oilani bir qo'rg'on deb olsak, ota u qo'rg'onning ustuni hisoblanadi. ustun qanchalik mustahkam, baquvvat, ishonchli bo'lsa uning himoyasi ostida bo'lgan jamiyki oilasi hotirjamlikda yashaydi. va shuningdek ota ahli ayoliga qilgan go'zal munosabati bilan farzandlariga o'rnak bo'ladi. bunda ayolini "sizlab" chaqirishi o'ta go'zal tarbiyalardan biri deb hisoblayman.

bu juda muhim jihat bo'lib tuyilmasligi mumkin, ammo o'zi bilmagan holda farzandlariga onasiga, opa-singlisiga, kelajakdagi ahli ayoliga bo'lgan yaxshi munosabatni va hurmatni o'z-o'zidan shakllantirib, go'zal holda singdirib boradi. shuning bilan birga aka-ukalarda onasiga, opa-singlisiga bo'lgan o'rtadagi iliq munosabatlarni bemalol, tortinmasdan aytolish immuniteti hosil bo'ladi. sababi, bilamizki bizda yigitlarimizning "onajon (singlim) sizni yaxshi ko'raman, yaxshiyam hayotimda siz borisiz, yaxshiman siz mening onamsiz (singlimsiz)" deyolishi qiyin jarayon. ular sezdirmasdan, chetdan yaxshi ko'rib himoya qiladi, ammo aytolmaydilar. oilada ota onasiga 'siz'lab, yaxshi munosabatda bo'lishi esa o'g'il farzandlarga namuna sifatida namayon bo'ladi.

p/s: albatta bu shaxsiy fikrlarim. bu holatga hamma turlicha nuqtayi-nazar bilan qaraydi. lek barbir men uchun bu o'ta go'zal)✨

#opinion