Dehqonobod tumani hokimligi

Dehqonobod tumanida o‘tkazilgan yig‘ilishda to‘y marosimlaridagi isrofgarchiliklarni qisqartirish, tomorqa madaniyatini oshirish va yerlardan unumli foydalanishni jadallashtirish masalalari keng muhokama qilindi

Yig‘ilishda tuman hokimi, mahalla faollari, imom-xatiblar, nuroniylar va boshqa mutasaddilar ishtirok etib, isrofgarchilikni kamaytirish va tomorqalardan samarali foydalanish zarurligini ta’kidladi. Tuman hokimi, ayniqsa, din sohasi vakillaridan va nuroniylardan bu jarayonlarda boshchilik qilishni so‘radi.

Shuningdek, “Yashil makon” loyihasi doirasida aholi tomorqalarda xurmo va anjir daraxtlarini ekish, issiqxonalar tashkil etish masalalariga alohida e’tibor qaratildi. Bu chora-tadbirlar, nafaqat ekologik muammolarni hal qilish, balki aholi daromadini oshirish va tumanda oziq-ovqat xavfsizligini yanada kuchaytirish imkoniyatini ham yaratadi.

Yig‘ilishda, dabdabali maraka va marosimlar ortidan fuqarolarning qarzga botib qolishi va kim oʻzar illatlari yuzaga kelishi tanqid qilindi. Buning o‘rniga, resurslarni samarali va oqilona sarflash, aholi hayotini barqarorlashtirish va ularning farovonligini oshirishga qaratilgan strategiyalarni amalga oshirish zarurligi ta’kidlandi.

Kanalga ulanish:
@Dehqonobodpress

Ayollar daftaridagi xotin-qizlar uchun Qarshi shahridagi “Abu Ubayda Al-Jarroh” ziyoratgohiga safar tashkil etildi

Oila, xotin-qizlar bo‘limi tashabbusi bilan mahallalardagi ijtimoiy himoyaga muhtoj ayollar, faollar, xususan "Ayollar daftari"ga kiritilgan xotin-qizlar birgalikda sayohat qilishdi.
Mazkur tadbir davomida ishtirokchilar Qarshi shahridagi muqaddas qadamjolarni ziyorat qilishdi.

Safar davomida ayollarga mutaxassislar tomonidan oilaviy qadriyatlar, xotin-qizlarning jamiyatdagi o‘rni, sog‘lom turmush tarzi va ijtimoiy-ma'naviy muhitni sog‘lomlashtirish masalalarida tushuntirishlar berildi.

Tashkilotchilar bunday tadbirlarning kelgusida ham davom etishini, xotin-qizlarni qo‘llab-quvvatlash, ularning ijtimoiy faolligini oshirish borasida izchil ishlar olib borilishini ta'kidladi. Sayohat ishtirokchilari esa bunday imkoniyat uchun tuman hokimligiga minnatdorlik bildirdilar.

Kanalga ulanish:
@Dehqonobodpress

📊 Qurilish faoliyati bilan shug‘ullanuvchi korxonalar soni qancha?

🏢Qashqadaryo viloyati statistika boshqarmasi ma’lumotlariga ko‘ra, 2025-yilning 1-mart holatiga qurilish sohasida 1 946 ta korxonalar faoliyat ko‘rsatmoqda.

✅Ular hududlar kesimida quyidagicha:

— Qarshi shahri – 601 ta
— Qarshi tumani – 217 ta
— Koson tumani – 178 ta
— Yakkabog‘ tumani – 105 ta
— Chiroqchi tumani – 101 ta
— Shahrisabz shahri – 99 ta
— Muborak tumani – 85 ta
— Kasbi tumani – 84 ta
— Qamashi tumani – 75 ta
— Shahrisabz tumani – 75 ta
— Kitob tumani – 72 ta
— Gʻuzor tumani – 64 ta
— Nishon tumani – 52 ta
— Dehqonobod tumani – 50 ta
— Ko‘kdala tumani – 45 ta
— Mirishkor tumani – 43 tani tashkil etdi.

Manba: Qashqadaryo viloyat statistika boshqarmasi.

Kanalga ulanish:
@Dehqonobodpress