𝐅𝐚𝐫𝐨𝐡𝐮𝐧

Assalomu alaykum

Hayotingizga yangi bilim, hikmat va ilhom olib kiradigan ajoyib kanal izlayapsizmi? Sizlar uchun

Ramazon oyiga tayyorgarlik Self-care loyiha tashkil qilingan.

U orqali :
- ramazonni barokatli oʻtkazish podcastlari
- toʻgʻri ovqatlanish
- tajvid darslari
- ruhiy barqarorlikka erishish bo‘yicha ajoyib maʼlumotlarni olishingiz mumkin.

~ Toʻliq maʼlumot
~ Loyiha haqida qatnashuvchilarning izohlari
~ Kanalda koʻplab manfaat topasiz

@nur_tafakkuur da sizni kutamiz🫂💕

Menimcha, ertami kechmi har bir insonning hayotida, barchasini nazoratga olish davri boʻladi.
Oʻzingizga nisbatan hech qanday yordamni, gap-soʻzlarni qabul qilishni xohlamaysiz.
Mas’uliyat his qila boshlaysiz.
Yosh bola emasligingiz, allaqachon ulgʻayganingiz, oʻzini tutishni, toʻgʻri fikrlashni biladigan katta inson ekaningiz haqidagi tushuncha kela boshlaydi.
Bu hayollarning barchasi tinchlik bermaydi va natijada siz…

oʻylaysiz, oʻylaysiz, oʻylaysiz,
oʻylaysiz, oʻylaysiz, oʻylayverasiz.

Sizga xulqingiz, fikrlaringiz, hayot tarzingiz, qalbingiz va tanangizning holati, vaqt oʻtkazishingiz, ba’zi insonlar bilan foydasiz suhbatlaringiz yoqmay qoladi. Oʻzgarishga kirishasiz.

«ey Rahmdil Allohim, atrofimdagi barcha insonlarni Oʻz panohingda asra» degan duoingiz—oʻzingiz sezmagan holda, “Sendan uzoqlashtiradigan barcha narsadan meni uzoq qil" degan duoga aylanadi.

Oʻzingiz sezmagan holda ilm—lazzatliroq, uy esa—eng hotirjam maskanga aylanadi.

Oʻzingiz sezmagan holda, ba’zi insonlarni tark etasiz.
Katta hayot bu.

Oʻzingiz sezmagan holda, musiqaning oʻrnini—darsliklar, ma’vizalar, serial va kinolar oʻrnini esa—kitoblar bosadi.

Oʻzingiz sezmagan holda, barcha iliq tuygʻularingizni—duolaringizgagina chiqarishni boshlaysiz.

Oʻzingiz sezmagan holda, kiyimlaringiz kamtar va bejirim, nigohlaringiz esa faqat yaxshilikni koʻrishga odatlanadi.

Oʻzingiz sezmagan holda haqiqiy baxtni his qilishni va Allohga chinakam shukr keltirishni boshlaysiz..

Ulgʻayishning goʻzal taraflaridan biri ham shu menimcha.

Rizqning eng goʻzal shakli—aslida pul emas.
Koʻngil hotirjamligi, tana salomatligi, qalb pokligi, ona duosi, ota mehri, sizni Alloh uchun yaxshi koʻradigan insonning, siz uchun qilgan iltijosi.
Bu—hech qanday pulga sotib olib boʻlmaydigan narsalar.
Alloh bizga aynan shunday shakldagi rizqdan ato etsin.

Kimdir dunyodan yopilib qolishining sababchisi boʻlmang.
Kimningdir ishi yoki oʻqishida yomon kun boʻlishiga sababchi boʻlib qolmang.
Boshqalarning oʻziga boʻlgan ishonchi sinishining sababchisi boʻlmang.
Kimdir oʻzligini unutishining sababchisi boʻlmang.
Kimningdir koʻz yoshlarining—sababchisi boʻlmang.
Kimdir yaxshi koʻrgan ishini tashlab yuborishiga sababchi boʻlib qolmang.
Sevgiga ishonmay qoʻyishlarining sababchisi boʻlmang.
Oʻz orzu va niyatlariga ishonmay qoʻyishlarining sababchisi siz boʻlmang.
Doʻstlikda raqobat paydo boʻlishining sababchisi boʻlmang.
Yaxshilik, yaxshi insonlar borligiga ishonmay qoʻyishlarining sababchisi boʻlmang.

Har doim insonlarning qalbida yorugʻlikning manbai boʻlishga harakat qiling ☀️😄💞

Shunday vaziyatlar boʻladi-ki, toʻgʻri qaror va oqil fikr—ba’zi bizga uzoq boʻlmagan insonlar tomonidan qoʻrqoqlikdek qabul qilinadi.

Hayotida hammasi 100% yaxshi boʻlgan inson yoʻq. Shunchaki ba’zilar eng ogʻir davrlarni ham sukut saqlab oʻtkazib yuboradilar.

Shunday yoʻllar boʻladi-ki, ularni yolgʻiz bosib oʻtishingiz kerak.
Doʻstlar, oila, sheriksiz, faqat siz va Alloh.
Bunday yoʻllarda shaxsiy qoʻrquvlarimiz, shubha, kutuv va afsuslarimiz bilan toʻqnashamiz.
Aynan shunday paytlarda qaror qabul qilishni, mas’uliyatni oʻz zimmamizga olishni va oʻzimizda kuch topishni oʻrganamiz.

Yolgʻiz bosib oʻtiladigan yoʻllar bizga kerak..

Sovuq soʻz eshitgan koʻngil—qirq yoz koʻrsa ham isimas ekan.

Sizni yaralagan, dilingizni ogʻritgan narsalarni qoʻying, unuting, ketsin.
Lekin ular bergan dars—har doim yodingizda tursin.

Sizdan oldinda boʻlgan insonlar bilan oʻzingizni solishtirayotganingizda, adolat uchun, albatta sizdan ortda boʻlgan insonlarning holati haqida ham oʻylab koʻring.
Hech qachon oʻzingizga past baho bermang.
Eng kamida, sizda bor imkoniyatlar millionlab insonlarning orzusi yoki armoni ekanini unutmang.

Alloh qalbingiz gullashi uchun qanday “tuproq” kerakligini yaxshi biladi.
U hayotingizga turli odamlarni yuboradi: sizni sevuvchilarni, tark etuvchilarni, ilhom beruvchilarni, sizdan shubha qiluvchilarni va sizga ishonadiganlarni.
O‘zining cheksiz muhabbati va ilmi bilan, U ba’zan boshqalar sizga ozor yetkazishga yoki qalbingizni ogʻritishiga izn beradi, lekin bu bilan sizni sindirishni emas, balki sinovlar orqali yashirin va kuchli tomonlaringizni ochishingizni xohlaydi.

Rosululloh sollallohu alayhi va sallam:
«Agar Alloh bir bandaga yaxshilikni xohlasa, uni sinovlarga duchor qiladi» deb marhamat qilganlar.

Hayotingizdagi har bir sinov—sizni sindirmasin.
Aksincha, sizning kuchli tarafingiz, sizdagi yaxshi sifatlarni ochilishiga sabab boʻlsin.

Bir kun kelib, Allohning marhamati bilan qalbing huzurga erishadi, uning ortidan esa uzoq kutilgan xursandchilik ham keladi)