Markaziy bank boshqaruvi, Iqtisodiyot va moliya vazirligi hamda Soliq qoʼmitasining «Xoʼjalik yurituvchi subʼektlarning bank hisobvaraqlaridan pul mablagʼlarini hisobdan chiqarish tartibi toʼgʼrisidagi yoʼriqnomani tasdiqlash haqida»gi qarorga oʼzgartirishlar va qoʼshimcha kiritish toʼgʼrisida»gi qoʼshma qarori qabul qilindi (15.01.2025 y. АV roʼyxat raqami 2342-12-son).

Xoʼjalik yurituvchi subʼektning asosiy hisobvaragʼi ochilgan bankda 2-son kartoteka mavjud boʼlgan hollarda toʼlovlarni amalga oshirilish navbatiga aniqlik kiritilmoqda.

Xususan, xoʼjalik yurituvchi subʼektlarning kommunal xizmatlari (elektr energiyasi, gaz taʼminoti) uchun toʼlovlari navbatdan tashqari tartibda ularning asosiy hisobvaragʼiga kelib tushgan jami tushumlar doirasida amalga oshiriladi.

Hujjat Qonun hujjatlari maʼlumotlari milliy bazasida eʼlon qilingan va 16.01.2025 yil kuchga kirdi.

https://t.me/buxgalteriuz