Ҳафталик об—ҳаво шарҳида иш кунлари антициклон чеккаси таъсирида текисликларда тонг отиши ва Қуёш ботишидан сўнг қалин туман тушиши, Фарғона водийси вилоятларининг текислик ҳудудларида бундай ҳодисалар узоқроқ давом этиши, ҳатто ҳудудда булдуруқ ҳодисаси кузатилиши мумкинлиги ёзилганди.

Ўзгидромет Навоий шаҳри ва унга туташ ҳудудларда кўриниш масофаси 50—100 метргача чекланган қалин туман ходисалари кузатилаётганини маълум қилди.