БЎЛАЙ ЭНГ ЁМОН ОДАМ

Она, ёмонлар кўп узоқ яшаркан,
Яхшига кун йўқдир, — шу гаплар ростми?
Кўнглида кири йўқ бунча шошаркан,
Яхши дўстларимни тортар ер ости.

Яхшилар ёмонча яшай олмаса,
Яхши инсонликнинг мантиғи қани?
Яхши кўп яхшилик учун қолмаса,
Очунда яшашдан бор қандай маъни?

Ўлигим устида тўкиб кўз ёшинг,
Адо бўлмагин, йўқ, сен, юргин омон.
Она, доғ кўрмасин учун бу бошинг,
Майли, боланг бўлсин энг, энг, энг ёмон.

Фозил Фарҳод

2025 йил 18 январ соат 3:22

👉 https://t.me/fozilfarhod 👈