Россияда қаровсиз қолган болалар Ўзбекистонга қайтарилди

Россияда ота-она қарамоғисиз қолган 3 нафар бола 11 февраль куни Ўзбекистонга олиб келинди. Ижтимоий ҳимоя миллий агентлигининг маълумотига кўра, болаларнинг яқин қариндошлари Россия ҳудудида бўлиш қоидаларини бузгани сабабли депортация қилинган. Оқибатда, болалар Москвадаги вояга етмаган ҳуқуқбузарларни вақтинча сақлаш марказига жойлаштирилган.

Қайд этилишича, агентлик ва тегишли идоралар ҳамкорлигида болаларнинг ватанга қайтиши ва ота-оналарига топширилиши таъминланган.