Заработок с телеграм-канала

С аудиторией от 1500 подписчиков. Подключайтесь!

Ваш доход с телеграм-канала

С аудиторией от 1500 подписчиков. Подключайтесь!

Доход с телеграм-канала

От 1500 подписчиков. Подключайтесь с Яндексом!

Статистика Избранное

Baratov’s Blog

Гео и язык канала: Узбекистан, Узбекский

Категория: Блоги

Minimalistic thoughts
“My (accurate) dairy”

Связанные каналы | Похожие каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Baratov’s Blog

1 Mar, 08:11

Zo’r imkoniyat

O’tgan Ramazonda, juda ko’p yaxshi odatlar shakllantirganman. Ramazon barakali o’tsa, yil barakali o’tishini o’shandan tushunganman.

O’zgarish uchun, shakllantirilishi kerak bo’lgan odatlar, sahar vaqtida takrorlansa, ularni sifatli va tez o’zlashtirish mumkinligi hammaga ma’lum.

Ilm olish, zalga chiqish, qorinni uchdan birini havo uchun bo’sh qoldirishimizga boshqa oylarda qiyanlamiz.

Lekin bahonalar o’tmaydigan, dushmanlar zanjirband qilinadigan, o’zgarish uchun eng xayrli bo’lgan oy Ramazon oyi bu.

O’zgarish uchun eng yaxshi oy bu.

Foydalanib qoling. Bu imkoniyatni qo’ldan boy berganlar, keyingi ramazongacha afsuslanib yurishadi.

Barchamizga Ramazon muborak!

@baratovs_blog

975 0 12

Baratov’s Blog

25 Feb, 04:01

Boshidan o’tkazgan yaxshi

Besh yil oldin o’qiganda ta’sir qilmagan maqol, iqtiboslar hozir ta’sir qilyapti.

Oldin hikmatlarni o’qib o’tib ketardim, hozir yig’latyapti.

Matn o’zgarmagan. Men o’zgardim. Yozilganlarning ko’pini boshimdan o’tkazdim.

Yaqinlar o’limi, xiyonat, chorasizlik, musofrchilik.

O’qishning o’zi o’zgarishga yetmaydi, yashash kerak. Yashashning o’zi o’zgarishga yetmaydi, taffakur qilib yashash kerak.

Ming marta eshitgandan bir marta ko’rgan yaxshi deyishadi.

Ming marta o’qigandan bir marta boshidan o’tkazgan yaxshi degan bo’lardim men.

@baratovs_blog

1.6k 0 15

Baratov’s Blog

18 Feb, 04:01

Matn kuchli

Audio kitob eshitgandan, kitobni o’zini o’qiganda ko’proq esda qoladi.

O’qiganni yozganda esa xotirada joylashib, haqiqiy ilmga aylanadi.

Blogimda faqat matn chiqadi.

Dumoloq video, ovozli xabar, storis hatto stiker ham qo’ymayman.

Sababini aytish vaqti keldi.

Matn barakali.

Matn o’quvchining tezligida yuradi. Tasavvurni to’liq ishlatishga imkon beradi.

Tasavvur - eng kuchli media.

Medianing esa o’z tezligi bor. Ularni o’sha tezlikda ko’rishingiz, eshitishingiz kerak.

Audioga ovoz yetarli. Videoga yaxshi sur’at yetarli. Matn esa yaxshi fikrsiz bo’la olmaydi.

Matn kuchli.

@baratovs_blog

2.2k 0 14

Baratov’s Blog

11 Feb, 04:01

Xohish bo’lsa bo’ldi

IELTS da o’qib yurgan davrlarimni eslayman. ChatBotlar yo’q edi. Internet esa qimmat bo’lardi.

Har xil dasturlar bilan lug’at tarjima qilardik. Dasturda topilmasa, kitoblardan qidirardik.

Bilim olish hech qachon hozirgidek oson bo’lmagan. Ustoz, internet, kitob, ChatGPT hamma sharoit bor.

Bilim yo’lida harakat qilganlar juda tez top-10%ga qo’shilishyapti. Chunki ko’pchilik reels bilan ovora.

IELTSdan 9.0 oladigan, o’qishga grant yutadigan, yaxshi daromad qiladigan talabalarni ko’paygani bunga misol.

Endi o’qimaslikga bahona bo’lishi mumkin emas.

Xohish bo’lsa bo’ldi.

@baratovs_blog

2.7k 0 14

Baratov’s Blog

4 Feb, 04:01

O’zini aldab yuradi

Endi har kuni vaqtli turaman deydi.

- Soat 10 gacha uxlaydi.

Yangi-yildan har kuni kitob mutolaa qilishni boshlayman deydi.

- Qo’liga kitob olmaydi.

Yanvardan boshlab zalga chiqaman deydi.

- Fikri o’zgaradi.

Yomon odatlarni hammasi 2024-yilda qoldi deydi.

- Aksincha, yaxshi odatlarini qoldirganini ko’rsatadi.

Instagramga boshqa kirmayman deydi.

- Har kuni storis qo’yadi.

Yilning 10%i o’tib bo’ldi.

O’zgarish uchun mo’jiza kutayotganlar, umumman harakat qilmasdan faqat kutaveradi.

@baratovs_blog

3.9k 1 53

Baratov’s Blog

28 Jan, 04:01

Vaqtning qiymati

Tuproqqa suv qo’shib, quritib g’isht yasasa bo’ladi. O’sha loyga hunarmand mehr bersa, ko’za yasasa bo’ladi.

Kremniy moddasini alohida ajratib olib, quyosh batareyasi yasasa bo’ladi. Bir xil tuproq. Bir biridan narxi 10-100 barobarga farq qiladigan mahsulotlar.

Tuproq ishlatilyapti degani - eng to’g’ri yo’lda ishlatilyapti degani emas.

Vaqt bilan ham shunday. Bandsiz degani, eng foydali ish bilan bandsiz degani emas. Vaqt shunchaki sarf bo’lmaydi.

U konvertatsiya bo’ladi.

- Arzon dofaminga konvertatsiya bo’lishi mumkin (tarmoq, o’yin, seriallar).

- Ilmga konvertatsiya bo’lishi mumkin.

- Pulga konvertatsiya bo’lishi mumkin.

Eng asosiysi, hech qachon bankrot bo’lmaydigan biznesga konvertatsiya bo’lishi mumkin. (35:29)

@baratovs_blog

3.3k 0 25

Baratov’s Blog

20 Jan, 04:01

10% oldinda

O’rgatishim, muhokama qilishim, gapirishim uchun ekspert bo’lishim kerak deb o’ylaymiz.

“O’rgatish sengamas” deydi ichki ovozimiz.

Bir necha yil oldin do’stim to’g’ri ovqatlanish ratsionini tushuntirgan.

O’zi mendan ikki kun oldin o’rgangan.

Proffesional shug’ullanadigan odamlardan so’rasam qo’l siltab ketardi.

“Shuniyam bilmaysanmi hali?” deb.

O’rgatuvchining 10% oldinda yurishi o’rganuvchiga foyda.

Bilmagan paytini eslaydi. Qiynalgan paytini eslaydi. Erinmay tushuntiradi.

O’rgatish uchun ekspert bo’lishni kutmang.

O’rganuvchidan 10% oldinda bo’lsangiz yetarli.

@baratovs_blog

3.2k 0 23

Baratov’s Blog

13 Jan, 04:01

Limbik kapitalism

Inson miyyasining limbik tizimiga ta’sir o’tkazib hissiyotlar chaqirish mumkin.

Hissiyotni nima chaqirsa ham, haqiqiydek tuyulaveradi.

Buni ustida ishlayotgan olimlar, uddasidan chiqishyapti. Oxirgi yillarning o’zida ular bizga:

Vitaminli meva, sabzavotlar o’rniga, MSG (tam beradigan tuzlar) bilan boyitilgan sneklar,

Haqiqiy do’stlar o’rniga - followerlar,

Hayot sinovlari o’rniga - videoo’yinlar.

Qancha shu narsalarga qaram (addicted) bo’lsak, mualliflarga shuncha yaxshi.

Hech kim bizni ataylab qul qilmoqchi emas. Maqsad faqat pul, toza kapitalism.

Limbik kapitalism.

Qulga aylanayotgan biz o’zimiz.

@baratovs_blog

3.1k 0 10

Baratov’s Blog

6 Jan, 04:01

Chalg’ib qolamiz

Rasm jo'natish uchun telegramga kirdim. Kanaldan kelgan xabarga qiziqib kirdim.

Bitta xabar ikkinchisiga, keyin boshqa kanalga ulanib, oxiri Youtube bilan tugadi.

Ish quroli, ishdan chalg’itib qoldi. Telegram bir yengil metafora xolos. Ko’p hollarda maqsad qolib instrument bilan ovora bo’lib qolamiz.

- Oilamiz yaxshi yashashi uchun ko’p ishlaymiz, ishimiz deb oilamizga vaqt ajrata olmaymiz.

- Vaqtimni tejasin deb laptop, smartfon olamiz, eng ko’p vaqtimizni shu instrumentlarda isrof qilamiz.

- Sog’lom bo’lay deb zalni boshlaymiz, vazn yig’ish uchun sog’liqqa zarar beramiz.

- Komfort qidirib mashina olamiz, rulda piyodalarni hurmat qilmay o’zimizdan ketamiz!

@baratovs_blog

3.6k 2 16

Baratov’s Blog

30 Dec 2024, 04:01

Reels sindromi-2

Statistika bo’yicha instagramda bir oyda 2 milliard odam reels ko’rishga odatlanib bo’ldi.
Bu dunyoning 20% aholisi. Asosiy foydalanuvchilar 25-34 yoshda.

Shu insonlar, 1 kunda 30 daqiqa vaqtini instagramni o’zida sarflashadi. (Facebook, Tik-Tok, Twitter dan tashqari.)

Kuniga 200 million reels ko’rilyapti. Bu o’tgan yilgiga nisbatdan 100% ga ko’p. Foydalanuvchilar uzunroq reels bo’lsa ham ko’rishga rozi.

Eng ko’p ko’riladigan janrdagi reels: hazil, sport, konsert.

Instagramga yangi qo’shilayotgan foydalanuvchilar asosan: GEN Z (1997-2012).

————————————————

Asabiylik, sabrsizlik, diqqatni jamlay olmaslik, sifatsiz uyqu, past xotira va boshqa shunga o’xshagan kamchiliklarni yo’qotish maqsad edi……

Lekin biz reels ko’rib kamchiliklarimizni parvarishlashdan to’xtamayapmiz!

Nahotki vaqtimizni, kelajakdagi orzularimiz kalitini birovga shunchaki berib qo’yilsa?

Ogoh bo’laylik do’stim!

@baratovs_blog

3.1k 0 31

Baratov’s Blog

23 Dec 2024, 04:01

Make it attractive

Har kuni ertalab nonushta uchun qaynatilgan tuxum yeyman deb o’zimga va’da berdim. Vazn yig’ib olish uchun.

1-haftadan keyin, tuxum yeyish qiyinlashdi. Ilojini topib va’damda turishim kerak. Lekin bu oson emasligi ma’lum.

Shunda Atomic habits kitobini o’qiganimda, odatlarni o’zlashitirish uchun berilgan maslahatlardan biri yodimga keldi.

- Make it attractive

Tuxumni qaynatganimdan so’ng olib po’stini tozalab, stol ustiga qo’ydim. Stolda faqat tuxumni turganini ko’rib, yeyishni boshladim.

Shunday qilganimdan keyin va’damda turib 20 kun ketma-ket tuxum yeyishni uddaladim. Vazn ham yig’dim. Va’damda ham turdim.

Biror ishni yarimiga kelib tashlamoqchi bo’lsangiz, uni soddaroq qilib qilishga osonlashtiring.

Formula oddiy: Make it attractive.

@baratovs_blog

2.7k 0 15

Baratov’s Blog

16 Dec 2024, 04:01

Fikrlash uzunligi

1. Har bir insonning vaqtni his qilish darajasi bo’ladi. Fikrlash darajasi qancha yuqori bo’lsa shuncha uzoqroq vaqt bilan o’ylay oladi.

2. Musk, Jobs, Bezos, Jack Ma bizneslarini boshlayotganda 10 yillik rejalardan kelib chiqishgan. Ularning kolibri shunday.

3. Ba’zi tadbirkor va siyosatchilar yillar ko’lamida fikrlashadi, rejalar tuzishadi. Ba’zilari keyingi oyda nima qilishini bilishmaydi.

4. Afsuski odamlarning aksari faqat kun uzunligida fikrlay olishadi. Bugun o’tsa bo’ldi. Ertaga bir gap bo’lar.

5. Bundan kaltasini ko’raman deb o’ylamagandim. Sekund uzunligida fikrlaydigan insonlar ham bor ekan.
Sariqda kutsangiz, 1 sekund sabr qilmasdan signal chalishadi…..

@baratovs_blog

2.8k 0 21

Baratov’s Blog

9 Dec 2024, 04:01

Tafakkur

Restoranda ovqatni kim pishirishiga ahmiyat bermaymiz,

- Lekin uni doim ishtaha bilan yeymiz.

Taksi qaysi yo’l bilan manzilimizga olib ketyapti qiziq emas,

- Lekin bilamiz o’sha aytilgan manzilga boryapmiz.

Uchuvchi samolyotni nechi metr balandlikda uchirishini farqi yo’q,

- Lekin, aytilgan vaqtda manzilga borsak bo’ldi.

Avtobus haydovchisi bizga g’irt begona odam,

- Lekin avtobusda xotirjam, kitob o’qib yoki telefon ishlatib ketamiz.

Ko’chadagi insonlarga doim xushomadda bo’lamiz,

- Lekin ahli oilamizni doim zoe qilamiz.

Bizning ajdodlarimiz buyuk shaxslar bo’lishganini aytamiz,

- Lekin afsuski instagramdagi vaynerlar bilan ovorammiz.

—————————————————

Hayotda “aql yurituvchilar uchun belgilar bor”.

Tafakkur qilib ko’ring do’stim!

@baratovs_blog

3.3k 0 24

Baratov’s Blog

2 Dec 2024, 04:01

Ma’naviy boylik

Poezda ketayotib yoshi kattaroq bir inson bilan suhbatlashib qoldim.

5 yil ichida qanday qilib million dollarlik mulk va pullarini yo’qotib, yana qarzdor ham bo’lib qolganini gapirib berdi.

Eshitib, o’qib yurgan narsalarimdan birini hayotda tasdig’ini ko’rdim:

-Sizdan olib qo’ysa bo’ladigan narsa sizniki emas.

Moddiy narsalar: Bankdagi pulingiz, nomingizda turgan mulkingiz va uyingizda naqd turgan pullar.

Hammasini bir kunda yo’qotish mumkin.

Haqiqiy boylik bu - olib qo'yilishi mumkin bo’lmagan narsalar aslida.

Ma’naviy narsalar: Ilm, sog’liq, tajriba, munosabatlar.

Shu narsalarni orqasidan, to’g’ri yo’l bilan, rizq bo’lib keladigan boshqa narsalar (pul, mashina, uy) - faqat bonus.

Kelsa yaxshilikga, kelmasa zarari yo’q!

@baratovs_blog

2.9k 0 18

Baratov’s Blog

25 Nov 2024, 04:01

Yagona yo’l - to’xtamaslik

Bugun GPT-4 (sun’iy intellekt) bilan suhbatlashdim.

Bunday chuqur va qiziq suhbatlar menda faqat ustozlar bilan bo’lar edi:

- Bilim va ma’lumot farqi

- Fobiyalarni davolash

- Tafakkur turlari va foydalari

- Miyaning ishlash jarayoni

- Ijtimoiy muammolar

- Tarix va Adabiyot.

Juda ko’p mavzularda 95% odamlardan ko’ra yaxshiroq fikr beryapti

Bundan tashqari GPT-4, rasm chizyapti, kod va yaxshi ideyalar beryapti.

Ishlari 80% dizayner, koder, jurnalistlardan yaxshi

Avvalari doimiy o’rganish yaxshi ish topishga sabab bo’lardi

Endi inson o’z ustida ishlashdan to’xtab qolsa, ishsiz qolib ketadigan zamonlar kelib qoldi.

@baratovs_blog

3.1k 0 10

Baratov’s Blog

18 Nov 2024, 04:01

Rumination

Tadqiqotlarga qaraganda miya 30% vaqtini o’tmishni o’ylashga sarflaydi.

- Nega unday bo’ldi?

- Boshqacharoq qilsam bo’lmasmidi?

Qilinmagan ishlar, erishilmagan yutuqlar, boshqalarning natijasi miyada aylanaveradi.

Rumination - Shayton vasvasasi.

Yutish uchun dushmanga o’z quroli bilan kurashing.

Ichki ovozingiz “hammasi boshqacha bo’lishi mumkin edi-ku” desa, “to’g’ri” deng.

Yomon tarafga ham boshqacha bo’lishi mumkin edi deb variantlar keltirib bering:

“3 yil oldin treyder bo’lib boyib ketishing mumkin edi”.

-3 yil oldin treyderlik qilib bankrot bo’lib, qarz to’lab yurgan bo’lishim ham mumkin edi.

“Vizang chiqqanida AQShda yashayotgan bo’lishing mumkin edi”.

-Aeroportga ketayotganda halokatga uchrab dunyoni tark etishim ham mumkin edi.

Shunday qilsangiz afsus o’rnini shukrga bo’shatib bergan bo’lasiz.

@baratovs_blog

3.7k 1 33

Baratov’s Blog

11 Nov 2024, 04:01

Atrofdan o’rganib = o’rgatish

Kitob o’qishni boshlaganimda - yonimdagi do’stim ham o’qishni boshladi.

To’g’ri ovqatlanishni boshlaganimda - menga qo’shilib to’g’ri ovqatlandi.

Ehtiyojsiz sarf qilinadigan xarajatlarni to’xtatganimda - u ham to’xtatdi.

Sport bilan muntazam shug’ullanishni boshlaganimda - menga qo’shildi.

O’zim ham shu kichik odatlarni kimdirda ko’rib ta’sirlanganim uchun o’zlashtirganman.

Aslida yaxshi va yomon odatlarni o’zimiz bilmagan holda boshqalardan ta’sirlanib o’rganamiz.

Siz faqat o’zimni tarbiyalayapman deb o’ylaysiz - lekin siz atrofdagilarni, atrofdagilar esa sizni tarbiyalayotgan bo’ladi.

To’g’ri insonlar davrasida yuring, o’rganishga ham imkon bo’ladi, o’rgatishga ham.

@baratovs_blog

3.4k 0 23

Baratov’s Blog

4 Nov 2024, 05:01

Kichkina kurashlar

Gapiraymi, jim turaymi?

Turib ishimni qilaymi, yana biroz yotaymi?

Kitobmi, instagrammi?

Yozib olaymi yoki eslab qolamanmi?

Suvmi, kolami?

Eshitaymi, gapiraymi?

To’g’risni aytsammikin, yo’qmi?

Yaxshi gumonmi, yomonimi?

Katta maqsadlar, katta harakatlar emas,

Shu kichkina kurashlar hayotimizni ko’proq qismiga ta’sir qiladi.

Nafsga qarshi kurashlarni yuta olmagan odam, boshqa narsalar bilan kurashga chiqib ham o’tirmaydi jigar!

@baratovs_blog

4.1k 0 32

Baratov’s Blog

28 Oct 2024, 04:01

Haqiqiy maqsad

Birinchi marta sport zalga chiqganimda,

Maqsad — tez gavdamni chiqarish deb o’ylardim.

Aslida esa,

Tez gavdani chiqarish emas,

Tetik yurish, to’g’ri ovqatlanish “routinely lifestyle” qilish — maqsad.

Jarayondan zavqlanish — maqsad.

Qolgan narsalar ham shunday.

Farzand katta qilib, unashtirib qo’yish maqsad emas,

Har bir kulgusidan mazza qilish va bergan tarbiyangizni ko’rib, faxrlanish — maqsad.

Biznes qurib boyib ketish maqsad emas,

Jamoa bilan birga o’sish va haqiqiy do’stlarni topish — maqsad.

Yuzta kitob tugatish maqsad emas.

Kitob o’qib, saviyani oshirish maqsad.

@baratovs_blog

4.7k 0 40

Baratov’s Blog

21 Oct 2024, 04:01

Jim turish

Suhbatlarimni kuzatdim.

Gaplarimni 40 foizini gapirmasam ham ishim bitar ekan.

Ba’zi gaplar (maqsadsiz savollar, yangiliklar, odamlar muhokamasi) jim turmaslik uchun gapirilishini tushundim.

Maqsadsiz savollar berilganda, maqsadlilarining qadri tushishini ko’rdim.

Yangiliklar gaplashilganda, vaqt bekor ketishini ko’rdim.

Odamlar gaplashilganda, g’iybat boshlanishini ko’rdim.

Biron gapni gapirmaganim uchun hali afsuslanmadim.

Gapirganim uchun ko’p afsuslandim.

Gapira olish san’at deb yurardim.

Aslida jim turishlik kattaroq san’at ekan jigarim!

@baratovs_blog

4.4k 1 42

Показано 20 последних публикаций.

2 029

подписчиков

Статистика канала

Популярное в канале

O’zini aldab yuradi Endi har kuni vaqtli turaman deydi. - Soat 10 gacha uxlaydi. Yangi-yildan ...

Xohish bo’lsa bo’ldi IELTS da o’qib yurgan davrlarimni eslayman. ChatBotlar yo’q edi. Internet e...

Matn kuchli Audio kitob eshitgandan, kitobni o’zini o’qiganda ko’proq esda qoladi. O’qiganni y...

Boshidan o’tkazgan yaxshi Besh yil oldin o’qiganda ta’sir qilmagan maqol, iqtiboslar hozir ta’si...

Zo’r imkoniyat O’tgan Ramazonda, juda ko’p yaxshi odatlar shakllantirganman. Ramazon barakali o’...