Fargʻona viloyati Kambagʻallikni qisqartirish va bandlik bosh boshqarmasi | Rasmiy kanal

#kambagallikdan_farovonlik_sari

Halol mehnat hayotni farovon qiladi

📌 Muhammadali aka Fozilov bu yilgi daromadi 60-70 mln. so‘m atrofida bo‘lishini chamalamoqda. Binobarin, halol mehnat insonni ulug‘lashiga, hayotini farovon qilishiga qat'iy ishonadi u.

🇺🇿 Bag‘dod tumanidagi "Chekxitoy" mahalla fuqarolar yig‘inining dalaga tutash ko‘chasida kenggina hovli bor. Anchayin eskirgan, devorlari qulashga tayyor uy o‘rnida hozir boshqa imorat qad rostlagan. Bunda Muhammadjon aka turmush o‘rtog‘i hamda 3 nafar farzandi bilan yashaydi.

🏃 Xonadon egasi - mehnatda chiniqqan odam: uncha-muncha ishni ko‘rdim demaydi. Dastlab subsidiya hisobidan tomorqasida 2 sotixli issiqxona tashkil qilib, dehqonchilikni o‘zlashtirdi. Keyin chorvachilikni yo‘lga qo‘ydi. O‘tgan yildan beri esa asalarichilikdan ham yaxshigina daromad olmoqda.

💚 Muhammadali aka suyak yemirilishidan aziyat chekadi (II guruh nogironligi bor), ammo halol mehnat bilan o‘tayotgan har bir kunidan mamnun.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Kambagʻallikni qisqartirish va bandlik vaziri B.Zohidov hamda Bosh prokuror oʻrinbosari I.Adhamov hamkorligida (ZOOM orqali) videoselektor yigʻilishi oʻtkazildi.

Unda O'zbekiston Respublikasi Bosh prokurori oʻrinbosari I.Adhamov hokim yordamchilari faoliyatida uchrab turgan kamchiliklarni tanqid ostiga olib, tizim doirasidagi korrupsiyaviy holatlarni oldini olish, xususan, imtiyozli kreditlar taqsimotini toʻgʻri yoʻnaltirish, uni oʻz egalariga yetkazish va natijadorligini taʼminlashda masʼuliyatni yanada kuchaytirish lozimligini ta'kidlab o'tdi.

Yig'ilishda B.Zohidov hokim yordamchilari faoliyatining 10 oylik natijalari, mahallalarda tanlab olingan xonadonlarni daromadini oshirish boʻyicha chora-tadbirlar ijrosi, kam daromadli oilalarga moliyaviy va konsultativ xizmatlar paketini taqdim etish, kichik ishlab chiqarish, xizmat koʻrsatish va qishloq xoʻjaligi yoʻnalishlarida namunali mikroloyihalarni shakllantirish va ishga tushirish boʻyicha tegishli koʻrsatmalar berdi.

Shuningdek, kambag'allikni qisqartirish va barqaror daromadni ta'minlashda aholi tomorqasi va dehqonchilik uchun ajratilgan yer maydonlaridan samarali foydalanish, oilaviy tadbirkorlikni rivojlantirish, migratsiyadan qaytgan fuqarolarning bandligini taʼminlashda hokim yordamchilari zimmasidagi ustuvor vazifalar muhokama qilindi.

Yigʻilishda Vazirlik markaziy apparati, Bosh Prokuratura va uning hududlardagi soha bo'yicha mas'ullari, Kambagʻallikni qisqartirish va bandlikka koʻmaklashish hududiy boshqarmalari boshliqlari, hokim yordamchilari va boshqa mutasaddi tashkilotlar rahbarlari ishtirok etdi.

@mehnatvazirligi