2024-yil 27-aprel kuni Guliston davlat universiteti Psixologiya va ijtimoiy fanlar fakultetida “Tarix” kafedrasi va O‘zR FA Tarix instituti olimlari bilan hamkorlikda “TARIXIY VA ADABIY MASALALAR TALQINI” mavzusidagi ilmiy seminar bo‘lib o’tdi. Tadbirni Psixologiya va ijtimoiy fanlar fakulteti dekani, pedagogika fanlari nomzodi, dotsent J.Komilov va “Tarix” kafedrasi mudiri U.Mavlyanovlar ochib berishdi. Shuningdek, ilmiy seminarda O‘zR FA Tarix instituti yetakchi ilmiy xodimi t.f.d Nigora Allayeva, O‘zR FA Sharqshunoslik instituti bo‘lim mudiri f.f.n Salimaxon Eshonova, O‘zR FA Tarix instituti katta ilmiy xodimi Nizomiddin Gulboyev va Guliston davlat universiteti “Tarix” kafedrasi dotsenti, t.f.n Dilorom Sangirovalar ma’ruzalar qilishdi. Seminar talabalarda katta qiziqish uyg‘otdi, savol va munozaralarga boy bo’ldi.