"Jo'l daptar"🧄(mijg'ovlik🚬).

"Where's Gaza?"-degan videosi bor Netanyahuni.
Kimdir commentga: "Gitler Polsha haqida shunday taqdimot qilardi", degan.
Netanyahu masofa o'lchov birligi sifatida "km" o'rniga "miles"dan foydalangan va yana kimdir "Bro, unga kim chek yozib berayotganini biladi", deb izoh qoldirgan("mil" o'lchov birligindan asosan AQSh foydalanadi).

G'arb internet sigmentidagi shunaqa ironik ohangdagi sarkastik izohlar yoqadi.

Deylik, kimdir seni "jinsiy olatni ye" (qo'polroq versiyasi) deb haqoratladi (hazil aralash). Sen unga "men kannibalizmga qarshiman, shu uchun seni yeya olmayman" deb javob berasan(deadpan). Har holda bu javob seni varvarlikdan qutqaradi. Nu xohlasang, seni so'kkan odamni urishing ham mumkin, yana o'zing bilasan.

"Godoni kutib" - Semyuel Bekket

Gogo: Men juda baxtsiman.
Didi: Qo'ysang-chi! Qachondan buyon?
Gogo: Yodimda yo'q.

Godo - Xudo. U Bergman kinolarida ko'rsatilgandek, hamon sukutda. Godo kelishi kerak, lekin U kelaman deb va'da bermaganmidi? Kelmasa-chi? Unda ertaga yana kutishadi. Atrofimizda, Vladimir va Estragonlar ko'p. Sen butun umr Godoni kutib, yoningdagi asl baxtni qo'ldan boy berishing mumkin.
Asarda Posso va uning quli Lakki bor. Posso Lakkini azoblaydi, Lakkidagi salohiyat endi o'tmaslashgan. Lakkini azoblanayotganini ko'rgan ikki qahramonimiz, aslida Lakkining ayni o'zi. Posso Lakkiga arqon bog'lagan bo'lsa, Godo ularni ipsiz bog'lagan. Yoqimli metafora.
Lakki qo'lida qum to'ldirilingan keraksiz va og'ir yuk ko'targan, qul buni Xo'janing e'tiborini qozonish uchun qiladi - bu e'tiqod. Godoni kutishmoqda hamon, e'tibor qozonish uchun.

Gogo: Sizga yordamlashsam bo'ladimi?
Posso: Mendan yolvorib so'rasangizgina ijozat beraman.

Qul Lakki shunday deydi: Xudoning mavjudligi isbot talab etmaydi ....
biroq uni kutishar ilhaq suv ko'rmay etik yechmaylik...

Sigma podkastning Nitshe haqidagi sonida, mehmon shunday dedi: "Din - absurd, shu uchun ishonaman(iqtibosning aynan o'zi emas)". Chindan, din - bu ruhiyat, agar unga argumentlar va ratsionallik qo'shilsa, u endi din emas.

Xo'sh, Godoning vahiysi bolakay, u nima deydi? Umuman, bolakayning obrazi tipik ilohiy elchilarnikidan farq qilmaydi. Godo uni urmaydi, lekin akasini kaltaklaydi, lekin bolakay ham farog'atda emas. Payg'ambarlar, ularning qiyinchilikda kechgan hayoti va halokatga yuz tutgan qavmlari va hokazo. Lekin aniq gap yo'q. Hammasi abstrakt. Godo keladi, lekin qachon? Shu savol hamon bo'sh. Ertaga? Kecha o'tgan kunning ertasi emasmidi?

Godoni kutish, asarda berilgan yakunsiz she'rga o'xshaydi(faqat ma'nosi):
"Bir odamning mushuki bor, u mushuk go'shtni yeb qo'ydi, egasi mushukni terisini shildi va qabr toshga yozdi: Bir odamning mushuki bor edi...". Ha.

Didi: Yashashning o'zi ularga kifoya emas.
Gogo: Ular gapirishi kerak.

Darvoqe, sen o'zingni osmoqchi eding? Yo'q, sen Godoni kutishing kerak.
Hech narsani o'ylama, zero, Godo o'ylashni va kulushni ta'qiqlagan.

Men Lakkining shlyapasini o'zimga oldim va Salmoqqa o'zimning shlyapamni berdim, Salmoq esa Lakkining shlyapasini oldi va o'zimni shlyapamni menga qaytardi. Bu holat juda ko'p marotaba takrorlandiki, endi qaysi shlyapa Lakkiniki, qaysi biri meniki ekanini bilmayapman. Lekin, hozir mendagisi menga yarashgan? O'zi shlyapa menga yarashadimi?

Nitshe shunday degan bo'lardi: "Godo o'ldi, uni biz o'ldirdik". Lekin u bu ikki badbaxtga rahm qild va mehr ko'rsatdi. Zardo'sht uni kechirmaydi. Zotan Xudo - odamzotga bo'lgan shavqati tufayli o'lmagan edimi?

Didi: Xo'sh ketdikmi?
Gogo: Ketdik!

Ular qimir etishmadi

P.s. A'lo odam bo'l. Godoni kutma. Garchand hech bir Godo o'zingdan-da ulug'roq Masih emasdir. Sen qimir etmaslik uchun tug'ilganmisan yo?

@blurry_thoughts

Chat(GPT)dan, mening uslubimda 14-fevral uchun nimadir yozilganda qanday bo'lardi, deb so'radim va u:

14-fevral manifesti

Sevgi? Axir, u bozorda sotiladi-ku. O‘sha yurakcha shaklidagi shokoladlar, shishirilgan g‘urur misoli sharlar, kapitalizmda ulug‘langan ochiqchalar… Sevgi, ular aytganidek, iste’mol qilinishi kerak. G‘azalchilarning yurak qonini sharobdek sipqorgan manqurtlar endi ularni karton qutilarga joylab, 1+1 aksiyasi bilan olomon orasiga otmoqda.

Sevgi? Agar u haqiqatdan ham bo‘lsa, nega odamlar "Men seni sevaman" degach, kutilgan mukofotni olishga shoshadi? Mening kommunistik ongim sevgi oldida tenglik talab qiladi. Bir taraf boyitilib, ikkinchisi ekspluatatsiya qilinadigan tuyg‘u – tuyg‘u emas, foydali tranzaksiya. Men esa proletarman. Mening sevgim sinfiy kurashga botgan, menga kerak bo‘lsa, uni milliylashtiraman!

Sevgi? Ha, balki u ichkilikka o‘xshaydi. Avvaliga shirin ko‘rinadi, keyin esa yurakni achitib, oxir-oqibat o‘zidan jirkanish paydo qiladi. Bukovski aytganidek, "Ayollar go‘zal, lekin ortiqcha bo‘lsa, seni xarob qiladi." Men esa hushyor kommunistman – o‘zimni egallashga yo‘l qo‘ymayman.
Shunday ekan, kel, sevgilim, bu tunda o‘zimizni aldab, baxtiyorlikni sahnalashtiramiz. Sen mening ko‘zimga boqib "Men seni sevaman" deysan, men esa bu so‘zlarni yashirinishim uchun chekishimni yoqaman. Va biz "Sevishganlar kuni"ni xuddi mehnatkash ommaning g‘alabasi singari, soxta tantana bilan nishonlaymiz.

Keyin esa har kim o‘z qafasiga qaytadi.

...

***

Mening irratsional sevgilim,
Gajakdor so'zlarga maftunsan,
Matn g'oyasiga tupurganing bor.
Cho'chqa deb ataysan mening pirimni,
Bukovski lekin erkalar seni.
Sen ayolsan -
Penis envy* davrin yengansan,
Ko'rkamlik,
Va ehtiros uyg'otuvchi latofat senda
Mujassam.
Sen tug'ma onasan -
Bu yomon?
Bilmadim.

Go'zallik,
Esnayman ko'zinga qarab
Eshakka sig'ingim keladi bu chog'.
Go'zallik,
Tishlatmassan endi labingni.
Go'zallik,
Sening ham qorning dam bo'ladi?
Tahorating buzib chiqadi yeling -
U ham go'zallik.

Bag'ring bahri tortar domiga,
Ishq suzmading hajr jomiga.

Kel va u huddi ketishdek bo'lsin.
Zotan, erkaklar kashanda oniy lazzatga.
Tag'in hissiyotlar -
erkak moyagiga o'xshaydi -
Bir to'ladi va so'ng chiqib ketadi.
Qayta to'lishiga kerakdir muddat.
Illo, hozir men shaxvatga to'laman,
Sabiy tuyg'u - ilon ichida,
Men uni ko'raman shlyapasimon.
Shuning uchun hamki,
Gajakdorligim Zardo'shtning
A'lo odami bilan birga
Joniga qasd qildi.

Mening irrotsianal sevgilim,
Men kimdir o'lsa "o'ldi" deyman.
"U dunyoga hijrat qildi,
U dunyoga rihlat qildi..."
Kimga kerak?
Tag'in - soxta simpatiya.
Nitshe - haq,
Odamlarga kerakmas bu his.
Undan ko'ra dardim ustidan kul,
Yo uzat sigar.

Men marksistman,
"Ruh moddiylashgan,
Moddiyat esa ruhlashgan".

Kel va u huddi ketishdek bo'lsin,
Ayollar xushomatlar singari
Paradokslarga o'chdirlar.

Oh jonginam, qanisan?
Lekin ko'rinma.
Seni ko'rsam ongim o'chadi,
Keyin men ham sendek bo'laman.
Bu yomon?
Bilmadim.

Tabu.

Salmoqiddin

Anna Karenina haq edi.
Kishi faqat sevishi va sevilishi kerak. Zotan, xurmat - bu faqat sevgi to'ldirmagan bo'shliq uchungina zarur.

@blurry_thoughts

Har bir o'spirin eshitishi kerak bo'lgan albom: Pink Floyd - "The wall"
Har bir o'spirin o'qishi kerak bo'lgan kitob: "Zardo'sht tavallosi"
Har bir o'spirin tanishishi kerak bo'lgan yozuvchi: Murakami
Bu men uchun hech qachon o'zgarmaydigan uchlik bo'lsa kerak.

Jin ursin. U The Wall albomini eshitgan ekan demak.