Farg‘ona tumani hokimligi

Tadbirning badiiy qismi ham alohida e’tiborga loyiq bo‘ldi. Maktab o‘quvchilari tomonidan tayyorlangan sahna ko‘rinishlari, Navoiy g‘azallariga moslashtirilgan qo‘shiqlar va raqslar barchaga chuqur taassurot qoldirdi.

Mazkur tadbir Alisher Navoiy merosining yoshlar qalbida barhayotligini, uning so‘zi va ruhi hali ham dillarda yashayotganini yana bir bor isbotladi.

Sayt | Telegram | Facebook | Instagram | YouTube | X

“Navoiy dillarda yashaydi mudom” – Farg‘ona tumanida Navoiyxonlik kechasi bo‘lib o‘tdi

Farg‘ona tumani ixtisoslashtirilgan maktabida buyuk mutafakkir, ulug‘ shoir Alisher Navoiy ijodiga bag‘ishlangan “Navoiy dillarda yashaydi mudom” shiori ostida Navoiyxonlik kechasi tashkil etildi.

Ma’naviy-ma’rifiy ruhda o‘tgan ushbu tadbirda O‘zbekiston Yozuvchilar uyushmasi Farg‘ona viloyat bo‘limi rahbari Dilshoda Ergasheva, adiba Gulchehra Asranova, Yozuvchilar uyushmasi a’zosi, shoir, yozuvchi, tarjimon va romanshunos A’zam Ismoil, shuningdek, Farg‘ona tumani hokimligi, Ma’naviyat va ma’rifat markazi tuman bo‘limi, Nuroniylar kengashi hamda Xalq demokratik partiyasi tuman kengashi vakillari ishtirok etdilar.

Tadbir davomida mehmonlar Alisher Navoiy ijodining bebaho ma’naviy meros ekanini ta’kidlab, uning she’rlari va g‘azallaridan parchalar o‘qib berdilar. So‘z olganlar yosh avlodni Navoiy asarlarini sevib o‘qishga, ma’naviyat va ma’rifatga intilishga chaqirdilar. Ular maktab o‘quvchilariga ilm yo‘lida omad va muvaffaqiyatlar tiladilar.

Sayt | Telegram | Facebook | Instagram | YouTube | X

“Kitob ziyo chashmasi”: Farg‘ona tumanida kitobsevar yoshlar uchun rang-barang tadbirlar o‘tkazildi

Farg‘ona tumani axborot-kutubxona markazida “O‘zbekiston – kitobxonlar yurti” shiori ostida o‘tkazilayotgan V Respublika “Kitobxonlik haftaligi” doirasida navbatdagi mavzuga bag‘ishlangan bir qator ijodiy va maʼnaviy tadbirlar tashkil etildi.

Jumladan, “Kitob ziyo chashmasi” va “Men sevgan asar qahramonlari” rukni ostida rasmlar tanlovi o‘tkazildi. Bu tanlov kitobxon o‘quvchilarning tasavvur olamini, estetik didini va o‘qigan asarlarga bo‘lgan individual yondashuvini ifodalashga xizmat qildi.

Tadbirda faol kitobxonlar bilan bir qatorda tumandagi 5-, 18-, 43-sonli umumiy o‘rta ta’lim maktablari hamda “Barkamol avlod” bolalar maktabi o‘quvchilari faol ishtirok etdilar. Ishtirokchilar o‘zlarining sevgan asarlari asosida chizgan ijodiy ishlari, sahna ko‘rinishlari va qahramonlarga oid ta’sirli mulohazalari bilan barchaga iliq taassurot qoldirdilar.

Tadbir yakunida faol ishtirok etgan o‘quvchilar Farg‘ona tumani axborot-kutubxona markazi jamoasi tomonidan diplom va esdalik sovg‘alari bilan taqdirlandi.

Sayt | Telegram | Facebook | Instagram | YouTube | X

"Umr yaxshilikka safar bo‘lsaydi": Enaxon Siddiqova xotirasiga bag‘ishlangan taqdimot bo‘lib o‘tdi

Farg‘ona tumani axborot-kutubxona markazida “O‘zbekiston – kitobxonlar yurti” shiori ostida o‘tkazilayotgan V Respublika “Kitobxonlik haftaligi” doirasida O‘zbekiston xalq shoiri, Oliy Majlis Senati a’zosi, yuksak ma’naviyat timsoli Enaxon Siddiqovaning xotirasiga bag‘ishlab “Umr yaxshilikka safar bo‘lsaydi” mavzusida kitob taqdimoti o‘tkazildi.

Taqdimot davomida shoiraning hayoti, ijodiy merosi, insoniy fazilatlari hamda yurak to‘ridan joy olgan she’riy satrlari haqida iliq so‘zlar aytildi. Uning samimiy fikrlari, ona yuragidan to‘kilgan tuyg‘ulari va milliy g‘urur uyg‘otuvchi she’rlari yana bir bor kitobsevarlar qalbini larzaga soldi.

Tadbirda adabiyotshunoslar, o‘qituvchilar, kutubxonachilar va yosh ijodkorlar ishtirok etdi. Shoiraning hayoti va asarlari asosida suhbatlar olib borildi, ishtirokchilar uning ijodidan parcha o‘qib, o‘zlarining taassurotlari bilan bo‘lishdilar.

Sayt | Telegram | Facebook | Instagram | YouTube | X