аллоҳ таоло Қиёматда Расулуллоҳ соллаллоҳу алайҳи васалламнинг дийдорларига ва энг олий мақсадимиз бўлмиш Ўзининг жамолига муяссар айласин!🤲

“Расулуллоҳ соллаллоҳу алайҳи васалламнинг ҳаётларидан 101 қисса” китобидан.
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

Дуони кўпайтиринг

Рўзадор биродарим, Қуёш ботишидан аввал сиз учун вақтларнинг энг улуғи бор. Ушбу вақт сизнинг очлигингиз ва чанқоғингиз қаттиқлашган куннинг ифтори олдидан бўлади. Айни шу маҳалда дуони кўпайтиринг, бунда бардавом бўлинг ва кўпроқ сўранг. Саҳар вақтида ҳам сизга ана шундай дуо ижобат бўладиган вақт бор. Нафсингизга Аллоҳ таолодан сўрашни юкланг. Чунки, сиз муҳтож У зот эса беҳожатдир. Сиз заиф, У зот кучлидир. Сиз фоний, У зот эса Боқийдир.

🤲 Аллоҳ таоло барча сўраганларимизга муваффақ қилсин!

@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

44. Унга етти осмону ер ва улардаги кимсалар тасбиҳ айтур. Унинг ҳамди ила тасбиҳ айтмаган ҳеч бир нарса йўқ. Лекин уларнинг тасбиҳини англамайсизлар. Албатта, у ҳалийм ва сермағфират зотдир.
Араб тилида тасбиҳ айтиш «Аллоҳни поклаб ёд этиш» маъносини англатади. Ушбу ояти карима бутун борлиқ, барча мавжудот Аллоҳ таолони айбу нуқсондан поклаб тасбиҳ айтишини таъкидламоқда.
«Унга етти осмону ер ва улардаги кимсалар тасбиҳ айтур».
Аллоҳ таолога етти осмон ҳам тасбиҳ айтади. Ер ҳам тасбиҳ айтади. Ўша етти осмону ердаги кимсалар ҳам тасбиҳ айтади, поклаб ёд этади.
«Унинг ҳамди ила тасбиҳ айтмаган ҳеч бир нарса йўқ».
Борлиқдаги ҳамма нарса Аллоҳга ҳамду сано ва тасбиҳ айтади. Уларнинг ҳар бири ўзига хос услуб ва ўз тили ила айтади.
«Лекин уларнинг тасбиҳини англамайсизлар».
Эй инсонлар, сизлар ғафлатда бўлганингиз учун, эътиборсиз бўлганингиз учун борлиқдаги мавжудотларнинг Аллоҳ таолога ҳамду сано ва тасбиҳ айтишларини англамайсизлар.
«Албатта, У ҳалийм ва сермағфират зотдир».
Ҳалиймлигидан, бутун мавжудот уни поклаб ёд этиб турганда, ожиз инсон ширк келтирса ҳам, уни дарҳол азобламайди, қўйиб қўяди. Сермағфиратлигидан, шунча беодоблик ва гуноҳ қилса ҳам, тавба этган бандаларини мағфират қилаверади.
Ўтган оятлардан бирида Аллоҳнинг баёни мушрикларга нафратдан ўзгани зиёда қилмаслиги ҳақида сўз кетган эди. Келаси оятларда ўша ҳолнинг сабаблари ва тафсилоти келади:
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

⚡️РЎЗАГА ОИД КЎП ТАКРОРЛАНАЁТГАН САВОЛ-ЖАВОБЛАР (5-қисм)

❓Таровиҳ намози қандай адо этилади?
💬 ЖАВОБ: Бу ерда

❓Рамазон рўзасининг ҳукми
💬 ЖАВОБ: Бу ерда

❓Кимлар рўза тутмаслиги мумкин?
💬 ЖАВОБ: Бу ерда

❓Эмлаш рўзани бузадими?
💬 ЖАВОБ: Бу ерда

❓Бола эмизиш рўзани бузадими?
💬 ЖАВОБ: Бу ерда

❓Рўза тутганда бассейнга борса бўладими?
💬 ЖАВОБ: Бу ерда

❓Рўзадор одам қўшиқ эшитиши ва сериал кўриши мумкинми?
💬 ЖАВОБ: Бу ерда

❓Қутб минтақаларида яшайдиганларнинг рўзаси
💬 ЖАВОБ: Бу ерда

❓Рўзани неча ёшдан тутиш керак?
💬 ЖАВОБ: Бу ерда

❓Укол олиш рўзани бузадими?
💬 ЖАВОБ: Бу ерда

❓Мусофирга рўза фарз эмасми?
💬 ЖАВОБ: Бу ерда

❓Рамазон ойида касаллик ҳуруж қилиб қолса
💬 ЖАВОБ: Бу ерда

❓Оғизни пойтахт вақти билан очиш керакми?
💬 ЖАВОБ: Бу ерда

❓Номаҳрамлар телефонда гаплашиши рўзани очадими?
💬 ЖАВОБ: Бу ерда

❓Рўзадор киши тамаки чекса рўзаси очиладими?
💬 ЖАВОБ: Бу ерда

❓Болалар рўзани бузса гуноҳ бўладими?
💬 ЖАВОБ: Бу ерда

❓Рамазонда тўй қилинмайдими?
💬 ЖАВОБ: Бу ерда

❓Рамазонда уйни безатиш жоизми?
💬 ЖАВОБ: Бу ерда

❓"Рўза аслида бир кун"ми?
💬 ЖАВОБ: Бу ерда

❓Рамазонда эр-хотинлик муносабати
💬 ЖАВОБ: Бу ерда

Fatvo.uz GA OBUNA BO'LING ✅

YouTube | Instagram | Facebook | Ummalife