Gurlan tuman hokimligi II Rasmiy kanali II

@gurlanhokimlik

Гео и язык канала: Узбекистан, Узбекский

Категория: Новости и СМИ

GURLAN TUMAN HOKIMLIGINING RASMIY SAHIFALARI
🌐 Web-sayt: http://gurlan.uz
💠 Instagram: https://www.instagram.com/gurlan_tumani_hokimligi/
💠 Facebook: https://www.facebook.com/profile.php?id=100076329035840
Murojaat uchun: @GurlanhokimligigaMurojaatBot

Связанные каналы | Похожие каналы

Гео и язык канала

Узбекистан, Узбекский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

Gurlan tuman hokimligi II Rasmiy kanali II

15 Feb, 15:28

AFG‘ON URUSHI FAXRIYLARI E’TIBORDA

Bugun Gurlan tumanida Afg‘onistondagi harbiy harakatlar tugaganligining 36 yilligi munosabati bilan bayram tadbiri tashkil qilinib, Afg‘oniston hududidagi harbiy harakatlarda ishtirok etgan jangchi-faxriylarimizga bayram dasturxoni yozildi.

Tadbirda tuman hokimining birinchi o‘rinbosari Jaxongir Xasanov Vataniga sadoqat bilan xizmat qilgan barcha afg‘on urushi faxriylarini bugungi bayram bilan samimiy tabrikladi.

Shuningdek, jangchi-faxriylarimizga tuman hokimligining esdalik sovg‘alari topshirildi. Tuman madaniyat bo‘limining yosh iste’dodli xonandalari tomonidan aytilgan kuy-qo‘shiqlar barchaga yuqori kayfiyat ulashdi.

Gurlan tumani hokimligi Axborot xizmati

875 0 31 23

Gurlan tuman hokimligi II Rasmiy kanali II

15 Feb, 15:26

#Tayinlov

Xasanov Jaxongir Narimanovich - Gurlan tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari ‒ tuman iqtisodiyot va moliya bo‘limi boshlig‘i lavozimiga tayinlandi.

Jaxongir Xasanov 1986-yil Gurlan tumanida tug'ilgan. Urganch davlat universitetini tamomlagan.

Tayinlovga qadar Gurlan tumani iqtisodiyot va moliya bo‘limi boshlig‘ining birinchi o’rinbosari lavozimida faoliyat yuritib kelayotgan edi.

Gurlan tumani hokimligi Axborot xizmati

1.5k 0 113 35

Gurlan tuman hokimligi II Rasmiy kanali II

15 Feb, 11:03

00:54

Видео недоступно для предпросмотра

Смотреть в Telegram

🇺🇿Milliy libos - millat ko’zgusi!

✅Urganch xalqaro aeroportida milliy qadriyatlarimizni e’zozlagan holda “Milliy libos - millat ko’zgusi” chellenjida faol ishtirok etdi!

Milliy liboslarimizni zamonaviy talqinda ommalashtirishga qaratilgan chellenj davom etmoqda.

🌐aokaxorazm.uz | 💬Facebook | ✅Telegram |🌐Instagram

908 0 3

Gurlan tuman hokimligi II Rasmiy kanali II

15 Feb, 09:58

❓ Чет элдаги пенсионерга ишончнома билан пенсия тўланиши тартиби қандай?

✅ Қонунчиликка мувофиқ расмийлаштирилган ишончнома билан пенсия тўланади.

❓ Бу қандай амалга оширилади?

✅ Дастлаб, фуқаро чет элда бўлган вақтда ишончнома расмийлаштиради ҳамда ваколатли давлат органи томонидан апостиль қўйдиради.

☝️ Мазкур жараённи пенсионер чет элга кетган кундан бошлаб 3 ой ичида амалга ошириши тавсия этилади. Акс ҳолда пенсия 3 ойдан кейин вақтинча тўхтатиб турилиши мумкин.

⏩ ЭСЛАТМА: "Фуқаролик, оилавий ва жиноят ишлари бўйича ҳуқуқий ёрдам ва ҳуқуқий муносабатлар тўғрисида"ги Конвенциянинг иштирокчи давлатларида фаолият юритаётган Ўзбекистон фуқаролари ишончномага апостиль қўйдиришлари талаб этилмайди.

✅ Пенсионер ишончноманинг асл нусхасини ишончли вакилга топширади. Ишонч билдирилган шахс ишончномани пенсионер пенсия олаётган банкка тақдим қилади. Қонунчилик талабларига асосан ишончномани олган банкнинг тегишли бўлими томонидан ишончнома нусхаси Пенсия жамғармасининг туман (шаҳар) бўлимига юборилади. Мазкур ишончнома билан ишончли вакил пенсияни олишни давом эттириши мумкин.

✅ Бунда яна шуни таъкидлаб ўтиш керакки, ишончнома берган шахс (пенсионер) Пенсия жамғармаси бўлимига 1 йилда камида 1 марта келиб тайинланган пенсияга бўлган ўз ҳуқуқини тасдиқлаши керак бўлади.

❓ Пенсионернинг пенсияси тўхтатиб турилган тақдирда ёки пенсионер Ўзбекистонга келиш имконияти бўлмаса нима қилиш лозим?

✅ Ўзбекистонга келиш имкониятига эга бўлмаган ҳолатларда пенсионер Ўзбекистон Республикасининг чет элдаги дипломатик ваколатхонаси ёки консуллик муассасасига мурожаат этиши мумкин ва хорижий давлат ҳудудида доимий яшаш ҳолати мавжуд эмаслигини, шунингдек, пенсия ёки ижтимоий нафақа олмаслигини тасдиқловчи маълумотномани олиши лозим.

✅ Олинган мазкур маълумотнома ишончномага илова қилинган ҳолда ишончли вакил томонидан Пенсия жамғармасининг туман (шаҳар) бўлимига тақдим қилиниши керак. Шундан сўнг, тўхтатиб турилган пенсия қайта тикланади.

⏩ Ишончнома билан пенсия олмоқчи бўлмаган пенсионерлар Ўзбекистонга қайтгандан сўнг ҳам олинмай қолган ойлардаги пенсияларини белгиланган тартибда олиш ҳуқуқига эга.

📞 12-71 🌐 pfru.uz

✅ Telegram | 💬Facebook |📸 Instagram | 📹 Youtube |📱 X

868 0 5 2

Gurlan tuman hokimligi II Rasmiy kanali II

14 Feb, 19:09

#para_velosport
#muvaffaqiyat

Gurlanlik sportchi Osiyo chempionatida g'olib bo’ldi

Tailandning Pxitsanulok shahrida velosportning shosse yoʻnalishi boʻyicha U18—U23 yosh toifalari va kattalar oʻrtasidagi Osiyo chempionati boʻlib o’tdi.

Osiyo chempionatida para velosportning shosse yo‘nalishi bo‘yicha terma jamoa safida O'zbekiston sharafini munosib himoya qilgan, gurlanlik Xuderganov Og‘abek 20 kmga yakkalik poygalarida oltin medal va 64 kmga guruh poygalarida kumush medalni qo‘lga kiritdi.

Bugun tuman hokimi Ruslan O’razbayev sportchimiz Xuderganov Og‘abek va murabbiyi Radjapov Bektemirni g‘alabalar bilan tabriklab, kelgusidagi musobaqalarda bundanda yuqori natijalarga erishishini tilab, ularga qimmatbaho sovg‘alar topshirdi.

Gurlan tumani hokimligi Axborot xizmati

2.4k 0 37 19

Gurlan tuman hokimligi II Rasmiy kanali II

14 Feb, 19:08

00:59

Видео недоступно для предпросмотра

Смотреть в Telegram

Президент Шавкат Мирзиёев ёшлар билан самимий мулоқот ўтказиб, уларни янги марралар сари руҳлантирди

Prezident.uz|Facebook|Instagram|YouTube|X

907 0 2 2

Gurlan tuman hokimligi II Rasmiy kanali II

14 Feb, 15:35

Gurlan tumanining dehqonchilik mahsulotlari yetishtirish ko‘rsatkichlari

📊 2024- yilning yanvar-dekabr oylarida Gurlan tumanida 1 226,9 mlrd so‘mlik dehqonchilik mahsulotlari yetishtirilgan.
Viloyat umumiy hajmda tumanning ulushi 9,6 % ni tashkil qilgan.

2024- yilda yetishtirilgan dehqonchilik mahsulotlarining hajmi:

donli ekinlar – 82,7 ming tonna
kartoshka – 12,3 ming tonna
sabzavotlar – 51,9 ming tonna
poliz ekinlari – 8,9 ming tonna
meva va rezavorlar – 9,1 ming tonna
uzum – 1,5 ming tonna.

Rasmiy sahifalar:

| Sayt | Telegram | Facebook |

970 0 1 1

Gurlan tuman hokimligi II Rasmiy kanali II

14 Feb, 15:35

Gurlan tumanida qancha chorva mollari va parranda boqilmoqda?

📊 2025- yilning 1- yanvar holatiga Gurlan tumanida barcha toifadagi xo‘jaliklarda boqilayotgan chorva mollari va parrandalar bosh soni ma’lumotlari (2024- yilning 1- yanvariga nisbatan o‘sish sur’ati bilan):

yirik shoxli qoramol – 97,2 ming bosh (100,9 %), shundan, sigirlar – 39,3 ming bosh (100,6 %)
qo‘y va echkilar 9 18,7 ming bosh (101,6 %)
parrandalar – 615,9 ming bosh (101,8 %).

Rasmiy sahifalar:

| Sayt | Telegram | Facebook |

957 0 2

Gurlan tuman hokimligi II Rasmiy kanali II

14 Feb, 15:05

Сўнг Президентимиз фаол ёшлар билан мулоқот қилди.

Турли ҳудудлардаги олий таълим муассасалари ва нодавлат ўқув марказлари, корхона ва фермер хўжаликлари вакиллари, ёш олим ва спортчиларнинг фикр-мулоҳазалари тингланди, таклифлари кўриб чиқилди.

“Бугунги кунда Ватанимиз ўз тараққиётининг янги бир тарихий босқичига қадам қўймоқда. Бу даврда олдимизда илгари дуч келмаган мураккаб вазифалар, ғов ва тўсиқлар пайдо бўлиши табиий, албатта. Лекин қанчалик қийин бўлмасин, биз олдимизга қўйган улкан мақсадларга албатта етамиз.

Чунки бизнинг олис ва яқин тарихда не-не синовлардан ўтган, донишманд халқимиз бор, бугун барча соҳа ва тармоқларда майдонга дадил чиқаётган ғайрат-шижоатли ёшларимиз бор.

Сизлар билан маслаҳат ва мулоқотни ўз фаолиятимизда асосий мезонлардан бири, деб биламиз.

Сизлар ҳам бундай юксак ишончга муносиб бўлиб, жонажон Ватанимизни ҳар томонлама ривожланган, гўзал ва фаровон мамлакатга, Учинчи Ренессанс диёрига айлантиришда олдинги сафларда бўласиз, деб ишонаман”,

- деди Президент сўзининг якунида.

Facebook|Instagram|X

850 0 0 1

Gurlan tuman hokimligi II Rasmiy kanali II

14 Feb, 14:38

Ёшлар масаласи парламент ва маҳаллий Кенгаш депутатлари фаолиятида ҳам муҳим йўналиш сифатида қаралиши лозимлиги таъкидланди.

Ёшларга дахлдор қонун лойиҳаларини Ёшлар парламенти аъзолари билан бирга муҳокама қилиш ва ялпи мажлисда лойиҳа бўйича ёшлар вакилларининг фикрини ҳам эшитиш мақсадга мувофиқ экани кўрсатиб ўтилди.

Шунингдек, маҳаллий кенгаш сессияларида ёшлар масалалари бўйича масъул органлар раҳбарларининг ахборотини эшитиш, барча маҳаллий кенгашлар ҳузурида ёшлар гуруҳларини ташкил этиш ташаббуслари илгари сурилди.

Маҳаллаларда ёшлар етакчилари тизими йўлга қўйилганидан кейин ёшлар сиёсати тубдан ўзгариб, мутлақо янги босқичга кўтарилгани эътироф қилинди.

Лавозимга киришаётган ёшлар етакчиларининг касбий кўникмаларини шакллантириш мақсадида уларни тизимли равишда ўқитишни йўлга қўйиш зарурлиги қайд этилди.

Facebook|Instagram|X

996 0 2

Gurlan tuman hokimligi II Rasmiy kanali II

14 Feb, 14:38

Ёшларимизда ватанпарварлик руҳини кучайтириш бўйича 10-11-синф ўқувчилари ўртасида бошланган “Ватан таянчи” ҳаракати касб-ҳунар мактаби, техникум ва хусусий таълим ташкилотларида ҳам йўлга қўйилиши белгиланди.

“Ватан таянчи” отрядлари ўртасида “мактаб – туман – вилоят – республика” даражасида спорт мусобақалари ва ижодий танловлар ташкил этилади.

Шу каби ҳар бир маҳаллада ёшлар ўртасида “маҳалла – сектор – туман – вилоят – республика” даражасида “Шижоат ва ғайрат” спорт ўйинлари ўтказилади. Ғолиб маҳаллаларга спорт иншооти қуриб берилади, зарур анжомлар билан таъминланади.

“Ватан таянчи” ҳамда “Шижоат ва ғайрат” мусобақалари ғолибларига ҳарбий олийгоҳларга кириши учун тавсия берилади.

Facebook|Instagram|X

930 0 1 1

Gurlan tuman hokimligi II Rasmiy kanali II

14 Feb, 13:58

Бугунги кунда мафкуравий хавф-хатарлар аллақачон кибермаконга кўчиб ўтгани қайд этилди.

Шу муносабат билан ёшларимизда интернетдан фойдаланиш маданиятини янада юксалтириш, улар ёлғон маълумотлар қурбонига айланиши, дунёқараши салбий ғоялар таъсирида шаклланишини олдини олиш муҳимлиги кўрсатиб ўтилди.

Фарзандларимизнинг маънавий тарбияси ва мафкуравий иммунитетини кучайтириш, уларни ёт ғоялардан асраш ҳар биримизнинг вазифамизга айланиши шартлиги таъкидланди.

Шу боис мутасаддиларга ёшларнинг мафкуравий хавфсизлигини таъминлаш, уларни дардига малҳам бўлиб, муаммосини ҳал қилиб, турли ғоявий хуружлардан асраш, зарарли ахборотлардан ҳимоя қилиш ишларини кучайтириш топширилди.

Илм-фан ва таълим йўналишидаги фойдали маҳаллий интернет ресурслари реестри шакллантирилиб, улардан бепул интернет тармоғи орқали фойдаланиш йўлга қўйилади.

Нуронийларимиз иштирокида “Аждодлар меросига муносиб авлод” ғояси остида ёшларни бирлаштириш бўйича янги тизим жорий этилади. Шунингдек, ёшларда ватанпарварлик ҳиссини ошириш мақсадида “Мен буюк эл фарзандиман” умуммиллий ҳаракатини йўлга қўйиш бўйича ёшларнинг ташаббуси қўллаб-қувватланди.

Ёшлар маънавиятини юксалтиришда бадиий адабиётнинг роли жуда катта экани таъкидланди. Бундан қирқ йил олдин устоз шоир Эркин Воҳидов ташкил этган “Ёшлик” журнали фаолиятини кучайтириб, уни яна ёшларимиз севиб ўқийдиган журналга айлантириш муҳимлиги таъкидланди.

Facebook|Instagram|X

882 0 2

Gurlan tuman hokimligi II Rasmiy kanali II

14 Feb, 13:58

Бугунги кунда физика, кимё, биология, технология, муҳандислик, математика, бир сўз билан айтганда, STEM фанларининг аҳамияти тобора ортиб бормоқда.

Олмазор туманида 10 та мактабда муҳандислик лабораториялари ташкил қилинди. Бугун ушбу лабараторияларда 2 минг ўқувчи робототехника ва илғор технологияларни ўрганмоқда.

Барча туманлар ҳокимларига бу тажрибани ўрганиб, оммалаштириш, ўз ҳудудида 5 тадан мактабни шундай лабораториялар билан жиҳозлаш топширилди.

Тошкент давлат техника, ахборот технологиялари, кимё-технология, Турин, Инха каби 36 та техника олийгоҳи ректорлари сунъий интеллект, робототехника, дрон, киберхавфсизлик каби ихтирочилик йўналишларида “Олийгоҳ кубоги”ни эълон қилади. Энг яхши стартап лойиҳалари тижоратлаштирилади.

Келгуси ўқув йилидан бошлаб ўқувчилар ўртасида муҳандислик олимпиадалари ва танловларини ўтказиш йўлга қўйилади. Ғолиб бўлган битирувчи ёшлар техника олийгоҳларига грант асосида ўқишга киради.

Facebook|Instagram|X

928 0 2 2

Gurlan tuman hokimligi II Rasmiy kanali II

14 Feb, 13:34

Мулоқотда камбағалликни қисқартиришнинг энг самарали ечими таълим экани таъкидланди.

Шунинг учун кам таъминланган оилада ҳеч бўлмаганда битта фарзанд олий маълумотли бўлиши учун зарур шароитлар яратилади.

Эндиликда камбағал оиланинг фарзандига таълим кредити фоизсиз берилади, қўшимча грант ажратилади, контракт тўловининг бир қисми қоплаб берилади.

Яна бир янгилик – иқтидорли, билимга чанқоқ, лекин оғир оилавий шароити сабабли ўқиш имкониятига эга бўлмаган ёшларни хорижда ўқитиш бўйича янги тизим – “Ёрқин истеъдод” лойиҳаси жорий этилади.

Бунда ҳар бир маҳалладан ижтимоий ҳимояга муҳтож, билимга чанқоқ ёшлар саралаб олиниб, иқтидори аниқланади. Уларнинг салоҳиятига мос хорижий олийгоҳ танланиб, тайёргарлик курсларида ўқитилади.

Хорижда таълим олиб қайтган ёшлар Миллий кадрлар захирасига тўғридан-тўғри киритилади, улар давлат органларига танловсиз ишга олинади.

Ҳар йили саралашдан ўтган 1 минг нафар ёшлар дунёнинг “топ-100” олийгоҳларига юборилиб, ўқиш ва яшаш харажатлари қоплаб берилади.

Facebook|Instagram|X

811 0 3

Gurlan tuman hokimligi II Rasmiy kanali II

14 Feb, 13:34

Жорий йил IT соҳаси экспортини 1 миллиард долларга етказиш мақсад қилинган. Бунда асосий куч, албатта, ёшлар экани таъкидланди.

“Бир миллион дастурчи” лойиҳасига қўшимча 300 минг ёшлар жалб этилади. “Coursera” платформасида 3 мингдан ортиқ курсларда сунъий интеллект ёрдамида ёшлар учун ўзбек тилида таълим олиш имконияти йўлга қўйилади.

Бу йил "Муҳаммад Хоразмий ворислари" лойиҳаси Қорақалпоғистонда ҳам жорий этилиб, яна 1 минг нафар ёшлар қамраб олинади.

Бирлашган Араб Амирликлари билан Ўзбекистонда "Бир миллион сунъий интеллект фойдаланувчилари" лойиҳасини амалга оширишга келишилган. Рақамли технологиялар вазирлигига бу борадаги ишларни бошлаш топширилди.

Ўтган йили 25 минг нафар қизлар IT бўйича бепул ўқитилди. Бу йил дастурчи қизлар сони 2 баробар оширилиши режа қилинди. 1 минг нафар иқтидорли қизлар IT оромгоҳларида халқаро олимпиадаларга тайёрланади.

Ёшларнинг қизиқиш ва эҳтиёжларини барвақт аниқлашда сунъий интеллект технологияларидан фойдаланиш, салоҳиятини монетизация қилиш, ижтимоий аҳамиятга молик лойиҳаларга жалб этиш муҳимлиги таъкидланди. Мутасаддиларга рақамли ижтимоий экотизимни жорий этиш бўйича узоқ муддатли стратегияни ишлаб чиқиш топширилди.

Facebook|Instagram|X

818 0 2 1

Gurlan tuman hokimligi II Rasmiy kanali II

14 Feb, 13:17

Инсон учун она тили билан бирга хорижий тилларни билиш дунёга чиқишда жуда муҳим. Айниқса, тижоратда бунинг ўрни беқиёс.

Энди, хорижий тиллардан “С1” даражасига эга бўлган ёшлар ташаббус кўрсатиб, олис ва чекка ҳудудларда чет тилларига ихтисослашган ўқув марказларини очса, уларга 120 миллион сўмгача фоизсиз ссуда берилади.

Шунингдек, меҳнат бозорига тил биладиган ёшлар кириб келишини рағбатлантириш учун хусусий ўқув марказларида хорижий тилларни ўрганадиган ёшларга харажатлари “2+6” шаклида қоплаб берилади. Бунда ўқув харажатларининг дастлабки 2 ойи ўқувчиларнинг ўз маблағидан, қолган 6 ойи давлат ҳисобидан тўлаб берилади.

Facebook|Instagram|X

838 0 3 2

Gurlan tuman hokimligi II Rasmiy kanali II

14 Feb, 13:15

Юртимизда креатив иқтисодиёт жадал ривожланмоқда. Соҳада фаолият кўрсаётганларнинг 98 фоизи ёшлар.

Ўтган йили креатив иқтисодиётни ривожлантириш бўйича алоҳида қонун қабул қилиниб, ҳуқуқий асослари белгиланди.

Тошкент шаҳридаги “Ёшлар ижод саройи”да намунавий “Креатив парк” ташкил қилинди.

Энди, креатив индустрия парклари ҳудудларда ҳам барпо этилади. Улар зарур ресурс ва инфратузилма билан таъминланади.

Креатив индустрия парки резидентларига 2030 йил якунигача имтиёзли солиқ режими жорий этилади. Бунда ижтимоий ва даромад солиқ ставкалари 50 фоизга камайтирилади, резидентлар товарларни реализация қилиш ҳажмидан қатъи назар айланмадан олинадиган солиқ тўловчилар бўлади.

Парклар негизида креатив соҳа вакилларини ўқитадиган бизнес мактаблари ташкил қилинади. Ушбу мактабларда ёшлар янги ва замонавий бизнес юритиш ҳамда электрон тижорат каби хизмат кўрсатишнинг инновацион усулларини ўрганади.

Facebook|Instagram|X

779 0 1 1

Gurlan tuman hokimligi II Rasmiy kanali II

14 Feb, 13:15

Сервис соҳасида ҳам ёшлар учун имкониятлар кенгайтирилади.

Тадбиркорлар ёш ходимларни ишга олиб, камида 3 миллион сўм ойлик тўласа, ижтимоий солиқ 1 фоиз бўлади.

Бу имтиёз 3 йил амал қилади. Бу орқали тадбиркор ҳам манфаат кўради, ёшлар расмий ишлаб, даромади ошади.

Умуман, “Ёшлар дафтари” тизимини ҳам янгилаш, трансформация қилиш вақти келгани таъкидланди.

Мутасаддиларга ёшларга кўрсатилаётган барча турдаги ижтимоий пакетларни тўлиқ хатловдан ўтказиб, уларни мақбуллаштириш ва натижадорлигини ошириш бўйича таклиф киритиш топширилди.

Facebook|Instagram|X

847 0 1

Gurlan tuman hokimligi II Rasmiy kanali II

14 Feb, 13:15

Технологик жараёнларни бошқаришда стратегик қарорлар қабул қиладиган ёшларни тайёрлаш учун техника олийгоҳлари қошида 8 та илғор муҳандислик мактаби фаолият бошлади. Бу йил яна 17 та шундай мактаб очилади.

Ўтган йили 56 минг гектар ер ёшларга ажратилди. Бу ўз самарасини бериб, ҳозирда 153 минг нафар ёшлар деҳқончилик билан шуғулланяпти.

Бу йил Қорақалпоғистонда, Андижон, Жиззах, Фарғона ва Тошкент вилоятларида бўш турган 3 минг 300 гектар ер янгича тартибда ижарага берилади. Энди илгари ажратилган ерга маҳсулот экиб, камида 100 миллион сўм даромад олган ёшларга ҳам ушбу тартиб асосида бу ерлардан берилади.

Ёшлар кооперациялари ташкил қилиниб, ёшлар қишлоқ хўжалигида билим ва кўникма оширишига ёрдам берилади.

Ёшлар саноат зоналарида саноат ипотекаси орқали бино олаётган тадбиркорларга ускуна хариди учун 500 минг долларгача кредит ажратилади. Содда қилиб айтганда, тайёр ишлаб чиқариш майдонини олган ёш тадбиркорга имтиёзли шартларда ускуналар ҳам олиб берилади.

Facebook|Instagram|X

658 0 0 1

Показано 19 последних публикаций.

2 693

подписчиков

Статистика канала

Язык сайта

Доход с телеграм-канала

Заработок с телеграм-канала

Росатом Центральная Азия

Gurlan tuman hokimligi II Rasmiy kanali II

Гео и язык канала

Категория

2 693

Популярное в канале