Fikr1yat

Assalomu alaykum va rohmatulloh
Jumaning hayri va barokati sizlarga boʻlsin!

ХАТО

• Аввал қалбни ўлдириб, сўнгра пичирлаб, "мени кечир, мен атай қилмадим" демоқлик улкан хато...
• Ҳар вақт хиёнат, сотқинлик қилиб, кейин "мен ўзимни тўғрилайман ишон менга", демоқлик ҳато...
• Кимнингдир шахсиятини тупроққа қориштириб сўнгра "мен хазил қилдим, узр" демоқлик хато...
• Қўрқоқларча қочиб қолиб "мен ҳозир келаман", демоқлик хато...
• Гўёки ўзни аввалгидек тутиб, аслидаги (қалбдаги) ниятни яширмоқ хато...
• Бир инсон қалбига кириб ёки кирмасдан ёки кетмасдан у инсонга умид бермоқлик хато...
• Унутманг!
• Ҳаёт бир жойда тўхтаб турмайди. Сиз бугун одамларга қандай муомалада бўлсангиз, эртага сиз ҳам улардан худди шундек муомалани кутинг.
• Барча нарсага, албатта, тўлов вақти келади...

©ibratdir_dunyom kanalidan ulashildi

#nazm

Buncha zoʻr boʻlmasa Allohning satri,
Hatto koʻrinamiz avliyolardek.
Oshib borar ekan insonning qadri,
Yashashga urinsa anbiyolardek.

Oq-qora yoʻllarda qadamlar chalkash,
Turfa ranglar ichra koʻzlar qamashgan.
Koʻngil bir mashina, bizlar kirakash,
U yoqdan buyoqqa quvonch, dard tash(i)gan.

Bolalik quyoshi zarrin nur sochar,
Zamon devorlari ortidan hanuz.
Kimdir haqiqatdan yuz burib qochar,
Kimdir vijdon bilan kelar yuzma-yuz.

Men esa soʻzlarni elayman hamon,
Noqis idrokimning tor elagida.
Azroil kelguncha kezib yuraman,
Oʻlim chizigʻining tevaragida.

© gharibiy kanalidan ulashildi

Bu bo'yicha butun boshli platforma topdim va u men o'ylaganimdan ancha salmoqli. Eng qizigʻi, loyiha mualliflari kutubxonaga bepulga o'rnatishgan va boshqa kutubxonalarga ham bepulga o'rnatib yurgizib berishga tayyor. Ha do'stlar bepul. Men ushbu platformani Toshkentdagi 2 ta kutubxonaga taklif qildim. Ammo e'tiborsizlik, ham kutubxona xodimlarini, ham kitobxonlarni qiyinchiliklarini yengishga va kutubxonani ommalashtirishga qaratilgan ushbu loyiha shunchaki rad etildi yoki men to'g'ri yetkaza olmadim. Endi yaxshilab tayyorlanib boshqa kutubxonalarga taklif qilishni reja qilyapman. Loyiha men tomonimdan ishlab chiqilmagan ammo uni yanada rivojlanishiga va ommalashishiga hissa qo'shmoqchiman.

Kutubxonalarda tanishingiz bo'lsa menga xabar qilsangiz ushbu platformani(sayt, bot) ommalashtirishda birgalikda hissa qo'shamiz INSHAALLOH. Xavotirlanmang, ishonchli bir necha oydan beri samarali ishlamoqda. Takliflarni kutib qolaman @developer_622

Салафлардан бирлари айтадилар: "Агар дуомиз ижобат бўлишини хоҳласак, дўстларимизнинг ҳақларига ўзларига билдирмай дуо қилардик".

© Mubashshirahmad kanalidan ulashildi

Ushbu kun fojia va buni butunjahon qaygʻu bilan eslaydi. O'sha mashʼum kunlarda nari borsa 40 nafar kishi vafot etgan. Hozirda Falastinda 40 mingdan ziyod odam o'ldirildi. Og'zini to'ldirib ozodlik, erk uchun kurash deb qichqirgan g'arb G'azoliklarni yostigʻini quritmoqda.

Qiziq savol: Qachon ushbu daxshatli kunlarni ozodlik bayrami sifatida butunjahon nishonlaydi?
Biz shunaqa bayramni kutyapmizmi?

Bugun Xalqaro talabalar kuni. U qanday kelib chiqqan?

Bu voqeaga 85 yil bo‘lganiga qaramay, 17-noyabr Xalqaro talabalar kuni sifatida nishonlanadi. Biroq uning tarixiy kelib chiqishi g‘oyat fojiali ekanini ko‘pchilik bilmaydi.

1939-yil 28-oktyabrda Pragadagi Charlz universiteti talabalari Chexoslovakiya Respublikasi mustaqilligining 21 yillik bayrami munosabati bilan miting o‘tkaziladi.

Ushbu namoyish fashist bosqinchi kuchlari tomonidan shafqatsizlarcha bostiriladi. 15 nafar talaba og‘ir yaralanadi va ulardan biri ikki hafta o‘tgach jarohat oqibatida vafot etadi. Bundan qayg‘uga tushgan talabalar 15-noyabr kuni Praga shahri bo‘ylab dafn o‘tkazish marosimini fashist kuchlariga qarshi namoyishga aylantirib yuboradi.

1200 dan ortiq talabalar hibsga olinadi. 1939-yil 17-noyabrda namoyishchilarning 9 nafari – 8 talaba va 1 professor qatl etiladi. Deportatsiya qilingan 1200 nafar talabadan kamida 20 nafari qamoqda omon qolmaydi.

1941-yilda Londonda Xalqaro talabalar kengashi bo‘lib o‘tadi va Kengashda ushbu voqea munosabati bilan talabalar qatl qilingan sana – 17-noyabr - Xalqaro talabalar kuni, deb e’lon qilingan.

Bugungi kunda Chexiya va Slovakiyada 17-noyabr “Ozodlik va demokratiya uchun kurash kuni” sifatida nishonlanadi.


©xushnudbek

Assalomu alaykum va rohmatulloh
Jumaning hayri va barokati sizlarga boʻlsin

Jiddiy qarorlarni qabul qilishdan oldin yaxshilab oʻyla, fikr qil. Maslahat qil va yakunda istixora namozini ham ado qil. Keyin oqibatini oʻylab afsus chekma.

Assalomu alaykum va rohmatulloh
Jumaning hayri va barokati sizlarga boʻlsin

#Uyqu

Uyquning turlari
Mas’ud ibn Mahmud ibn Yusuf as-Samarqandiy ozlarining "Saloti Mas’udiy" asarida uyquning turlari haqida quyidagi turga bolganlar. Ular:

1. Sunnat uyqu. Oftob ko‘tarilib, to peshin namozigacha bo‘ladigan oraliqdagi bu uyqu “qaylula” deyiladi. U aqlni ko‘paytiradi.

2. Bid’at uyqu. Peshin namozi vaqtidagi uyqu.

3. Telbalikka sabab bo‘ladigan uyqu. Bu asr namozidan keyingi uyqu bolib devonalik, parishonxotirlik va telbalikka sabab bo‘ladi.

4. Uqubatga sabab bo‘ladigan uyqu. Kishi xufton namozini o‘qimasdan uxlasa, bu dunyoda ham, oxiratda ham azob-uqubatga qoladi.

5. Odatiy uyqu. Xufton namozidan keyingi boladigan odatiy uyqu.

Bu uyquni ulamolar muboh- savob ham gunoh ham bolmaydigan uyqu deganlar. Eng foydali vaqti kechki 22:00 dan 24:00 gacha bolgani tajribalardan bilingan. Tungi 24:00 gacha bolgan uyquning har bir soati 24:00 dan keyingi ikki soat uyqu quvvatiga teng.

6. Nadomatga sabab bo‘ladigan uyqu. Tongotar vaqtida uxlash. Shuningdek, ilmiy majlis bo‘layotgan vaqtida uxlash ham nadomatga sabab bo‘ladi.

7. G‘aflat uyqu. Tong otayotganida uxlab yotish. Rasululloh (sollallohu alayhi va sallam) qizlari Fotima (roziyallohu anho) ga: “Tongda uxlab yotmagin, chunki bu vaqtda uch narsa: yaxshilik, odob va baraka taqsimlanadi”, dedilar. Kim tong otayotganida uxlab yotsa, shu uch narsadan quruq qoladi.

8. Faqirlikka sabab bo‘ladigan uyqu. Bomdoddan keyin kun chiqquncha uxlab yotish kambag‘allikka, devonalikka, qarzdorlikka sabab bo‘ladi.

9. G‘aromat (ziyon) uyqu. Kishining ibodatdan so‘ng duoda, sanoda, salovatda, qiroatda ko‘zi ketib qolsa, g‘aromat uyqu sanaladi.

10. Rohat uyqu. Kasal va go‘daklarning uyqusi. Ular qancha ko‘p uxlasa, foyda va rohat olishadi.

11. Ibodat uyqu. Olimlar, obidlar va ro‘zadorlarning uyqusi. Kishi xufton namozidan so‘ng tahoratli uxlasa, farishtalar himoyasida bo‘ladi.

12. Karomat uyqu. Tunda namoz o‘qib turib, charchab sajdada uxlab qolish".

Kop uyqu ham insonga foyda emas, zarar qiladi. Asalning ham kopi zarar deganlaridek, uyquning kopi ham organizmga salbiy tasir korsatadi. Olimlarning fikricha, keragidan ortiq uxlash turli muammolarga — semirish, tushkunlik, yurak xastaliklari va boshqa noxushliklarga sabab bo`lar ekan.

“Jo‘ybori Kalon” ayol qizlar
o‘rta-maxsus islom ta’lim muassasasi
o'qituvchisi M.Mirzayeva

Internet sahifasidan olindi

Assalomu alaykum va rohmatulloh

Jumaning hayri va barokati sizlarga boʻlsin!

• Бир ёш бола: "Менда сизга аталган катта маблағ бор" деса, унинг мавқеи ва даражасидан келиб чиқиб, "Ўн сўм берса керак" деб ўйлайсиз.
• Агар банк мудири: "Менда сизга аталган катта маблағ бор", деса, унинг мавқеи ва даражасидан келиб чиқиб, "Миллион сўм берса керак" деб ўйлайсиз.
• Агар подшоҳ: "Менда сизга аталган катта маблағ бор" деса, унинг мавқеи ва даражасидан келиб чиқиб, "Миллиард сўм берса керак" деб ўйлайсиз.
• Шундай экан, оламларнинг Робби Аллоҳ азза ва жалланинг "Солиҳ бандаларим учун жаннатда кўз кўриб, қулоқ эшитмаган, инсон қалби ҳис қилмаган нарсаларни тайёрлаб қўйдим" деган сўзини ўқиб, нима деб ўйлаяпсиз?!

© Ибратдир дунё kanalidan ulashildi

Assalomu alaykum va rohmatulloh
Jumaning hayri va barokati sizlarga boʻlsin!