Ey, hurmatli ota! Siz hozir mashinada quchog'ingizda olib ko'chalarni aylantirayotgan go'dak o'g'lingizga u kattaroq bo'lganda so'kmasdan mashina haydashni o'rgata olasizmi? Hali aqlini tanimagan go'dakni rulga osiltirib ko'cha aylantirish unga nima foyda berarkin. Lekin u 14-15 yoshga to'lganda unga muomala bilan mashina boshqarishni o'rgatishga sabr va xohish topasizmi?... ochiq savol.

Ey, hurmatli ona! Siz Telegram profilingizdagi rasmlarga farzandlarim mening baxtim deb suratlar joylaysiz. Lekin ularni nuqul boshqalar bilan taqqoslaysiz va o'ziga bo'lgan ishonchini yakson qilasiz. O'zingizdan so'rab ko'ring, qachon oxirgi marta bolangiz bilan dildan suhbat qilib, uni tinglagansiz? ... ochiq savol.

Sizga ochilib gapirmaydigan bolaning ichida aslida olam-olam gap bor. Faqat dunyo ketidan quvishdan sal to'xtab uni eshitsangiz bo'ldi. Bola Xudo bergan ne'mat. Uning shukrini qilish uchun uni yaxshi tarbiya va yaxshi so'z bilan avaylash kerak.