BO'KA TUMANI HOKIMLIGI

#qutlov

Bo’ka tumani hokimi Baxtiyor Begmatovning "Yangi yil" munosabati bilan bayram tabrigi

Assalomu alaykum, qadrli tumandoshlar!
Muhtaram do‘stlar!

Siz azizlarni, nuroniylar, mehribon opa-singillarimizni, a’zmu shijoatli yoshlarimizni yangi orzular, yangi rejalar, quvonchu shodliklar ulashib kirib kelgan Yangi yil bilan samimiy muborakbod etaman!

Barchangizga sihat-salomatlik, tinchlik-xotirjamlik, baxtu saodat va farovonlik tilayman. Yangi yilda barcha xayrli ishlaringizda omad yor bo‘lsin! 2024-yil mamlakatimiz uchun tinch, har tomonlama omadli va barakali yil bo‘ldi.

Biz taraqqiyotimizning yangi davri, yangi bosqichiga qadam qo‘ydik. Muhtaram Prezidentimizning ta’biri bilan aytganda, eng muhimi, odamlarimizning ertangi kunga ishonchi ortmoqda. Bir so‘z bilan aytganda, o‘tayotgan yil mamlakatimiz tarixida yorqin iz qoldirgan yil bo‘ldi.

Hurmatli do‘stlar!
Yangi kirib kelayotgan 2025-yilda Bo’ka tumanimizni yanada obod va ko‘rkam qilish, inson qadri va farovonligi uchun xalqimiz manfaatlarini himoya qilish asosiy vazifamiz bo‘lib qoladi. Ehtiyojmand oilalar va yordamga muhtoj insonlarni himoya qilishga, aholi daromadlarini oshirishga e’tiborni yanada kuchaytiramiz.

Muhtaram faxriylar, opa-singillarimiz va yoshlarimizga g‘amxo‘rlik ko‘rsatish doimo diqqatimiz markazida bo‘ladi.

Aziz va qadrdon tumandoshlar!
Yangi 2025-yilda xalqimizning barcha orzu-niyatlari ushalsin. Kelajagimiz vorislari sanalmish farzandlarimiz, nabiralarimizning baxtu kamolini ko‘raylik! Qalbingizga quvonch, dasturxoningizga qut-baraka, oilangizdan shodu-xurramlik arimasin!

Go‘zal va betakror yurtimiz tinch-osoyishta, olijanob, bag‘rikeng xalqimiz hamisha omon bo‘lsin!

2025-yilning qadami qutlug‘ kelsin!
Yangi yil barchamizga muborak bo‘lsin!

Hurmat bilan, Bo’ka tumani hokimi B.Begmatov

✉️ Telegram | 📱 Instagram |
📱 Facebook | 🌐 YouTube |
🌎 Web-sayt | 📲 X

#bayram

Tuman tibbiyot birlashmasida yangi yil sovg’alari topshirildi.

💠 Yangi yil bayrami munosabati bilan tuman hokimining o’rinbosari O.Djo’rayev, Z.Mannopova, Mahallalar uyushmasi Bo’ka tumani bo’limi boshlig’i Z.Obidov, Yoshlar ishlari agentligi Bo’ka tumani bo’limi boshlig’i M.Ismoilov va TTB bosh shifokori Sh.Mustafov boshchiligida tibbiyot birlashmasida davolanayotgan bolalar, ularning onalari va navbatchilik qilayotgan tibbiyot xodimlariga bayram sovg’alari topshirildi.

🔺 Mas’ullar barchani kirib kelayotgan yangi yil bilan tabriklab, bemorlarni tezroq sog’ayib, oilalari bag’riga qaytishlarini tiladi.

Qorbobo va ertak qaxramonlari ishtirokida topshirilgan sovg’alar barchaning kayfiyatiga ko’tarinkilik bag’ishladi.

✉️ Telegram | 📱 Instagram |
📱 Facebook | 🌐 YouTube |
🌎 Web-sayt | 📲 X

#tuhfa

Bo'ka tumanidagi "Jo'raobod" mahallasi obod manzilga aylandi.

🔺 Xabaringiz bor, Bo'ka tumanidagi "Jo'raobod" mahallasida "Obod xonadon - obod ko'cha - obod mahalla" shiori ostida qator obodonlashtirish ishlari amalga oshirildi. Jumladan, mahalla idorasi, tibbiyot punkti, kasb-hunarga o'qitish markazi, sartaroshxona, sport maydonchasi kabi yangi bino va inshootlar qad rostladi. Yog'och ustunlar temir-beton ustunlarga almashtirilib, elektr tarmoqlariga zamonaviy sip-kabellar o'rnatildi. Ko'chalar asfaltlashtirilib, ichimlik suvi tarmog'i tortildi.

🔸 Bugun Yangi yil bayrami arafasida bir qator ijtimoiy soha obyektlari foydalanishga topshirildi. Ochilish marosimida Toshkent viloyati hokimi Zoyir Mirzayev, O'zbekiston Xalq shoiri Mahmud Toir va keng jamoatchilik vakillari ishtirok etdi.

BATAFSIL

✉️ Telegram | 📱 Instagram |
📱 Facebook | 🌐 YouTube |
🌎 Web-sayt | 📲 X

#bayram_shukuhi

Obodonlashtirish boshqarmasi xodimlariga tuman hokimining bayram sovg'alari topshirildi.

🔺 Bugun Bo'ka tumani hokimi B.Begmatov boshchiligida tegishli hokim o'rinbosarlari ishtirokida yozning jazirama issig‘iga, qishning sovuq kunlariga qaramay ish olib boradigan tuman Obodonlashtirish boshqarmasi xodimlari bilan uchrashuv o‘tkazildi.

🔸 Uchrashuvda tuman hokimi Obodonlashtirish boshqarmasining barcha ishchi xodimlarini Yangi yil bayrami bilan tabriklab, ularga bayram sovg‘alarini topshirdi.

Uchrashuv yakunida Obodonlashtirish boshqarmasi xodimlari uchun konsert dasturi namoyish etildi.

✉️ Telegram | 📱 Instagram |
📱 Facebook | 🌐 YouTube |
🌎 Web-sayt | 📲 X

#diqqat

🤩 Bugun soat 17:00 dan boshlab tuman markazidagi markaziy archa oldida katta bayram tadbiri o'tkaziladi. Tadbirda Madaniyat bo'limi xodimlari ishtirokidagi shou-konsert dasturi namoyish etiladi.

Barchangizni tuman markazida kutib qolamiz!

✉️ Telegram | 📱 Instagram |
📱 Facebook | 🌐 YouTube |
🌎 Web-sayt | 📲 X