OLTIN
Oltindan so‘rdilar: “Yomon yonding-a,
Seni yoqqanlarga nafrating bordur?”
Oltin javob berdi: “Tushsa yodima,
O‘zgacha muhabbat ko‘nglimga yordir:
Bilasizku meni sal oldin damlar
Tuproqqa qorishiq yalloligimni,
Yondirmasa edi bugun odamlar,
O‘zim ham bilmasdim tilloligimni.
...Bugun mehmon bo‘ldim ulug‘ zargarga,
Odamlar poyimda ko‘z yosh to‘kurlar.
Tashakkurlar meni yondirganlarga,
Yongan kunlarimga behad shukurlar!!"
Ey ko‘nglim, yig‘lama, chekaverma g‘am,
Quyosh kulib qolar qaro damlarga.
Oltinga aylansang bir kuni sen ham,
Tashakkurlar deysan yondirganlarga!
- Xayrulla Hamidov
📚 @e_kutubxona
Oltindan so‘rdilar: “Yomon yonding-a,
Seni yoqqanlarga nafrating bordur?”
Oltin javob berdi: “Tushsa yodima,
O‘zgacha muhabbat ko‘nglimga yordir:
Bilasizku meni sal oldin damlar
Tuproqqa qorishiq yalloligimni,
Yondirmasa edi bugun odamlar,
O‘zim ham bilmasdim tilloligimni.
...Bugun mehmon bo‘ldim ulug‘ zargarga,
Odamlar poyimda ko‘z yosh to‘kurlar.
Tashakkurlar meni yondirganlarga,
Yongan kunlarimga behad shukurlar!!"
Ey ko‘nglim, yig‘lama, chekaverma g‘am,
Quyosh kulib qolar qaro damlarga.
Oltinga aylansang bir kuni sen ham,
Tashakkurlar deysan yondirganlarga!
- Xayrulla Hamidov
📚 @e_kutubxona