Kallang bormi

Dadajonim doimo,
Xato qilsam biror ish.
Kallang bormi deydilar,
Go'yo bu katta tashvish.
Tushunmadim umuman,
Bu qiziq gap bo'ldiku.
Ma'nosiga tushunmay,
Aqlim ham lol qoldiku.
Kallam bo'lmaganida,
Shunday ko'p yurarmidim.
Sizga shodlik ulashib,
O'tirib turarmidim.
Kalla bo'lmaganini,
Ko'rgim keladi juda.
Gaplaringiz g'alati,
Qiziq ekansiz dada.

@bolalar_sherlari