Mr Freeman


Гео и язык канала: Узбекистан, Узбекский
Категория: Блоги


Fayzbog.uz асосчиси Темур Маликнинг кичик канали. Бу ерда муаллиф ижоддан кўра кўпроқ ички дунёсидаги "мен"ига мурожаат қилади (Асосий ижодлар эса @fayzboguz каналида)

Связанные каналы  |  Похожие каналы

Гео и язык канала
Узбекистан, Узбекский
Категория
Блоги
Статистика
Фильтр публикаций


Доғистонда Хатико исмли мушук вафот этган эгасига бўлган садоқати билан бутун Россияга танилиб кетди. У ҳар кун гўристонга, эгаси кўмилган жойга бориб ётиб олар экан. Уни уйга олиб кетмоқчи бўлишибди, уйчалар ҳам қуриб беришибди, аммо Хатико барибир ҳар сафар у ердан қочиб кетиб, эгаси ётган жойда пайдо бўлиб қолаверибди. 6 йил давомида шундай яшаган экан.

Ана шу мушук бугун ўлиб қолибди. Барча рус пабликлари уни хотирлашяпти.


Видео недоступно для предпросмотра
Смотреть в Telegram
Гапираётган у, уялаётган мен.

1.6k 1 58 26 86

​​Шавкат Мирзиёев Euronews телеканалига интервью берибди.

8 йилдан буён президентдан интервью ололмаётган маҳаллий журналистлар:


Видео недоступно для предпросмотра
Смотреть в Telegram
Бутун ёшлик кўз олдимиздан ўтиб кетди


Туркиядаги намойишлар гўзал эффектларга бой бўляпти)


Кеча ҳимояда бунчалик бўш ўйнаганимиз сабабини ўйин обзорини кўргач тушундим. Кападзе кеча нимагадир учта ҳимоячи схемасида Ҳусановни марказроққа, Эшмуродовни эса ўнгроққа жойлаштирибди. Натижада, иккита қанот марказий ҳимоячилари прессингга ўтишганда, тўп учун курашда асосан Эшмуродов бой бераверди, Ҳусанов ҳам марказда нима қилишни билмай қотиб тураверди, эронликлар эса шу зоналардан деярли барча ҳужумларини ташкил қилиб, хавфли вазиятларни юзага келтиришди.

Буни, мисол учун, биринчи бўлимдаги Азмунда бўлган мана бу имконият пайти (0:47) кўриш мумкин. Шунингдек, Эроннинг ўйиндаги иккинчи имконияти ҳам худди шу сабаб пайдо бўлди (01:32). Эътибор беринг, иккала вазиятда ҳам Эшмуродов пресинг қилиш учун олдинроққа чиқиб, хатога йўл қўяпти, ҳимоянинг марказида жойлашган Ҳусанов эса умуман позициясини ушлай олмаяпти.

Уларнинг биринчи голида ҳам айни вазият ҳукмрон. Тўғри, голнинг асосий "меъмори" тўпни аутдан рақиб оёғига ташлаб берган Алижонов бўлди, лекин ҳимоячиларимизнинг кейинги ҳаракатларига (1:59) эътибор қаратинг: Эшмуродов устидан тўп шунчаки учиб ўтиб кетяпти, Ҳусанов эса эронлик футболчи томонга отилиб, ўзининг марказий ҳудудини Таремига тўлиқ бўшатиб беряпти. Эшмуродов нотўғри позиция танлади, Ҳусанов эса жойини ташлаб чиқиб кетиб хато қилди. Натижада, Тареми ҳеч қандай қаршиликларсиз тўпни дарвоза тўрига михлаб қўйди.

Ҳусанов энг паст балл олганининг сабаби ҳам шунда. Катанец даврида Эшмуродов учта марказий ҳимоячиларнинг энг марказида, Алиқулов (ёки Ҳусанов) ўнгроқда, чапда эса вазиятга қараб Ашурматов ёки Ҳусанов тушарди. Нимага? Чунки юқоридан узатиб бериладиган тўпларга айнан марказдаги бўйи баланд футболчи (Эшмуродов) чиқиб келарди, у фақат ўртада ўтмас девор бўлиб берса бўлдийди Катанец учун. Унинг ёнидагилари эса (Ашурматов ва Ҳусанов) сал бошқачароқ профил эгалари бўлганликлари учун асосан прессингларда иштирок этишарди. Ҳусанов Лансда ҳам, Ситида ҳам кўпроқ ўнгроқда ўйнаётгани бежизмас. Тезлиги ва корпус билан кучли ўйини сабаб, у юқорига чиқиб тўпни олиб қўя олади. Учта ҳимоячи тактикасида марказий ҳимоячи позицияси эса унга ноқулай. Ҳали ўрганмаган бу зонани. Эшмуродов ҳам прессингларга чиқиб ўйнайдиган футболчи эмас.

Кападзе нега бундай қарорга келганини тушунса бўлади. Қирғизистонга қарши ўйинда ҳам Ҳусанов энг ўртада жойлашганди. Бунинг сабаби шундаки, Кападзе ҳужум пайтида иккита қанот марказий ҳимоячиларидан юқорига кўтарилиб ўйнашни сўрайди, бундай вазиятларда рақиб қарши ҳужумларида уларни орқадан тезкор Ҳусанов суғурталаб туриши керак. Тўғри, Қирғизистонга қарши ўз уйимизда ўйнагагимиз сабабли бу қарор иш берди, чунки биз юқорига кўтарилиб ўйнаганмиз, асосий эътиборни ҳужумга қаратганмиз. Бунинг устига Эшмуродов ўрнида ўйнаган Абдуллаев жамоа прессингида анча фаол эди. Лекин Эроннинг ўз уйида ҳужумга ўтиб ўйнашини билиб туриб, нега бундай жойлашув танлангани менга қоронғу. Натижада, Ҳусанов ҳам, Эшмуродов ҳам ўзига нотаниш бўлган позицияда ўйнаб, жуда кўп хатоларга йўл қўйишди.

Тўп учун ҳаводаги курашларни 100 фоиз бой берганимиз энди алоҳида масала. Кападзе бунинг устида ўйин олдидан умуман ишламагани кўриниб турибди, чунки ҳимоямиз ҳар сафар тўп юқоридан узатиб берилган вақтда нима қилишни билмай довдираб қолди. Юсуповнинг ишончли ўйини бўлмаганида мағлубиятга учрардик. Ваҳоланки, Эроннинг бошқалардан ажралиб турадиган асосий устун жиҳати айнан уларнинг бўй ва гавдалари экани, кеча айтганимдек, ўтган йили Осиё кубогида Японияга қарши ҳам худди шундай ўйнаб туриб, уларни мусобақадан чиқариб ташлагани кўпчиликка маълум эди.

Кападзе агрессив прессинг ва ҳужумкор ўйин ташкил қилаётгани таҳсинга сазовор албатта, лекин рақибни ўрганмаслиги, керакли вақтда хатосидан тўғри хулоса чиқариб, ўзгаришларни амалга оширмаслиги хавотир уйғотмоқда. Кеча қилган ўзгаришларнинг бирортаси ўзини оқламади. Шунинг учун ҳам бундай муҳим этапларда тажриба муҳим рол ўйнайди. Катанецни қанча танқид қилмайлик, унда айнан шу устунлик яққол сезилиб турарди. Кападзеда ҳам аста-секин шаклланиб қолса керак.

PS. Агар сизда таймкодлар ишламаётган бўлса, шунчаки обзорни бошдан кўриб чиқинг.


2-2. Ёмонмас. Минимал натижани қўлга киритдик. Энди ЖЧ сари битта эмас, яримта қадам қолди.

Эронга қарши жанг қилдик. Мезбонлар бўй ва гавдасидан фойдаланиб босим уюштирди ва иккита гол урди. Биз прессингимиз эвазига уларда ерда нон йўқлигини кўрсатиб қўйганимиздан кейин, эронликлар даров шу услубга ўтиб олишди. Осиё кубогида Японияни ҳам худди шундай тарзда мағлуб этишганди.

Кападзенинг гиперактив прессингга асосланган ўйин услуби исталган рақибга муаммо туғдира олади. Бугун ҳам бу иш берди. Фақат битта камчилик бор — юқоридан узатилаётган тўп учун курашда учта марказий ҳимоячи кўплик қиларкан, бир-бирига халақит қилиб ташлашди кўпгина вазиятларда. Энди мураббийимиз схема ва жамоалар таркибини ҳам ўзига мослаб олса бўлди.

Бугун БАА кореяликларга мағлуб бўлса, байрамни бошлаворамиз. Дуранг ё ғалаба бўлса, кейинги иккита ўйинларда, агар БАА барча учта, жумладан бизга қарши ўйинни ҳам ютиб кетмаса, 1 очко қўлга киритишимиз етарли бўлади. Қисқароқ қилиб айтганда, ЖЧга чиқишимиз учун ё бугун БАА ютқазиши, ёки биз кейинги ўйинда уларга қарши дуранг ўйнаб келишимиз керак бўлади. Бизда 17, БААда 10 очко.


Видео недоступно для предпросмотра
Смотреть в Telegram
Иккинчи бўлим олдидан. Қани илоё🤲


1-0🔥


Қатар пишди. БААга ҳам қийин бўлиши аниқ. Энди ҳамма гап ўзимизда.


Агар бугун Қатар сафарда Қирғизистонни, БАА КХДРни ютолмай, биз Теҳронда ғалаба қозонадиган бўлсак, ЖЧ йўлланмаси шу бугуннинг ўзида ҳал бўлиб қоларкан😳


Видео недоступно для предпросмотра
Смотреть в Telegram
Зўр акаларда шулар. Ўзбекистонда мухлислик маданияти шаклланишига улкан ҳисса қўшяпти. Ҳали тарихда қолишади.

Мусиқаси Ленинград гуруҳидан олингани янаям қувонтирди😌


Кападзени ўрнида бўлганимда, Ҳусановни Эронга қарши ўйинда захирада қолдирардим. Ўйиндан кейинги матбуот анжуманида эса атайлаб, охирги пайтлар футболчининг боши тадбирлар-у тўйлардан чиқмаётгани ҳақида гапириб ташлардим. Эътиборини футболга қаратмаса, нафақат миллий жамоадан, балки Сити таркибидан ҳам тушиб кетиши мумкинлигини айтиб, интервюлар берардим. Терма жамоа бош мураббийининг бундай баёнотлари кўпчиликка ижобий таъсир қилган бўларди.

2k 0 5 10 108

Энди буниси ортиқча. Сиёсатчилар ўз пиар кампаниясида шу боладан фойдаланмай туришса бўларди. Абдуқодир санъат одамимас, у спортчи — у машғулот олиб бориши, ўз устида кўпроқ ишлаши керак.


Фақат расмни сўнгидаги одам қиёфаси ўзгарибди. Қолгани ўша-ўша)


Тоттенҳэм ҳақида қисқача)


Ҳавони шу ерида стоп босиб қўйса бўлмасмикан. Ёзда ҳам шу ҳаво ҳарорати сақланиб қолса зўр иш бўлардию, унақаси бўлмайди-да)


Видео недоступно для предпросмотра
Смотреть в Telegram
Мана шунақа тилёғламалик, қиммат совғалар, кўкларга кўтаришлар болани синдириб ташламаса бўлди. Бизникилар ёш иқтидорни гўрга тиқишни зўр эплайди-да.

Ўзбекистонга келмай турсанг бўларди, Абдуқодир...

3k 0 22 17 89

Fifa25 ставкани тўлиқ тактикаларга қилипти. Ўйинолди превьюсида ҳам Зидан чиқиб, роса тактикалар ҳақида гапирди. Ўйиннинг бу қисмида фақат ўйин услубларини яхши ўзлаштириб олган ютади, чунки ўйинчилар ҳам айнан сизнинг тактик қарашларингизга қараб ўйнаркан. Менга бу жуда ёқди. Диванный эксперт эдик, энди диванный бош мураббий бўламиз)


Фирибгарликнинг янги тури чиқибди. Эҳтиёт бўлинглар. Обуначидан.

Показано 20 последних публикаций.