Dunyo xabarlari 🌐

Фарғона вилояти ҳокими Хайрулло Ҳайитбаевич Заправкада вафот этганлар оиласидан хабар олиб керакли ёрдамларни кўрсатгани маълум бўлди.

Farg'ona24 га вилоят ҳокимлигида ишловчи мансабдорнинг маълум қилишича, вилоят ҳокими шахсан ҳалок бўлганлар оиласига ташриф буюриб улар билан суҳбатлашган ҳамда ҳамдардлик билдирган. Жанозада ҳам қатнашган. 4 нафар оила вакилларига ёрдам пуллари кўрсатилган.

Соғлиқни сақлаш бошқармаси раҳбарияти билан журналистик сўров ўтказганимизда улар қуйидаги маълумотларни Фаргона24 таҳририятига тақдим этди. Натижада қолган барча хабарлар ассосиз эканлиги юзага чиқди.

Фарғона вилояти Соғлиқни сақлаш бошқармасига кўра:

2024 йил 17 декабрь куни соат 14:00 атрофида Республика шошилинч тиббий ёрдам илмий маркази Фарғона филиалига Фарғона шаҳридаги ёқилғи қуйиш шохобчасида содир бўлган ўт чақнаши оқибатида жароҳат олган 13 нафар фуқаро олиб келинган. Улардан 1 нафари ўлик ҳолатда келтирилган ва уни суд-тиббий экспертизага йўналтирилган.

2024 йил 17 декабрь соат 15:00 ҳолатига кўра, 2 нафар бемор болалар реанимация бўлимида даво чоралари кўрилиб, уларга “Алангадан кейинги тананинг бош, юз, бўйин, иккала қўл елка, билак, кафт, бармоқ, кўкрак, қорин, иккала курак, бел ва иккала оёқ сон, болдир соҳаларининг II-III AБ-даражали 90 фоиз термик куйиши, II-III-даражали юқори нафас йўлларининг термоингаляцион жароҳати, куйиш шоки ўта оғир даражаси, асистолия” ташхиси қўйилган. Умумий аҳволи оғир бўлган. Кейинчалик кўрсатилган тиббий ёрдамга қарамасдан улар вафот этган.

Шу куни нейрохирургик реанимация бўлимига 3 нафар бемор ётқизилган. Уларга алангадан II-III АБ даражали 70-90 фоиз куйиш даражаси ташхиси қўйилган. Бугунги кунда умумий аҳволи ўта оғир. Мазкур бўлимдаги 1 нафар аёлга реанимация бўлимида даво чоралари кўрилиб, унга куйиш ташхиси қўйилган ва кўрилган реанимацион чора-тадбирларга қарамай соат 23:25да бемор вафот этган ва уни суд-тиббий экспертизага йўналтирилган.

4 нафар бемор комбустиология бўлимида даволанмоқда. Уларга алангадан юз, бўйин, иккала қўл, билак-кафт бармоқ соҳаларининг II-III А ва 20 фоиз термик куйиш даражали ташхиси билан керакли даво муолажаларини олмоқда. Умумий ҳолати стабил, ўртача оғир.

Яна 3 нафарига куйишдан енгил жароҳат олгани ва аҳволи қониқарли бўлгани сабабли шифокорлар кўригидан сўнг уйларига жавоб берилган.

Ҳозирда шифохонада 6 нафар бемор пойтахтдан келган малакали мутахассислар назоратида даволанмоқда.

Шермухаммад Дехқонов

👉🏻 @Dunyo_xabariuz 🌍

Ўғлига алимент тўлаган ота, кексайганда ўғлидан алимент ундирди

Фарзанд хорижга таълим олиш учун чиқиши керак, бироқ МИБнинг алиментга ўрнатилган чеклови бор эди.

Олтинкўл туманида яшовчи 73 ёшли отахон Қ.М.нинг айтишича, биринчи аёли билан ажрашиб кетгач, фарзанди вояга етгунга қадар алимент тўлаган. Ҳозирда эса пулга муҳтожлиги сабаб, ўзи бир вақтлар алимент тўлаган ўғлидан алимент ундириб берилишини сўраб мурожаат этган.

Суднинг ижро варақасига кўра, ўғил отага ҳар ойда 250 000 сўм миқдорида алимент тўлаб бориши белгиланган. Ижро ҳаракатлари давомида алимент пуллари отахонга ойма-ой ундириб берилган.

Ҳозирги вақтда ўғил Россия давлатида ўқиётганлиги сабабли, хорижга чиқиш чекловларини олиб ташлаш учун отасига олдиндан алимент тўловларини тўлаб беришини билдирган. Отанинг розилигига асосан, 5 000 000 сўм алимент пуллари ундириб берилди. Шундан сўнг, ундирувчи Қ.М. ўз хоҳишига кўра, ижро ҳужжатини қайтариб олди.

👉🏻 @Dunyo_xabariuz 🌍

❗️🧊 Қор ёки ёмғирда ҳайдовчилар учун жарима бекор бўлиши мумкин

Ўзбекистонда ҳайдовчилар йўл чизиқларини бузганлик учун жарима тўлашдан озод этилиши мумкин, агар бу ҳолат йўлнинг қорга тўлиб ёки ёмғир туфайли чизиқлар кўринмай қолган пайтида содир бўлган бўлса. Бу қонунчиликда белгиланган.

👉🏻 @Dunyo_xabariuz 🌍

Йирик давлат компаниялари трансформациядан ўтиб, ташқи молия бозорига чиқмоқда.

Энди тадбиркорлар ҳам банклар берадиган кредит билан чекланиб қолмасдан, халқаро стандартларга мослашиб, четдан мустақил ресурс жалб қилиш вақти келгани таъкидланди.

Энг муҳими, халқаро молия ташкилотлари бу борада яқиндан ҳамкорлик қилишга тайёр турибди.

Савдо-саноат палатаси халқаро консалтинг компанияларини жалб қилиб, тадбиркорларнинг ташқи молия бозорларига чиқишига кўмаклашувчи марказ очиши муҳимлиги қайд этилди.

Бу орқали келгуси йилнинг ўзида камида 100 та маҳаллий компания халқаро молия бозорлари билан ишлашга ўргатилади.

👉🏻 @Dunyo_xabariuz 🌍

Ёшлик «эликсири» топилди

Хитойлик олимларга кўра, у жигар томонидан ишлаб чиқарилади.

Литохолий кислотаси — очлик вақтида ажралиб чиқадиган зардоб тури. У организмда тикланиш ва ёшариш жараёнларини фаоллаштирувчи AMPK ферментини ишлаб чиқаради.

Агар бу кислотани очликсиз олиш имконияти бўлса, қариш жараёнини тўхтатиш мумкин. Ҳозир ҳайвонларда тажриба ўтказилмоқда.

5-10 йилдан кейин бу эликсир бизгача етиб келса ажабмас.

👉🏻 @Dunyo_xabariuz 🌍

Хитой-Қирғизистон-Ўзбекистон темир йўли қурилиши 27-декабрдан бошланади

«Бу йўл Шарқ ва Ғарбни боғловчи стратегик кўприк бўлади», деди Қирғизистон президенти Садир Жапаров.

👉🏻 @Dunyo_xabariuz 🌍

⚡️Илон Маскнинг бойлиги 500 миллиард долларга яқинлашмоқда, бу Билл Гейтснинг бойлигидан уч баравар кўпроқ. Бу рақамларни олдида оддий миллиардерлар камбағалдек кўринади.

Сентябр ойида таҳлилчилар Маск 2027-йилга бориб тарихдаги биринчи триллионерга айланишини тахмин қилишган эди. Лекин Маск ушбу графикдан олдинлаб кетмоқда

👉🏻 @Dunyo_xabariuz 🌍

🧠 Олимлар: ТикТок миянгизни чиритади. Йил сўзи ҳам — brain rot (мия чириши) бўлди ва бу бежизга эмас.

Миямизнинг ҳабенула деб аталадиган кичик бир қисми бор — у муҳим қарорлар ва мотивация учун жавобгардир. Тез-тез қисқа видеоларни кузатиш уни ҳаддан ташқари юклайди, бу фойдали нарсаларни қилиш қобилиятини том маънода ўлдиради.

Миянинг чиришини енгиш ва уни тиклаш учун мутахассислар қисқа видеолар ўрнига узунроқ фойдали контент кузатишни, кўпроқ сайр ва оила аъзолар билан мулоқот қилишни маслаҳат беришади.

👉🏻 @Dunyo_xabariuz 🌍

❗️19 декабрдан 20 декабрга ўтар кечаси аҳоли кўп яшовчи вилоятларда яхшигина қор ёғиши кутилмоқда.

Ўзгидромет прогнозларига кўра, Бухоро—Навоий вилоятида бироз қор, Қашқадарё вилоятида ёмғир—қор, Тошкент, Самарқанд, Жиззах ва Сирдарё вилоятларида қор, кейинроқ водийда хам қор ёғиши кутилмоқда.

Тоғларда эса кучли қор бўрони бўлиши мумкин экан.

👉🏻 @Dunyo_xabariuz 🌍