Navbat Namangan viloyatiga

⚡️Bugun O‘zbek milliy maqom san'ati markazi va O‘zbekiston davlat filarmoniyasi Namangan viloyati bo‘linmalarining 9 oylik faoliyati yuzasidan hisobot yig‘ilishi bo‘lib o‘tdi.

Mazkur yig‘ilishda O‘zbekiston Respublikasi Madaniyat vazirining birinchi o‘rinbosari Bahodir Axmedov, O‘zbek milliy maqom san’ati markazi Bosh direktori Avazbek Shomurodov hamda O‘zbekiston davlat filarmoniyasi Bosh direktori Anvar Tojiboyev ishtirok etishdi.

Ishchi guruh tomonidan bo‘linmalar hisobotlari va konsert dasturlari atroflicha ko‘rib chiqildi. Shundan so‘ng ijodiy va ishchi xodimlar bilan muloqot o‘tkazilib, faoliyat jarayonida uchrayotgan muammolar tahlil qilindi.

Yig‘ilish davomida Bahodir Axmedov ijodiy sohalarni rivojlantirishda yangi kuy va qo‘shiqlar yaratish hamda hududiy hokimliklar bilan hamkorlikda konsert dasturlarini yanada samarali tashkil etish muhimligini ta’kidladi. Shuningdek, sohada islohotlarni chuqurlashtirish, iste’dodli va tajribali kadrlarni jalb qilish hamda ularning mehnatini munosib rag‘batlantirish bo‘yicha zarur chora-tadbirlarni belgiladi.

Yosh ijodkorlar bilan uchrashuv ham tashkil etilib, ularning taklif va savollari tinglandi, ularga batafsil javob berildi. Keltirilgan muammolarni hal etish uchun mas’ul mutasaddilarga bir oy muddat belgilandi.

#Namangan
#HududiyTahlil

Telegram I Instagram | Facebook  I YouTube