Erkin Vohidov ijodi

#бобурхонлик
☀️ Хазон яфроғи янглиғ гул юзунг ҳажрида сарғардим,
Кўруб раҳм айлағил, эй лоларуҳ, бу чеҳраи зардим.

Бу нола, бу аламли фарёд ўрта асрлар қаъридан бизга етиб келиб, юрагимизга ларза солади. Андижон тупроғининг фарзанди, "толе йўқи" бошига балолиғ бўлган саркарда ва аламдийда шоир Заҳириддин Бобур қисматини баён қилади, унинг ватандан йироқда, соғинч изтироби билан кечган зардобли кунларидан ҳикоя қилади.
Мана, юртдан олисда, ғарибликда шоирсарой деразасидан боққа қараб ўлтирибди. Куз фасли дарахтларнинг баргини заъфарон қилган. Салқин шабада хазон япроқларини учиради. борлиқда юракни эзувчи бир сокинлик, диққинафаслик. Шоир қўлига қалам олади. Унинг хаёлида ана шу сарғайиб бораётган боғ - ўз умри - ғарибликда ғам билан кечаётган ҳаёти. У бераҳм ёр сиймосида намоён бўлгувчи тақдири азалга мурожаат қилади:

🍁Хазон яфроғи янглиғ гул юзунг ҳажрида сарғардим,
Кўруб раҳм айлағил, эй лоларуҳ, бу чеҳраи зардим.

Хазон япроғи, ҳажр, сарғариш, чеҳраи зард - бир байтда шунча ғамли ташбиҳлар...
Ким билсин, балки шоир хаёлда гулюз, лоларуҳ ёр тимсолида олисдаги гўзал Фарғона водийси намоён бўлгандир, ахир шоир учун ёр ва диёр тушунчалари доимо эгиз. Ахир шеъриятнинг минг йиллик анъанасида ёр тимсоли - инсон қалбининг гўзалликка бўлган ташналигини, соҳир қудратга эга бўлган Холиқ олдидаги ҳайратини ва бу гўзалликлардан вақт келиб абадул-абадга маҳрум бўлишга маҳкум этилган жонларнинг ғуссасини ифода қилиб келган. Шунинг учун ёр - гўзаллик тимсоли, бераҳмлик тимсоли, бевафолик тимсоли. Бамисоли дунё, тириклик, умр, жон каби....🍂

✍ Ўзбекистон Қаҳрамони, Ўзбекистон халқ шоири Эркин Воҳидов

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.com

#бобурхонлик
☀️ БОБУР МИРЗО ҒАЗАЛИГА МУХАММАС

Етолмай қоматим ёдур неча ойким, ҳилолингга,
Қаро кўз мардуми йиғлаб тикилмоқ бирла ҳолингга,
Қачон ул тотли кун келгай, етарман лаҳза болингга,
Қачон бўлғай, мушарраф бўлғамен, жоно, жамолингга,
Қутулғаймен фироқингдан, етишгаймен висолингга?

Қаро бўлмиш, не тонгким, рўзигорим қора ул кўздин,
Қаро ўқ отди киприклар, кўнгилда ёра ул кўздин,
Ўзим собитман ишқда, кўз ёшим сайёра ул кўздин,
Кўз очқил боққаниким, бўлмишам бечора ул кўздин,
Лаб очқил сўрғаликим, ташна бўлмишман зилолингга.

Саломим еткур, эй хуршид, нигорим кўйидан ўтсанг,
Ғуборин кўзга сур остонасига бош уриб етсанг,
Бўл огоҳким, юзин кўргач ажаб йўқдир куйиб кетсанг,
Ул ойнинг юзи бирлан тўш уриб даъвойи ҳусн этсанг,
Яқин бўлди букунким, эй қуёш, еттинг заволингга.

Нетар мендан бориб, булбул, анга шарҳи кўнгил этсанг,
Ўзинг кўнглим бўлиб борсанг, анинг кўнглини гул этсанг,
Керакмас, ғамларим сўйлаб агар кўнглин малул этсанг,
Кабутар, элтасан хатим, не бўлғай гар қабул этсанг,
Кўнгулни боғласам ул нома янглиғ парру болингга.

Асири банди зулфингман, демам Эркинни озод эт,
Куйибман доғи жабрингдан, демасман тарки бедод эт,
Мени банд эт, менга жабр эт, ҳаётим майли барбод эт,
Белингдин ким хаёлидур, йироқдурман, мени ёд эт,
Умидим борки Бобурдин, етишгаймен хаёлингга.

✍ Ўзбекистон Қаҳрамони, Ўзбекистон халқ шоири Эркин Воҳидов, 1968 йил

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.com

☀️ Эркин Воҳидов "Ўзбегим" қасидасидаги "ўзбегим" радифини келтиришларида ҳазрат Алишер Навоийдан илҳомланганликларини биласизми?
Буюк мутаффакир Алишер Навоий "ўзбек" сўзини қўллаган мисраларга эътибор беринг--а...

📜Ҳалол она сутидекдур гар ўзбеким тутса, 
Тобуқ қилиб юкунуб тўстағон ичинда қимиз.

***

📜Шоҳу тожу хилъатиким, мен тамошо қилғали
Ўзбегим бошида қалпоқ, эгнида ширдоғи бас.

***

📜Агар ҳусн ўлса қотил, зор не дарвешу не султон,
Вагар ишқ ўлса комил, ёр не ҳиндуву не ўзбак.

***

📜Ўзбек, мўғул ўлғай анинг оллида мусулмон,
Билман ани қалмоқмудур, йўқ эса тағмоч.

***

📜Ўзбекий гулнори тўндин куйдум, аммо ўлтурур,
Лемуйий терлик анинг остидаким, жонон кияр.

***

📜Боронғор12 анга хайли Машриқ замин,
Самарқанддин токи сарҳадди Чин.
Яна юз минг ўзбек мўғул бирла зам,
Юз эллик минг ул сори қалмоқ ҳам.
Бўлуб борчаси олти юз минг киши,
Борига ҳунар кин ила разм иши.

***

📜Яна манғит ўзбек била ёндашиб,
Ики зулфдек тузлари чирмашиб.
Боз узра довулғалар чаркасий.
Кумушдек ёруғ барчанинг кўҳаси,

✍  АЛИШЕР НАВОИЙ ғазаллари ва достонларидан олинди.

✅ Ўзбек сўзи баъзи асарларда араб ёзуви ва форс тили таъсири доирасида "Ўзбек, Ўзбег" ўрнида "Ўзбак" каби берилган.

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.com