Bayyina.uz

ҲАМДАРДЛИК БИЛДИРАМИЗ

"Чор Бакр" масжиди жамоаси "Жўйбори Калон" мадрасасининг муаллимаси  Наргиза Ашурованинг  падари бузрукворлари  Юсуф ота Ашуровнинг вафотлари муносабати билан чуқур таъзия билдиради. Марҳумнинг оила аъзолари ва яқинларига сабр тилаймиз.
                                                          
Оламдан ўтган марҳумнинг барча солиҳ амалларини Аллоҳ таоло ўзларига ҳамроҳ айлаб, Ўз мағфиратига олсин. Аллоҳ таоло ўз фазли билан Фирдавс жаннати ахлларидан қилсин.

Ҳақ таоло марҳумнинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.

✍️إِنَّا لِلّهِ وَإِنَّـا إِلَيْهِ رَاجِعونَ

«Албатта, биз Аллоҳникимиз ва албатта, биз Унга қайтувчимиз».

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

Саҳарликнинг баракоти

عَنْ أَنَسِ بْنِ مَالِكٍ رَضِيَ ٱللَّهُ عَنْهُ قَالَ: قَالَ رَسُولُ ٱللَّهِ ﷺ: تَسَحَّرُوا فَإِنَّ فِي ٱلسَّحُورِ بَرَكَةً


Анас ибн Молик розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар:

"Саҳарлик қилинглар, чунки саҳарликда барака бор."

Ушбу ҳадисда саҳарликнинг фазилати таъкидланмоқда. Саҳарлик – рўза учун ният қилиб еб-ичиш бўлиб, у нафақат жисмоний қувват, балки маънавий барака ҳам келтиради.

1. Саҳарлик – суннат амал
Пайғамбаримиз соллаллоҳу алайҳи ва саллам саҳарлик қилишга тарғиб қилганлар ва бунинг баракали эканини баён қилганлар.


2. Рўзадор учун енгиллик
Саҳарлик инсонга кун давомида қувват беради ва рўзани енгилроқ ўтишига ёрдам беради.


3. Илоҳий барака
"Барака" сўзи ризқнинг зиёда бўлиши, фойдали ва хайрли бўлиши маъносини англатади. Саҳарлик нафақат озиқ-овқатнинг кўпайиши, балки руҳий ва жисмоний кучни ошириш сабабидир.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

БОЛАЛАР РЎЗАНИ БУЗСА ГУНОҲ БЎЛАДИМИ?


❓CАВОЛ: 7 ёшли бола ўз хоҳиши билан рўза тутса ва ифторгача чидолмай очиб юборса қанчалик гуноҳ бўлади?

💬 ЖАВОБ: Бисмиллаҳир Роҳманир Роҳим.
Рўза вояга етган кишиларга фарз бўлгани учун, болалар рўзани бузса, уларга гуноҳ бўлмайди. Уларга қазо ва каффорат деган ҳукмлар йўқ. Валлоҳу аълам.

Ўзбекистон мусулмонлари идораси
Фатво ҳайъати

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

РЎЗАНИ НЕЧА ЁШДАН ТУТИШ КЕРАК?

❓CАВОЛ: Рўзани неча ёшдан тутиш керак?

💬 ЖАВОБ: Бисмиллаҳир Роҳманир Роҳим.
Намоз, рўза ва бошқа ибодатлар балоғатга етган кундан бошлаб фарз бўлади. Ўғил болалар эҳтилом яъни тушда булғаниш билан, қиз болалар ҳайз кўриш билан балоғатга етади. Валлоҳу аълам.

Ўзбекистон мусулмонлари идораси
Фатво ҳайъати.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

БОЛА ЭМИЗИШ РЎЗАНИ БУЗАДИМИ?

❓CАВОЛ: Боламни эмизсам рўза бузиладими?

💬 ЖАВОБ: Бисмиллаҳир Роҳманир Роҳим.
Бола эмизиш рўзани бузмайди. Рўза еб-ичиш маъносидаги ишлар ва жинсий алоқа сабабли бузилади. Валлоҳу аълам.

Ўзбекистон мусулмонлари идораси
Фатво ҳайъати.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

КИМЛАР РЎЗА ТУТМАСЛИГИ МУМКИН?
#рўзага_оид_саволлар@bayyinauz

❓614-САВОЛ: Кимларга рўза тутмасликка рухсат берилган?

💬 ЖАВОБ: Бисмиллаҳир Роҳманир Роҳим.
Касал ёки мусофир кишилар, ҳомиладор ёки эмизикли аёллар, рўза тута олмайдиган қарияларга рўза тутмасликка рухсат берилган. Қуръони каримда: “Бас, сизлардан кимки бемор ёки сафарда бўлса, саноғи бошқа кунлардандир. Мадори етмайдиганлар зиммасида бир мискин кимсанинг (бир кунлик) таоми фидядир...”, дейилган (Бақара сураси 184-оят).

Рўза тутса, касаллиги зиёда бўлишидан қўрққан бемор, рўза тутмайди. Сафардаги кишига рўзаси зарар қилмаса, рўза тутгани афзал. Лекин рўза тутмаса ҳам узрли ҳисобланади, гуноҳкор бўлмайди.

Ўзи ёки бола (ҳомила)сига зарар етишидан қўрққан эмизикли ёки ҳомиладор аёл ҳам, рўза тутмайди. Рўза ўзига ёки боласига зарар қилмайдиган эмизикли ва ҳомиладор аёллар, албатта, рўзани қолдирмай тутадилар. Юқорида саналган узрли кишиларнинг барчаси Рамазондан кейин имкон бўлиши билан қолиб кетган кунларнинг рўзасини тутиб берадилар.

Рўза тута олмайдиган қариялар фидя, яъни, Рамазоннинг ҳар кунига бир мискинга бир кунлик таом ёки унинг қийматини берадилар. Рўза тута оладиган қариялар одатдагидек рўза тутаверадилар.

Ҳайз ва нифос кўрган аёллар ҳам узрли кунларида рўза тутмайдилар. Пок бўлишлари билан рўзани тутиб бошлайдилар. Қолиб кетган кунларни Рамазондан кейин тутишади. (“Ҳидоя”, “Ихтиёр”, “Фатҳу бобил иноя” китоблари).
Валлоҳу аълам.

Ўзбекистон мусулмонлари идораси
Фатво ҳайъати.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

РАМАЗОН РЎЗАСИНИ САБАБСИЗ ТУТМАЙ КЕЙИН ТУТИБ БЕРИШ ТЎҒРИМИ?
#қасам

❓401-CАВОЛ: Агар бир одам сабабсиз Рамазоннинг бир кунини рўза тутмай ўтказиб юборса ва кейин тутиб берса савоби Рамазондаги каби бўладими?

💬 ЖАВОБ: Бисмиллаҳир Роҳманир Роҳим. Сабабсиз бир кун тутмаса, гуноҳкор бўлади. Рамазондан кейин бир кунига бир кун қазо қилиб, тутиб бериши вожиб бўлади.

Рамазонда сабабсиз тутилмаган рўза кейинчалик қазо қилиб тутилганда бўйиндан соқит бўлсада, лекин унинг Рамазондаги каби савобига эриша олмайди. Ҳадиси шарифда шундай дейилади:

من أفطر يومًا من رمضان من غير رخصة ولا مرض لم يقضِ عنه صيام الدهر كله ، وإن صامه

яъни: “Ким Рамазон ойида бир кун сабабсиз ва касалликсиз рўза тутмаса, бутун умр рўза тутса ҳам унинг ўрнини боса олмайди” (Имом Аҳмад ривоятлари). Валлоҳу аълам.

Ўзбекистон мусулмонлари идораси
Фатво ҳайъати.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

❓CАВОЛ: Рамазон ойида Рамазон қўшиғини айтиб уйга эҳсон сўраб келганларга бирор нарса беришимиз керакми ёки бермаган маъқулми?

💬 ЖАВОБ: Бисмиллаҳир Роҳманир Роҳим.
Агар ёш болалар хуш хабар сифатида айтишаётган бўлса уларни хурсанд қилиб қайтаришнинг зарари йўқ. Аммо ишлашга қодир, ёши катта, соғ-саломат инсонларнинг тиламчилик қилиши шариатимизга номувофиқдир. Валлоҳу аълам.

Ўзбекистон мусулмонлари идораси
Фатво ҳайъати.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube