Дада

Содда, беғуборлигим,
Кўнгли оппоқ қорлигим,
Армонлари борлигим,
Дада, сизга ўхшайман.

Энг покиза юрагим,
Ҳаммамизга керагим,
Мени ярим бўлагим,
Дада, сизга ўхшайман.

Мени йиққан бойлигим,
Ўзимни чиройлигим,
Жўшқин бўлган сойлигим,
Дада, сизга ўхшайман.

Ўзимни меҳрибоним,
Гўзал, ёруғ жаҳоним,
Сиз-ла, бахтиёр оним,
Дада, сизга ўхшайман.

Нур таралган изингиз,
Маъноли ҳар сўзингиз,
Порлаб турар кўзингиз,
Дада, сизга ўхшайман.

Аллоҳдан сўраганим,
Шодликка ўраганим,
Ўзимни ширин жоним,
Дада, сизга ўхшайман.

Умида АЪЗАМ

Каналга обуна бўлиш учун ушбу
линкни босинг 👇🏻👇🏻
https://t.me/+3DY3uc9J-j04YmNi