Boyovut mat+akt

1. AHA! Matematika darsligi hozircha o'zbek, rus va qoraqalpoq tillarida chop qilindi.
2. Darslik va mashq daftari maktabingizga yetib bormagan boʻlsa, ularning elektron variantidan foydalanib turasizlar.
3. Mashq daftarini o'quvchilar har kuni ko'tarib yurishlari shart emas. Bunga yo'l qo'ymang. U yoki sinfda yoki uyda saqlansin. Qaysi sizga va o'quvchilarga qulay bo'lsa, shunisini tanlang. Mashq daftarining tegishli varaqlarini har safar yirtib, o'quvchilarga berish (yoki o'quvchilarning o'zlari uni yirtib olishlari) va uni o'qituvchi tekshirib yana daftarga tikib qo'yishga mo'ljallangan. Shuning uchun u teshib qo'yilgan.
4. Mashq daftari oxiridagi ilovada berilgan ko'rgazmali o'quv qurollari o'yib olish, mashq daftari oxiriga tikib qo'yilgan konvertga solish kerak. Bu o'quv qurollar kerak bo'lib qolganida ular darsga olib kelinishi yoki sinfda saqlanib kerak payti o'quvchilarga tarqatilishi va yig'ib olinish zarur.
5. Siz yigʻib olgan va tekshirilgan Mashq daftari o'quv yili oxirida yana kutubxonaga topshirilishi kerak. U utilizatsiya uchun makulaturaga topshiriladi.
6. Bu va shunga o'zshash savollarga 1-vebinar videosini ko'rib javob topishingiz mumkin. Unga havola tepada berilgan.
7. Yangi darslik va mashq daftarining elektron variantini ham yuqorida berilgan havolalardan yuklab olishingiz mumkin.
8. Yangi darslik bilan 11-noyabrdan dars boshlanishi boʻyicha koʻrsatma berilgan.
9. RTM tomonidan berilgan taqvim-mavzu boʻyicha dars olib borish kerak.

Mashq daftari xususida yana bir aniqlik.
Mashq daftari asosan uyda bajarishga mo'ljallangan. Lekin, undan lozim bo'lsa, darsda ham foydalansangiz bo'ladi. Masalan, yangi mavzuni darslikdan boshladingiz. Shu kuni mashq daftarining shu mavzuga tegishli varaqlari o'qituvchilar qo'lida bo'lishi kerak. Mavzu 2-3 soatga mo'ljallangan bo'lsa, o'quvchilar mashq daftari varaqlarini 2-3 dars davomida darslikka solib yurishi lozim bo'ladi. Bu davrda xohlang ba'zi masalalarni sinfda birga muhokama qilib ishlang, xohlang ularni uyga vazifa qilib bering. Mavzu tugab boshqa mavzuga o'tayotganingizga oldingi mavzu varaqlari sizga qaytarilishi va yangi mavzu varaqlari o'quvchilarga berilishi zarur. Shunday qilib mashq daftari varaqlari yangi mavzu boshlanayotganda yig'ib olinadi va yangi varaqlar ulashiladi. Ko'rib turganigizdek, mashq daftarini qanday ishlatish sizga bog'liq.
Mashq daftarida shuningdek, "Amaliy topshiriq", "Muammoli topshiriq", "Bilimingizni tekshiring" kabi ruknlardagi topshiriqlarni darsda ko'rsangiz ham maqsadga muvofiq bo'ladi. "Takrorlash" rukni ostida berilgan masalalarni nazorat ishi sifatida foydalansangiz maqsadga muvofiq bo'ladi. Buning uchun bu masalalarni yirtib o'quvchilarga taqdim qilasiz. Ular uni dars davomida yechib sizga topshirishadi.

Salom ustozlar! Mashq daftari xususida yana bir aniqlik. Ha, mashq daftari asosan uyda bajarishga mo'ljallangan. Lekin, undan lozim bo'lsa, darsda ham foydalansangiz bo'ladi. Masalan, yangi mavzuni darslikdan boshladingiz. Shu kuni mashq daftarining shu mavzuga tegishli varaqlari o'qituvchilar qo'lida bo'lishi kerak. Mavzu 2-3 soatga mo'ljallangan bo'lsa, o'quvchilar mashq daftari varaqlarini 2-3 dars davomida darslikka solib yurishi lozim bo'ladi. Bu davrda xohlang ba'zi masalalarni sinfda birga muhokama qilib ishlang, xohlang ularni uyga vazifa qilib bering. mavzu tugab boshqa mavzuga o'tayotganingizga oldingi mavzu varaqlari sizga qaytarilishi va yangi mavzu varaqlari o'quvchilarga berilishi zarur. Shunday qilib mashq daftari varaqlari yangi mavzu boshlanayotganda yig'ib olinadi va yangi varaqlar ulashiladi. Ko'rib turganigizdek, mashq daftarini qanday ishlatish sizga bog'liq. Mashq daftarida shuningdek, "Amaliy topshiriq", "Muammoli topshiriq", "Bilimingizni tekshiring" kabi ruknlardagi topshiriqlarni darsda ko'rsangiz ham maqsadga muvofiq bo'ladi. "Takrorlash" rukni ostida berilgan masalalarni nazorat ishi sifatida foydalansangiz maqsadga muvofiq bo'ladi. Buning uchun bu masalalarni yirtib o'quvchilarga taqdim qilasiz. Ular uni dars davomida yechib sizga topshirishadi.Omon bo'linglar!

Assalomu-alaykum aziz ustozlar! Salomat yuribsizmi? Shuncha o'qituvchilarimiz, qiziqib guruhga a'zo bo'lishibdimi, demak ustozlarimizga gap yo'q. Ustozlardan biri so'rabdu. Men o'zimni tanishtiray. Men Boxodir Xaydarovman. Siz foydalanib kelayotgan 5 sinf "Matematika", 7-9 va 10-11-sinf "Geometriya" darsliklari mualliflaridan biriman. "AHA! Matematika" 5-6-sinf yangi darsliklarini mahalliylashtirish bo'yicha tuzilgan ishchi guruh rahbariman. Shuningdek, yangi ta'lim standarti va dasturlarini ishlab chiqishga ham boshchilik qilib kelayapman. Xullas, matematika ta'limi tizimida olib borilayotgan yangi o'zgarishlarga hissa qo'shib kelayapman. Yaqinda Prezidentimiz bilan uchrashdik. Ular oldimizga darsliklarni ko'rib chiqqandan keyin, endi ustozlarni tayyorlab bering, deb vazifa qo'yishdi. Guruh shu maqsadda ochildi. Siz aziz ustozlarni hamma savollariga bevosita javob berish, sizni yangi darslik imkoniyatlari va uni o'qitish metodikasi bilan yaqindan tanishtirish uchun ochildi. Bu rasmiy guruh. Shu bois bu guruhga jiddiy e'tibor bilan qarashingizni so'rayman. Kecha guruhni shakllantirish kuni bo'ldi. Bugundan boshlab, guruh to'laqonli ishini boshlaydi. Savollaringizga bevosita men javob beraman. Bilaman, boshida savollaringiz juda ko'p bo'layapti. Bu tabiiy hol. Oldin tashkiliy masalalarni hal qilib olishimiz lozim. Keyin hamma narsa mazmun va metodikaga qaratiladi. savollaringizga javob berish uchun imkoni boricha har kuni ertalab yarim soat vaqt ajrataman. Kim payshanba kuni vebinarga kira olmagan bo'lsa, maslahatim oldin u bilan tanishib chiqinglar. Siz berayotgan ko'p savollarga unda javob bor. Vebinar har ikki haftada o'quv yili oxirigacha bo'ladi. Darslik va mashq daftari hali hammaga borib yetgani yo'q. Bundan xabarimiz bor. Shu oy ichida borib yetadi. Darslik va mashq daftari yo'lda. Ungacha ularning elektron variantidan foydalanib turasizlar. Bu noqulaylik uchun uzr so'raymiz. Mashq daftarini ishlatish bo'yicha savollaringizga kelsak, turlicha yo'l tutilayapti ekan. Bu yaxshi sinab ko'ring, qaysi sizga ma'qul bo'lsa, o'shanday foydalaning. Lekin, o'quvchilarni har kuni uni ko'tarib yurishiga yo'l qo'ymang. Mahsq daftari aylanma daftarlaringiz o'rniga chiqarilgan. Endi aylanma daftar tutishga hojat yo'q. Darsda ishlatish uchun bitta daftar tutishsa bo'ldi. Mashq daftari yirtib ishlatishga mo'ljallangan. Shuning uchun u teshib qo'yilgan va yirtish uchun betlar qiyib qo'yilgan. Uni turlicha tarzda ishlatib, o'zingiz hammaga ma'qul yo'lini topasiz degan umiddamiz. Yana bir katta iltimosim. Darslik va mashq daftari haqida fikr bildiring. Fikrlaringizni eshitamiz. Biz uchun bu muhim. Lekin, shu o'rinda ozgina chidamliroq bo'lib, keskin fikr bildirishlardan tiyilib turishingizni so'rar edik. Chunki, bu majmua bo'yicha bir o'quv yili bo'yicha dars berganingizdan keyin fikringiz o'zgarishiga aminmiz. Vazirimiz va vazirlikning mutasaddi xodimlari fanimizda ketayotgan o'zgarishlardan doimo xabardor bo'lib turishibdi. Ular sizga hamma imkoniyatlarni yaratib berishga tayyor. Omon bo'linglar. Endi dushanba kuni ertalab muloqotga kirishamiz. Rahmat!