Gazeta.uz - Ўзбекистон янгиликлари


Гео и язык канала: Узбекистан, Узбекский
Категория: Новости и СМИ


Ўзбекистон янгиликлари. Расмий сайт www.gazeta.uz/uz
Таҳририят:
@GazetauzMuloqotBot
+998 78-333-10-15
Реклама:
@Afisha_Media_Regina
+998 99-444-35-39
Иш: https://forms.gle/wXBjsfutge9EF9k16
Лотин алифбосидаги канал: @gazetauz_ozb

Связанные каналы  |  Похожие каналы

Гео и язык канала
Узбекистан, Узбекский
Категория
Новости и СМИ
Статистика
Фильтр публикаций


Европа Иттифоқи Суриядан барча иқтисодий, шунингдек, мамлакатнинг 24 та тузилмасига нисбатан қўйилган санкцияларни бекор қилди. Хавфсизлик масалалари билан боғлиқ бўлганлари бундан мустасно. Башар Асад режимига алоқадорларга нисбатан санкциялар эса 2026 йил 1 июнгача узайтирилди.

https://www.gazeta.uz/uz/2025/05/28/eu-syria/

Telegram | Instagram | YouTube


Ўзбекистонда ИИО ва Миллий гвардия ходимининг қонуний талабларини бажармаслик учун жарима БҲМнинг 5 бараваридан (амалда 1 баравари) 12 бараваригача этиб ўзгартириляпти. Шунингдек, кўмирни оз миқдорда талон-торож қилганлик учун жавобгарлик белгиланмоқда. Қонун Сенатда маъқулланди.

https://www.gazeta.uz/uz/2025/05/28/iio/

Telegram | Instagram | YouTube


Дональд Трамп яна бир бор Владимир Путинни танқид қилиб, у «олов билан ўйнашаётгани», агар Трампнинг сиёсати бўлмаганида, Россия билан «жуда ёмон воқеалар содир бўлиши» ҳақида огоҳлантирди. Америка ОАВ Трамп шу ҳафтадаёқ РФга қарши санкциялар киритиши мумкинлиги ҳақида ёзмоқда.

https://www.gazeta.uz/uz/2025/05/28/trump-putin/

Telegram | Instagram | YouTube


Тошкент вилоятидаги Чотқол дарёсида «Ўзбекгидроэнерго» АЖ томонидан илғор қурилиш технологиялари асосида қуввати 90 МВт бўлган Қуйи Чотқол ГЭС қурилмоқда (реклама).

https://www.gazeta.uz/uz/2025/05/28/uzbekgidroenergo/


Ижтимоий ҳимоя миллий агентлиги Ўзбекистонда зўравонликка учраган болаларнинг реал воқеалари асосида суратга олинган фильмни тақдим этди. У болаликдаги зўравонлик қанчалик чуқур излар қолдириши ҳамда уй, мактаб ва боғча қандай қилиб оғриқни эслатиб турувчи маконга айланиши акс этади.

https://www.gazeta.uz/uz/2025/05/28/haqqim-bor/

Telegram | Instagram | YouTube


Долларнинг расмий курси янгиланди

Марказий банк 29 майдан хорижий валюталарнинг сўмга нисбатан расмий курсини эълон қилди.

Унга кўра, 1 АҚШ доллари 55,77 сўмга арзонлаб, 12 831,13 сўм этиб белгиланди. Евро курси тушди, рубль курси ошди.

Telegram | Instagram | YouTube


1 июлдан қимматли қоғозлар бозорида ҳийла-найрангни олдини олишнинг янги қоидалари кучга киради. Энди операция иштирокчилари мижоз битим суммасини тўлай олмаган ҳолатда қимматли қоғозларни сотиб олиш тўғрисидаги топшириқни қабул қилишдан бош тортиши мажбурий бўлади.

https://www.gazeta.uz/uz/2025/05/28/qoidalar/

Telegram | Instagram | YouTube


Сенатор Анвар Тўйчиев гибрид автомобиллар учун экологик сертификат бўйича Экология вазирига жўнатилган сенатор сўровига тўлиқ жавоб олинмаганини айтди. Сенат раиси қонунчиликдаги ноаниқликлар инсон фойдасига ҳал қилиниши кераклигини таъкидлади. Ҳозирда бундай сертификат талаб қилиш тўхтатилган.

https://www.gazeta.uz/uz/2025/05/28/ekologik-sertifikat/

Telegram | Instagram | YouTube


Ўзбекистонда қурувчиларга кредит ажратишнинг янги тизимини жорий этиш режалаштирилмоқда. Бунда банк кредит бераётганда маҳаллий қурилиш материалларидан фойдаланишга устуворлик берилади. «Шаффоф қурилиш» платформасида маҳсулот сифатининг рейтинги юритилади.

https://www.gazeta.uz/uz/2025/05/28/building-materials/

Telegram | Instagram | YouTube


Нодир Ғаниев Ўзбекистоннинг Португалиядаги элчиси бўлди. У бир вақтда мамлакатнинг Франциядаги ваколатхонаси раҳбари ҳам ҳисобланади.

https://www.gazeta.uz/uz/2025/05/28/portugal/

Telegram | Instagram | YouTube


Қаршининг «Насаф» футбол клуби Ўзбекистон Суперкубоги учун баҳсда тўртинчи бор ғолиб чиқди. 27 май куни Тошкентдаги «Бунёдкор» стадионида бўлиб ўтган учрашувда қашқадарёликлар «Андижон»ни 1:0 ҳисобида мағлубиятга учратди. «Газета.uz» мухбири Мурод Юсуф ўйиндан фоторепортаж тайёрлади.

https://www.gazeta.uz/uz/2025/05/28/supercup/

Telegram | Instagram | YouTube


Академик, физика-математика фанлари доктори Азимбой Саъдуллаев 78 ёшида вафот этди. У 1997−2007 йилларда Хоразм Маъмун академиясига раҳбарлик қилган.

https://www.gazeta.uz/uz/2025/05/28/azimboy-sadullayev/

Telegram | Instagram | YouTube


Ўзбекистонлик гроссмейстер Жавоҳир Синдаров Швецияда ўтказилган шахмат бўйича TePe Sigeman & Co номли нуфузли турнирда 7 ўйинда 4,5 очко жамғариб, бирорта ҳам мағлубиятга учрамаган ҳолда ғолиб чиқди.

https://www.gazeta.uz/uz/2025/05/27/chess/

Telegram | Instagram | YouTube


Икуо Хираяма маданият карвонсаройида «Бир томчида нур тўплаб» болалар расмлари кўргазмаси ўтказилмоқда. Унда 440 та асар намойиш этилади. Ёрқин, дадил, баъзи жойларда таъсирчан соддалиги билан ажралиб турадиган расмлар кичик муаллифларни ҳаяжонлантирган ва қувонтирган нарсалар ҳақида сўзлайди. Фото.

https://www.gazeta.uz/uz/2025/05/28/childrens-exhibition/

Telegram | Instagram | YouTube


Отабек Базаров Наманган вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари бўлди. У бунгача Олий таълим вазирлиги бошқарма бошлиғи лавозимида ишлаб келаётганди.

https://www.gazeta.uz/uz/2025/05/28/otabek-bazarov/

Telegram | Instagram | YouTube


Рақобатни ривожлантириш ва истеъмолчилар ҳуқуқларини ҳимоя қилиш қўмитаси Ucell компаниясига оммавий оферта шартларини қонун ҳужжатларига мувофиқ қайта кўриб чиқиш мажбуриятини юклади. Натижада компания ҳужжатга олдин бўлмаган маънавий зарарни қоплаш тўғрисидаги ўзгартиришни киритди.

https://www.gazeta.uz/uz/2025/05/27/ucell/

Telegram | Instagram | YouTube


Трамп маъмурияти элчихоналар ва консуллик бўлимларига талабалар визалари учун янги суҳбатлар тайинлашни «кейинги кўрсатмагача» тўхтатишни буюрди. Талабаларнинг ижтимоий тармоқ саҳифаларини текшириш масаласи кўриб чиқилмоқда. Режа амалга ошса, визаларни расмийлаштириш кескин секинлашиши мумкин.

https://www.gazeta.uz/uz/2025/05/28/us-student-visa/

Telegram | Instagram | YouTube


Пул-кредит сиёсатидаги ютуқларга қарамай, Ўзбекистон Марказий банки эҳтимолий сиёсий аралашувлар ва имтиёзли кредитлаш дастурлари туфайли ҳали ҳам чекловларга дуч келмоқда, деб таъкидлади S&P рейтинг агентлиги. Банк соҳасидаги тартибга солиш реактив деб баҳоланмоқда.

https://www.gazeta.uz/uz/2025/05/27/central-bank/

Telegram | Instagram | YouTube


Хитой шарқидаги кимё заводида юз берган портлаш оқибатида камида беш киши ҳалок бўлди, 19 киши жароҳатланди. Портлаш сабаблари ҳозирча аниқланмади.

https://www.gazeta.uz/uz/2025/05/27/china/

Telegram | Instagram | YouTube


Келаси йилларда Ўзбекистоннинг олтин-валюта захиралари олтин нархи пасайиши кутилаётган бир шароитда 30 млрд долларгача (ҳозир — $49,3 млрд) камайиши мумкин, дея қайд этди S&P. Ташкилотга кўра, давлат корхоналарининг кафолатланмаган қарзи давлат бюджети балансига тушиб қолиши хавфи мавжуд.

https://www.gazeta.uz/uz/2025/05/27/debt-reserves/

Telegram | Instagram | YouTube

Показано 20 последних публикаций.