✍𝐅𝐈𝐊𝐑𝐀𝐓✍

Kecha qo‘shnim ochlikdan vafot etdi. Ta’ziyasiga qo‘y so‘yib, ziyofat berishdi.

Ali Shariatiy

Aslida, iqtibosdagi insonlar — bizlarmiz!

• O‘quvchilar tarbiyasiga o‘z vaqtida ozgina e’tibor qaratmaymiz-da — keyin, ortidan kunlab yuguramiz

• Ota-onalar farzand tarbiyasi haqida ozgina bilim olmaydi-da — keyin, psixologma-psixolog yurib «palon” so‘m sarflaydi

• O‘z vaqtida ilm olmaymizda - keyin, maoshimiz kamligi uchun yillab qiynalamiz

• Darsga vaqtida tayyorlanmaymizda — keyin, kun bo‘yi zerikarli darslar bilan to‘lovini qilamiz

• Sog‘lig‘imizga kuniga 10 daqiqa e’tibor qaratmaymizda - keyin, oylab davolanamiz

• Ota-onalar 11 yil farzandi o‘qishi bilan qiziqmaydi-da — keyin, bir umr bolasi oldida o‘zini aybdor his qiladi

Qissadan hissa:

Ovqatni o‘z vaqtida beraylik azizlar!

FIKRAT.UZ - Ramazon oyini bizning kanal mutolaasi bilan o‘tkazing.

Farishta momomning sarishtalik saboqlari

Rahmatli momom har gal biznikiga mehmonga kelganlarida, avvalo, akalarim va menga zimdan razm solardi. Garchi, kasbi shifokor bo‘lmasa-da, tabiblik xislati bor momo bo‘ylarimiz qanchaga cho‘zilgani, rang-ro‘yimizdan sog‘ yoki behol ekanimizni bilishga urinardi.

Ko‘ngli taskin topsa, oyimni alqar, xafa bo‘lganda esa bizlarga e’tiborli bo‘lishga chaqirardi. Kezi kelganda uning oyimga tanbeh berganlarini eshitib, hayron bo‘lardim. Endilikda o‘zim ham ona bo‘lib, turmush tashvishlari, farzand tarbiyasida momolarimiz ko‘magiga muhtoj bo‘lishimizni tushunib yetdim.

Onalardan qizlarga meros bo‘lib kelayotgan haqiqiy Sharq ayollariga xos ezgu fazilatlar hamisha bardavom bo‘ladi. Jumladan, ro‘zg‘orni qanday tutishni momolarimiz bizdan ko‘ra yaxshi bilishadi. Ulardan oddiygina ko‘rpachalarni tartib bilan, gulini guliga, rangini rangiga moslab yig‘ishni o‘rganasiz.

Momom sandiq qayerda turishi kerak, qaysi gilam qayerga to‘shalishi lozim, ko‘rpalar uyning qay tomoniga yig‘ilishi zarur – barchasini har gal erinmasdan tushuntirardi. O‘sha kezlarda beixtiyor, ularning did-farosatlariga qoyil qolardim. Farishta momojonim maslahatlari bilan uyimiz yanada fayzli bo‘lar edi. Ular bu ishlarni ayol kishining ziynati deb bilardi. Oila qurgan nevara qizlarining turmush o‘rtoqlarini ismi bilan chaqirishini uyat sanardi. Shuning uchun qayinaka, qayinuka, qayinopa hamda singillarni ismi bilan emas, ularni o‘zlariga xos xislat va fazilatlari bilan yoki boshqa bir ism bilan chaqiringlar, deya qayta-qayta tayinlardi. “Qaynotangdan hamisha uyal, qaynonangning izzatini qil, ularga yaxshi munosabatda bo‘l”, derdi. “Uyingni, farzandlaringni shunday ozoda tutginki, sendan birov jahllanib tursa-da, bularni ko‘rib, ko‘ngli yumshasin. Ayniqsa, erkaklar ozodalikni, chiroyni xush ko‘rishadi”, deb nasihat qilganlari hamon yodimda.

Momom rahmatli mana shu pandlarini to umrining so‘nggigacha nevara-yu chevaralardan darig‘ tutmadi. Aslida barcha o‘zbek onalarining ezgu tilagi, amali ham shudir. Axir, bejizga Sharq ayollarining hayo-ibosi, latofati, milliy odobi e’tirof etilmaydi.

© Ijtimoiy tarmoqdan.

FIKRAT.UZ - Ramazon oyini bizning kanal mutolaasi bilan o‘tkazing.

Javoblarni e’lon qilamiz!

To'g'ri Javoblar: 1. Shamol! 2. Sahro!

Manba: "Alkimyogar" 71-bet va 134-betlar.

To‘g‘ri javob berganlarni tabriklaymiz!

FIKRAT.UZ - Ramazon oyini bizning kanal mutolaasi bilan o‘tkazing.

#viktorina_savol

1. Paulo Koelo Unga shunday ta'rif beriladi: Ular butun olamni kezib yuradilar, ularning tug'ilgan yerlari ham yo'q, o'ladigan joylari ham yo'q. Arablar uni suvlari mo'l ko'l bo'lgan qora tanli odamlar yashaydigan o'lkalardan keladi deb o'ylashardi.

Diqqat Savol: Ularni aniq ayting?

2. Paulo Koeloning "Alkimyogar asarida Uni "Makkora ayol"ga o'xshatadi va Uni odamlarni aql hushidan tez-tez begona qilib turadi deb ta'kidlab o'tiladi.

Diqqat Savol: Asardan uzoqlashmagan holda Uni ayting?

Javoblarni komentariyada qoldiring. Javob 11:30 da e’lon qilinadi.

FIKRAT.UZ - Ramazon oyini bizning kanal mutolaasi bilan o‘tkazing.

​​​​AYBSIZ AYBDORLAR
(juda ibratli)

Yangi qurilgan mahallaga ikkita qo‘shni ko‘chib kelishibdi. Ulardan birining uyida har kun urush janjal bo‘larkan.
Ikkinchi qo‘shni ittifoqda sokin yashar ekanlar.. Janjalkash oila ularga hasad qilar ekanlar.
Axiri urushqoq ayol eriga debdi:
– Boring kuzatingchi, nega ular hech urishmaydilar yoki urishsalar xam tashqariga eshittirishmaydilarmi?

Urushqoq ayolning eri berkinib, asta tinch oilani kuzata boshlabdi. Ayol yulakchaning polini yuvayotgan edi, biroq telefon qo‘ng‘irog‘iga chalg‘ib, oshxonaga kirib ketdi. Shu vaqt xojasi bir narsasini unutib ishdan birrovga uyiga shoshib keldi-yu yo‘lakchada pollatta solingan chelakdagi suvni ag‘darib yubordi. Hammayoq shalabbo bo‘ldi.

Bu holatni poylab turgan qo‘shni o‘ziga dedi: “Ana endi tamom hammasi, hozir janjal bo‘ladi!”

Shu vaqt ichkaridan oila bekasi yugurib chiqdi-da
– Uzr begim, men aybdorman. Chelakni beparvolik qilib oyoq ostida qoldiribman – desa.
Xojasi:
– Hechqisi yo‘q, bekam, mening o‘zim aybdorman. Oyoq ostiga qarashim kerak edi, – debdi.
Bu holatni ko‘rgan janjalkash er uyiga mahzun holda qaytib keldi va janjalkash xotiniga dedi.
– Tushunarli, men hammasini tushundim! Ularning uyida "aybsizlar" yashar ekan, bizni uyimizda esa "aybdorlar"...

P.S.: Birodarlar, bir-birimizdan ayb qidiravermaylik...

FIKRAT.UZ - Ramazon oyini bizning kanal mutolaasi bilan o‘tkazing.

FIKRAT kanalida reklama berishingiz uchun sabablar:

1️⃣ FIKRAT kanalining obunachilar  jonli va aktiv.

2️⃣ Kanalga koʻp maʼlumot tashlanmaydi. Bir kunda 5-6 ta post joylanadi. Bu esa reklamangizni postlar orasida qolib ketmay, barcha obunachilar eʼtibor berishini taʼminlaydi.

3️⃣ Kanal saviyali obunachilardan iborat. Bir kunda faqat 1 dona reklama joylanadi.

Tavakkalchilikka asoslangan kanallar 1xbet, porno materiallari bor kanallar, davlat siyosatiga qarshi bo‘lgan kanallar reklama qilinmaydi.

1 soat top / 1 kun lentada 50 000 so‘m
2 soat top/ 1 kun lentada 65 000 so‘m
1 soat top 30 000 so‘m
2 soat top 50 000 so‘m

22:00 dan ertalab 6:00 gacha topda 3 kun lentada 80 000 so‘m

Reklama matni buyurtmachi tomonidan yozib beriladi.

Bir oyda ikki marta reklama olganga 20% chegirma

Unutmang, xarajatsiz harakat nolga teng!

Reklama berish uchun @UlugbekJamolidinov ga murojaat qiling!

📱 Kanalga ulanish: FIKRAT.UZ

​​Hali so‘ralamiz...

Barchasidan so‘ralamiz...

Bekorchi o‘tgan vaqtdan, ne’matlardan...

Shukr qilganlarimizdan, qilmaganlarimizdan...

Ranjigan, ranjitgan ko‘ngillarimizdan...

Sababsiz qoldirgan namozlarimizdan...

Bilmasdan so‘zlangan so‘zlardan... Haq bo‘la turib, haqiqatni aytolmaganimizdan, qo‘rqqanimizdan...

Alloh yo‘lida qiladigan ishlardan voz kechganimizdan...

Yordam berish qo‘limizdan kelsa-da, hech ikkilanmasdan indamay ketganimizdan...

Birovni o‘zi yo‘q vaqtida ortidan gapirgan gaplarimizdan, kulganimizdan...

Gunohligini bilib turib, tiyilmaganimizdan... O‘zimizni tiyolmaganimizdan... Asrolmaganimizdan...

Insonlarga nasihat qilib, o‘zimiz amal qilmaganmizdan...


So‘ralamiz...

Baridan, barchasidan so‘ralamiz...

FIKRAT.UZ - Ramazon oyini bizning kanal mutolaasi bilan o‘tkazing.

Javobni e’lon qilamiz.

Javob: Oyna

Izoh: "Yashamoq sokinlik istar" kitobida Rumiyning iqtibosi berilgan edi: "ayb qidirayotgan bo'lsang barcha oynalar seniki."
Buyuk Britaniyada Ikkinchi jahon urushi davrida ovoz to'lqinlarini aks ettiruvchi oynalar yani "akustik oyna" ishlatilgan.

To‘g‘ri javob berganlarni tabriklaymiz!

FIKRAT.UZ - Ramazon oyini bizning kanal mutolaasi bilan o‘tkazing.

#viktorina_savol

"Yashamoq sokinlik istar" kitobida shunday iqtibos keltirilgan ayb qidirayotgan bo'lsang barcha X lar seniki. Buyuk Britaniyada Ikkinchi jahon urushi davrida dushman samolyotlaridan kelayotgan tovush to'lqinlarini aniqlash uchun ovoz to'lqinlarini aks ettiruvchi X lar ishlatilgan.

Diqqat savol: X nima ekanligini yozib bering?

Javoblarni komentariyada qoldiring. Javob 11:30 da e’lon qilinadi.

FIKRAT.UZ - Ramazon oyini bizning kanal mutolaasi bilan o‘tkazing.

#kechki_mutolaa

Qirq yashar maktab o‘qituvchisi saraton xastaligigiga chalindi. Shifokorlar uzog‘i 1 yil umringiz qoldi deyishdi...

O‘qituvchini bir savol qiynardi: o‘lganimdan keyin xotinim va qizlarim qanday kun ko‘radi?

  ingliz tili va adabiyotidan dars berardi, bestseller bo‘ladigan roman yozib, mualliflik huquqini oilasiga meros qoldirishdan boshqa jo‘yali reja xayoliga kelmadi. Avval umrida hech asar yozmagan bo‘lsa ham, hozirgi ahvoli va qolgan kamgina vaqti nuqtayi nazaridan boshqa biron biznes boshlashga imkoni ham yo‘q edi. Xullas, u roman yoza boshladi.

Maqsadi yuksad adabiy durdona yaratish emas, shunchaki ommabop asar yozish edi. Jon-jahdi bilan kirishdi. Shu darajadaki, hayotini faqat bir yilu bitta xonadan iborat deb tasavvur qildi. Har kuni asari ustida ishladi, hech nimani o‘ylamadi: na kasalini, na tuzalishni. Muddat tugagunicha ishni yakunlay olsa bas.

  bo‘lajak romani o‘quvchilarini xuddi maktabdagi o‘zining o‘quvchilaridek tasavvur qildi. Asari qahramonlarini ham o‘quvchi bolalardek deb bildi, ulardan ilhomlandi, butun o‘qituvchilik tajribasi davomida bolalar bilan bo‘lgan muloqoti, ta’sirlari va xulosalaridan foydalandi.

O‘ziga shartli ravishda berilgan yil nihoyasiga yetar-yetmas roman bitdi. Qahramonimiz qo‘lozmani nashriyotga topshirib, shifokor qabuliga bordi. Shifokor esa rentgen suratlari, qon tahlillari va boshqa tekshiruvlar natijalarini qayta-qayta ko‘rib, ko‘zlariga ishonmadi – saraton chekingandi! Bemor sog‘aya boshlagandi.

O‘sha o‘qituvchi –  hozirda jahonga mashhur yozuvchi Entoni Bordjes edi, uning “Uyg‘otuvchi apelsin” romani haqiqiy bestseller bo‘ldi. Asar asosida keyinchalik Stenli Kubrik suratga olgan film katta shov-shuv va janjallarga sabab bo‘ldi, hatto bir muddat taqiqlab ham qo‘yildi
(bu boshqa tarix).

Bordjes o‘sha romandan keyin yana 50 dan ortiq kitob yozdi. Bu ham kamdek musiqa yoza boshladi: 175 ta musiqa asari yaratdi! Hatto simfonik orkestr ham Borjersga musiqa buyurtma qilgan...

Yozuvchi mudhish tashxisdan keyin yana 34 yil yashadi va 1993-yilda o‘pka saratonidan vafot etdi (taqdir). Ammo bir saratondan boshqasigacha u dunyoga mashhur ijodkor bo‘lib yashashga ulgurdi.

Ijod, sevimli kasb shunday – davolaydi, yuksaltiradi. Ishga oyog‘ingizni sudrab kelsangiz, istamay ishlasangiz, hafsalasiz shug‘ullansangiz – kasb sizni yemiradi, yeydi! Har kimsaga ko‘ngliga yoqqan kasb bilan shug‘ullanish va undan manfaat ko‘rish baxti nasib etsin.

Qolaversa, har birimizning ichimizda hali o‘zimiz bilmagan bir iste’dod mudrab yotgan bo‘lishi mumkin.
Mashhur rassom Gogen 40 yoshidan keyin rassomchilik bilan shug‘ullana boshlaganini bilasiz. Aslida yosh juda shartli narsa, agar o‘zingizda kuch va iqtidor sezsangiz, faoliyat turini o‘zgartirish uchun 40-50-60 yosh ham kech emas.

FIKRAT.UZ - Ramazon oyini bizning kanal mutolaasi bilan o‘tkazing.

Javobni e’lon qilamiz!

Javob : Quyoshga qarash

Izoh : Galiley 1638-yilda ko'r bo'lib qoladi. Bunga sabab deya u juda ko'p marta quyoshga qaragani bilan izohlaydi.

To‘g‘ri javob berganlarni tabriklaymiz!

FIKRAT.UZ - Ramazon oyini bizning kanal mutolaasi bilan o‘tkazing.

#viktorina_savol

Galileo Galiley hayotida 1638-yilda zulmatli kunlar boshlanadi. Keyinchalik olim eslashicha bunga sabab yoshligidan juda tez-tez ko'p marta "bu ishni" qilgani bilan izohlaydi.

Savol : Bu ish " so'zlari bilan almashgan, bir xil harfdan boshlanuvchi ikki soʻzda ayting.

Javoblarni komentariyada qoldiring. Javob 11:30 da e’lon qilinadi.

FIKRAT.UZ - Ramazon oyini bizning kanal mutolaasi bilan o‘tkazing.