Buxoro shahar hokimligi | Rasmiy

#Sayyor_qabul

Bugun Respublika ishchi guruhi tomonidan tasdiqlangan reja-jadvaliga asosan S.Ayniy hamda Navbahor mahalla yigʻini fuqarolari uchun shahar hokimining oʻrinbosari Feruz Xamroyev hamda Oʻzbekiston Respublikasi Prezidentining Buxoro shahridagi Xalq qabulxonasi mudiri Azamat Bekmurodov boshchiligida sayyor qabul boʻlib oʻtdi.

Oʻtkazilgan sayyor qabulda hudud aholisining tadbirkorligini rivojlantirish uchun amaliy yordam koʻrsatish, uy-joy kommunal xizmatlari, obodonlashtirish, sogʻliqni saqlash va moddiy yordam masalalari boʻyicha murojaatlari oʻrganildi.

Qabulda ishtirok etgan fuqarolarni oʻylantirgan masalalar joyida oʻrganildi hamda mutasaddi tashkilotlarga hal etish choralari koʻrish boʻyicha topshiriqlar berildi.

🌎Veb-sayt   ✅ Telegram  ✅ Facebook

Yurtimizda yoshlarni keng tafakkurli, bilimli va barkamol qilib tarbiyalash, ularni o‘rtasida kitobxonlikni keng targ‘ib qilish dolzarb vazifalardan biri ekanligini chuqur anglagan Xalq deputatlari Buxoro shahar Kengashi deputati N.Hamdamov o‘z saylov okrugi hududidagi 35-,36- hamda 43-sonli umumta’lim maktablari kutubxona fondini boyitish maqsadida badiiy adabiyotlardan iborat kitoblar jamlamasini sovg‘a qildi.

Maktablar pedagogik jamoasi hamda o‘quvchi-yoshlari bebaho ma’naviy xazina bo‘lmish kitoblarni katta mamnuniyat bilan qabul qilib olishdi.

Navqiron avlod vakillari bilan samimiy muloqot chog‘ida deputat N.Hamdamov yoshlar bilan ishlashni samarali tashkil etishda madaniyat, san’at, sport, axborot texnologiyalari, kitob o‘qishga qiziqishini oshirish bo‘yicha bugungi kunda yaratilayotgan keng imkoniyatlar to‘g‘risida gapirib o‘tdi. Yurtimizda yoshlarning ta’lim olishi va bandligini ta’minlashda berilayotgan e’tibor, yoshlar tadbirkorligini qo‘llab-quvvatlash borasida berilayotgan imtiyozlar haqida batafsil ma’lumotlar berib o‘tdi. Kitob o‘qish kelajak avlodning bilimli va ma’naviyatli bo‘lib ulg‘ayishlariga xizmat qilishini ta’kidladi.

Bunday tadbirlarni o‘tkazishdan ko‘zlangan maqsad yoshlarni ijtimoiy faolligini oshirish, ular qalbida kitob mutolaasiga bo‘lgan qiziqishlarini kuchaytirish, yurtga sadoqat, Vatanga muhabbat hissini shakllantirishdan iboratdir.

🌎Veb-sayt   ✅ Telegram  ✅ Facebook

#diqqat

Aholi bilan to'g'ridan-to'g'ri muloqot qilish, ularning muammo va takliflarini o'rganish maqsadida joriy yilning 13-fevral kuni soat 11:00 da Buxoro shahar 3-sektorida joylashgan “Olim Xo'jayev" mahallasi binosida shahar Ichki ishlar organlari faoliyatini muvofiqlashtirish boshqarmasi boshlig‘i R.Yusupov tomonidan sayyor qabul o‘tkaziladi.

Murojaat uchun: I.Safarov 91-311-00-39 (sektor kotibi)

🌎Veb-sayt   ✅ Telegram  ✅ Facebook

#diqqat

Joriy yilning 13-fevral kuni yil soat 10:00 da Buxoro shahrining 2-sektorida joylashgan “N. Ganjaviy" mahallasi binosida shahar prokurori S.Qurbonov tomonidan aholi muammolarini o‘rganish, ular bilan muloqot qilish va mavjud muammolarni hal qilish maqsadida sayyor qabul o‘tkaziladi.

Murojaat uchun: M.Muxamadiyev, 65-221-53-20 (sektor kotibi)

🌎Veb-sayt   ✅ Telegram  ✅ Facebook

Bugun Buxoro shahar hokimi Qurbon Tursunov, viloyat maktabgacha va maktab ta'limi boshqarmasi boshlig'i Hamza Elliyev va shahar sektorlari rahbarlari ishtirokida Buxoro shahridagi maktabgacha va maktab ta’limi tizimida amalga oshirilgan ishlar, erishilgan yutuqlar va yo‘l qo‘yilgan kamchiliklar muhokamasiga bag‘ishlangan yig‘ilish o‘tkazildi. Unda maktabgacha va maktab ta’limi bo‘limi, shahardagi 45 ta umumta’lim maktablari direktorlari hamda 77 ta DMTT mudiralari qatnashishdi.

Buxoro turizm va madaniy meros texnikumida o'tgan yig‘ilishda voyaga yetmaganlar o‘rtasida jinoyatchilik va huquqbuzarliklarni oldini olish, korrupsiya va poraxo‘rlik illatini barvaqt aniqlash, ta’lim-tarbiya maskanlarida ijtimoiy-ma’naviy muhitni yaxshilash, maktab va bog‘chalar hududlarini obodonlashtirish, noqonuniy qurilmalarni bartaraf qilish yo‘nalishlarida amalga oshirilgan ishlar birma bir muhokama qilindi.

Yig'ilishda tashkiliy masala ko'rildi. Shu vaqtga qadar Buxoro shahar ixtisoslashtirilgan 123-maktab internati direktori vazifasida ishlab kelayotgan Xaitov Asror Axmadovich Buxoro shahar maktabgacha va maktab ta'limi bo'limi rahbari lavozimiga tayinlandi.

Yig'ilishda shuningdek, 2025-yilda sohada amalga oshiriladigan ishlar kelgusidagi muhim vazifalar xususida ham so'z bordi.

🌎Veb-sayt   ✅ Telegram  ✅ Facebook